SASABANGNGA 3:18 - WUKE SUSI WATTI'U AL᷊AL᷊USASSA

¹⁸ Al᷊aṛṛana-U sarun maddaringikka manga wisaranu. Wua'udde i'o suadio'a ringannu manga piaṛṛa'u Israel ṛinone inai sumaruanna ratu Mesir wuṛṛu mabbal᷊o si tou; ‘Mawu, Ruata taumatan Ibrani buatte nirumanta naipasilon batangan-Ne si yami. Orassa indi wala'awe yami inai araune tallu allo amatanna watukku wadda'a lol᷊okka mangonggolu sasamba su Mawu, Ruatan kami.’ ”

SASABANGNGA 3:18 Iomraidhean Croise

PANDARIADDI 12:1

Mawu nabbisara si Abram, “Tantanga'e wanuanu, ṛuangannu amonannu wuṛṛu wal᷊en yamangngu, wuṛṛu inaite watukku wanua apan Ta'u ipantingidda si'o.

PANDARIADDI 14:13

Arawe sangkatou apan naatal᷊angnga nangalaen arariadianna udde si Abram, taumatan Ibrani udde. I Abram uatana'a maranin manga punnu alu pia taṛṛinone tampa patataṛṛamawuanna tatahuananni Mamre, taumatan Amori. I Mamre wuṛṛu manga tuṛṛangnge, eteudde i Eskol wuṛṛu i Aner eteudde manga hawen i Abram.

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 48:3

Wisaran Yakub si Yusuf, “Ruata Lembontaṛṛino buatte naipasilon batangan-Ne si ya'u su Lus, su leta'u Kanaan, wuṛṛu buatte nangal᷊amatta si ya'u.”

2 TAWARIKH 30:12

Su Yehuda lai Ruata nammanara wuṛṛu nangaukku naungngu tumanangnge tadea'u atonna-tonna tumuṛṛutta apulun Duata ringannu tuttuṛṛutta lai manga parentan datu wuṛṛu mamanaran araratuanne.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

SASABANGNGA 17:5

Unnu Mawu si Musa, “Waggoite siri pira taumata piaṛṛange wuṛṛu amata'e suadio'a ringanni mangitou malliu ṛoro balahanna udde. Apira'a lai ta'inna apan nipaatta pinamuulla Sal᷊ukku Nil.

SASABANGNGA 19:1

Wua'udde walahannu Israel nanantangngu Rafidim, wuṛṛu su allo paarorone wul᷊anna atallune napawe i mangitou wua nanantangngu Mesir, i mangitou naddatingke su wadda'u Sinai. I mangitou naddasanna su wawal᷊annu Wowon Sinai,

SASABANGNGA 25:22

Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 3:16

Roote wuṛṛu ammul᷊a'a anambon piaṛṛa'u Israel. Al᷊iata'a si mangitou manung-Ku, Mawu, Ruata iupungngu al᷊amona mangitou, Ruatan i Abraham, i Ishak wuṛṛu i Yakub, buatte naipasilon batangan-Ne si'o. Pasingkata'e si mangitou manungku i Ya'u nirumantate ringanni yamiu wuṛṛu naasilote ereapa i mangitou aalangannu balahannu Mesir.

SASABANGNGA 30:36

Sambageanganna wuassu amania udde ṛinone tummaanna mabbal᷊i al᷊ussa. Apira'e udde su Rasang-Ku wuṛṛu sal᷊iawuṛṛa'e su saruannu Wantallu Pa'aire. Amania udde ṛinone ellehanna maola'a sambau saranapa susi apan niṛṛa'e si Ya'u. Imbaṛṛangnga ma'ola'a amania apan nilo'annu manga rampa ereudde lai ana see ipaatti yamiu sassane.

SASABANGNGA 30:6

Addoa'a mezbah udde su liuddu mal᷊aṛṛenessa su saruannu Wantallu Pa'aire, su tampa i Ya'u sarun maisasombanu.

SASABANGNGA 4:1

Ana see i Musa sinumimbakka Mawu, “Arawe ereapate amungkangngu unnu wisara manga taumatan Israel tawe mangimanna wuṛṛu maddiri tumuṛṛutta manga wisara'u? Apa ṛinone ta'u olaanna unnu wisara i mangitou mabbisara manungku Mawu tawe naipasilon batangan-Ne si ya'u?”

SASABANGNGA 4:23

wuṛṛu i'o buatte Ta'u nirolokka mamalan ana'U udde inai tadea'u i tou wotongnge mattaṛṛamawu si Ya'u, arawe i'o nanol᷊a'a. Orassa indi i Ya'u sarun mamate anangngu pahul᷊une.’ ”

SASABANGNGA 4:24

Su sambau tampan paddasananna sulal᷊ummu amatanna udde, Mawu nirumanta ringanni Musa wuṛṛu mappulu mamate si tou.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

SASABANGNGA 5:1

Wua'udde i Musa wuṛṛu i Harun inaite sinumaruanna ratu Mesir wuṛṛu nabbisara, “Arendi parenta Mawu, Ruatan Israel, ‘Walaawe walahang-Ku sumabangnga tadea'u i mangitou wotongnge mattaṛṛamawu si Ya'u su wadda'a lol᷊okka.’ ”

SASABANGNGA 5:3

I Musa wuṛṛu i Harun nabbisara, “Ruatan taumatan Ibrani buatte naipasilon batangan-Ne si yami. Wala'awe yami inai su wadda'a araune tallu allo amatanna tadea'u mangonggolu sasamba su Mawu, Ruatang kami. Amungkangngu yami tawe mallaghun udde, yami sarun patean-Ne ringannu radda'a ara'e pangalo.”

SASABANGNGA 7:16

Pasingkata'a su ratu udde; Mawu, Ruata taumatan Ibrani, nandolo'u iapawal᷊o si Tuangku tadea'u mamalan al᷊aṛṛanang-Nge inai mattaṛṛamawu si Tou su wadda'a. Arawe naddatingngu sara orassa indi i Tuangku maddiri maddaringikka.

SASABANGNGA 8:1

Ana see Mawu nabbisara si Musa, “Roote saruanna ratu wuṛṛu wal᷊oa'a si tou tanata-U indi; ‘Wala'awe al᷊aṛṛana-U inai mattaṛṛamawu si ya'u.

SASABANGNGA 8:20

Mawu nabbisara si Musa, “Roote tiṛṛabbi maṛṛanggappa maisasomban datu su tempo i tou sumossokka su sal᷊ukka, wuṛṛu wal᷊oa'a si tou wisara-U indi; ‘Wala'awe al᷊aṛṛana-U inai mattaṛṛamawu si ya'u.

SASABANGNGA 8:23

I Ya'u sarun ma'ola'a padaṛṛalanne su wallatu al᷊aṛṛana-U wuṛṛu tumanangngu. Al᷊aṛṛindu'a udde sarun mariaddi tiṛṛabbi.’ ”

SASABANGNGA 9:1

Mawu nabbisara si Musa, “Roote sumaruanna ratu, wuṛṛu wal᷊oa'a si tou manungku Mawu, Ruata taumatan Ibrani, nabbisara; ‘Wala'awe manga al᷊aṛṛana-U inai tadea'u i mangitou wotongnge mattaṛṛamawu si ya'u.

SASABANGNGA 9:13

Mawu nabbisara si Musa, “Roote tiṛṛabbi marua allo maṛṛanggappa sumaruanna ratu wuṛṛu wal᷊oa'a si tou manungku Mawu, Ruatan Ibrani nabbisara; ‘Pallosa'a al᷊aṛṛana-U tadea'u i mangitou wotongnge inai mattaṛṛamawu si ya'u.

YESAYA 64:5

I'o mannal᷊oho taumata apan matul᷊idda, wuṛṛu ingana'a apan mabbiakka tuttuṛṛuta apulu-Nu. I'o massa'u si yami, arawe i yami sidutu ma'ola'a rosa atonna ro'en dorone i yami nassal᷊a.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

YEREMIA 26:5

I yamiu ṛinone lai maddaringikka apan apan niwal᷊on allang-Ku, manga nabi apan sidutu Ta'u niorolokka ringanni yamiu. Arawe i yamiu maddiri maddaringikka si mangitou.

REENGANNA 17:4

Apira'e manga ta'inna udde su Rasang-Ku wuṛṛu addoa'e su saruannu Wantallu Pa'aire, inanaramanne i Ya'u maisasomban kamiu.

YOSUA 1:17

Yami sarun matuṛṛutta si'o, ere lai yami sidutu tuttuṛṛuta si Musa. Antimanna Mawu Ruatanu maṛundingannu ere i Tou uaṛṛundinganna si Musa!