SASABANGNGA 3:17 - WUKE SUSI WATTI'U AL᷊AL᷊USASSA

¹⁷ Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 3:17 Iomraidhean Croise

PANDARIADDI 46:4

I Ya'u sarun tumantalongnga si'o watukku Mesir, wuṛṛu mangapiddu papapulunnu mabelengnga apia su wanua indi. I Yusuf sidutu su sandiṛṛannu napawe papatenu nia'omanna.”

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

PANDARIADDI 50:25

Ana see i Yusuf nandolokku anambon ana'u tuṛṛangnge massalu, wisarane, “Pa'irete si ya'u, manungku napawe Ruata mamiaaṛṛa'i yamiu watukku wanua udde, i yamiu lai sarun mangapiddu winal᷊unangku.”

1 TAWARIKH 1:15

Hewi, Arki, Sini,

DARALO 102:21

maddaringikka sasal᷊iomannu taumata tataṛṛanganna wuṛṛu namallossu taumata iṛṛuumanna pateanna.

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 32:34

Roote orassa indi, wuṛṛu apira'e i mangitou udde watukku tampa apan buatte niwal᷊o si'o. Mala'eka'-U sarun mangehetta si'o, arawe tempone sarun dumanta manga taumata udde sarun Ta'u iṛṛuumanna ana waugu manga rosan mangitou.”

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

YEREMIA 11:5

Amungkangngu i mangitou ma'ola'a sarangkanambone udde, i Ya'u sarun manipussa pa'aire-U su al᷊amona mangitou manungku wanua apan masuwukka wuṛṛu ala, apan orassa indi wawanuanni mangitou, sarun Ta'u ionggolla si mangitou.” I ya'u sinumimbakka, “Aroddite, Mawu.”

YEREMIA 32:22

Wanua apan mapia wuṛṛu masuwukka indi Ta'u ionggolla si yamiu ere buatte pina'ire-Ku su al᷊amona mangitou.

YEHEZKIEL 20:6

Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

IMAMATTA 20:24

Leta'a apan ala wuṛṛu masuwukka udde buatte Ta'u pina'ire si yamiu, nariaddi Ta'u ionggola maola'a pussaanu. Ete i Ya'u Ruatanu apan naṛṛae kamiu wuassu manga walahanna waine.

REENGANNA 13:27

Unni mangitou si Musa, “Yami buatte namarikissa wanua udde wuṛṛu naasilo manungku letangnge ala wuṛṛu masuwukka, wuṛṛu indi addio'a manga wua poiaroddi.

TAHIUL᷊E 26:9

Wua'udde I'o nangapiddi yami isindi wuṛṛu nangonggolu leta'a apan ala wuṛṛu masuwukka indi si yami.

TAHIUL᷊E 6:3

Ana waugu udde paddaringikka manga tuṛṛangnga, ola'e udde ringannu matuṛṛutta, tadea'u i yamiu su lal᷊umanna'a wuṛṛu mabbal᷊i walahanna apan bahewalla su wanua apan ala wuṛṛu masuwukka, ere buatte pina'ire Mawu Ruatanu su al᷊amonang kite.

YOSUA 24:11

Wua'udde i yamiu tinumumbete Sal᷊ukku Yordan, wuṛṛu na'omate su Yerikho. Manga taumatan Yerikho namangalo si yamiu, aroddi lai taumatan Amori, taumatan Feris, Kanaan, Het, Girgasi, Hewi wuṛṛu taumatan Yebus. Arawe i Ya'u napaauntungi yamiu wuassi mangitou sarangkanambone.

YOSUA 9:1

Watti'a su ola'u manga auntungannu Israel tinumelengke su anambon ratu su samba'an baṛṛata Sal᷊ukku Yordan – su panenteanna, su wawal᷊annu wowone, wuṛṛu su leta'a su al᷊o'engngu apannu Tahal᷊oanga Tangane ma'oman sara araune su Wowon Libanon su samba'an sawannaka; eteudde manga ratun Het, Amori, Kanaan, Feris, Hewi wuṛṛu Yebus.