SASABANGNGA 3:10 - WUKE SUSI WATTI'U AL᷊AL᷊USASSA

¹⁰ Orassa indi i'o Ta'u irolokka sumaruanna ratu Mesir tadea'u i'o wotongnge mamiaṛṛa'u balahannu sumabangnga wuassu wanua udde.”

SASABANGNGA 3:10 Iomraidhean Croise

PANDARIADDI 15:13

Mawu nabbisara si tou, “Paanaunge, papapulunnu sarun mabbal᷊i taumata raho su wanua waine; i mangitou sarun maola'a allangnga poiaroddi wuṛṛu sarun mattaṛṛuallangnga appattu ṛasutta su tonnane al᷊annune.

PANDARIADDI 15:14

Arawe balahanna apan mangngallangnga papapulunnu udde sarun Ta'u iṛṛuumanna wuṛṛu su tempo papapulunnu manantangngu wanua udde, i mangitou sarun mangapiddu manambo darortongnga.

DARALO 105:26

Ana see i Tou nandolokki Musa allang-Nge wuṛṛu i Harun taumata nipile-Ne.

DARALO 77:20

I'o u'amatta su lua'a, mammare tahal᷊oangnga, arawe wal᷊adda-Nu tawe asiloanna.

SASABANGNGA 12:40

Walahannu Israel buatte natana'a su Mesir 430 su tonnane al᷊annune.

SASABANGNGA 12:41

Su allo panginsueannu tonna 430 udde, anambon barisannu al᷊aṛṛana'u Mawu nanantangngu leta'u Mesir.

SASABANGNGA 33:12

Su sambau allo i Musa nabbisara Mawu, “Mawu, I'o namarenta si ya'u niapapiaṛṛa'u walahanna indi watukku wanua apan pina'ire-Nu. Arawe I'o tawe nabbal᷊o isai apan sarun irolokku mallal᷊ima si ya'u. Mawu, I'o nabbisara manungku I'o masingka'u, wuṛṛu mal᷊uassa si ya'u.

SASABANGNGA 33:13

Amungkangngu aroddi, atimanna mamasingkattu ṛiinnu, Mawu, tadea'u i ya'u wotongnge mangimbe Si'o wuṛṛu sidutu maal᷊uassa naung-Ngu. Naunge lai manungku walahanna indi buatte nipile-Nu maola'a pussaa-Nu.”

SASABANGNGA 6:26

Itarua sinumaruanna ratu Mesir tadea'u i tou mamallossu taumatan Israel.

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

MIKHA 6:4

I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

WATTI'U MANGA RASUL 7:34

I Ya'u suete naasilo wuṛṛu naatutukka aroddi apettane asasusam pabbawala-U su Mesir. I Ya'u naaringikke sasal᷊iomanni mangitou wuṛṛu i ya'u sinumossokka mamallosi mangitou. Orassa indi wette! I Ya'u sarun mandolokku mabelengnga watukku Mesir.’

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.

WATTI'U MANGA RASUL 7:6

Arawe indi bawal᷊on Ruata si tou, ‘Papapulunne sarun matana'a ere taumata raho su wanuan taumata waine. Manga tumana'u wanua udde sarun mangallangnga si mangitou wuṛṛu ma'ola'a si mangitou maṛṛagisa appatu ṛasutta su tonnane al᷊annune.

WATTI'U MANGA RASUL 7:7

Arawe i Ya'u sarun makkuumannu walahanna apan mangngallangnga si yamiu, wuṛṛu i mangitou sarun masal᷊iu wuassu wanua udde wuṛṛu sarun massubba si Ya'u su tampa indi.’

MAL᷊AṚṚUUNGNGA 6:14

Wua'udde Mawu nangonggolu parenta indi si Gideon, “Ringannu ahewallu atatohannu roote pamallossu taumatan Israel wuassu parentan taumata Midian. Ete i Ya'u Mawu apan nandolokku.”

1 SAMUEL 12:6

Ana see i Samuel nabbisara apia, “Ete Mawu apan namile si Musa wuṛṛu si Harun, wuṛṛu nangapiddu al᷊amonanu sinumabbangnga wuassu Mesir.

1 SAMUEL 12:8

Sutempo i Yakub wuṛṛu amonanne nirumanta su Mesir, wuṛṛu taumatan Mesir mannansara si mangitou, al᷊amonanu sinumal᷊ande naiontolla su Mawu, ne Mawu nandolokki Musa wuṛṛu i Harun. Ruan katou taumata udde nangapiddu al᷊amonanu sinumabbangnga wuassu Mesir wuṛṛu nantul᷊ungngi mangitou namanua su wanua indi.