SASABANGNGA 3:1 - WUKE SUSI WATTI'U AL᷊AL᷊USASSA

¹ Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

SASABANGNGA 3:1 Iomraidhean Croise

1 MARARATU 19:19

Ne i Elia inaite wuṛṛu naaratingnga si Elisa tantal᷊anna mammajeko. Pia mapul᷊o dua su parene sapi su saruanne wuṛṛu i Elisa sassane mamajeko ringannu sapi sampare apan panginguseanne. Sutempo i Elia sinumabbi maranin Elisa, i Elia nalluatta jubane wuṛṛu nisampe su wambangngi Elisa.

1 MARARATU 19:8

I Elia napu'o, ana see niumanna wuṛṛu na'inumma. Ne i tou nabbal᷊i matohassa wuṛṛu wotongnge umamatta appatu pul᷊o su allone al᷊annune watukku Wowon Sinai, tampan Duata maipasilon batangan-Ne.

DARALO 106:19

Su Wowon Sinai i mangitou nallanginnu ana'u sapi wul᷊awanna, wuṛṛu massubba paal᷊uanna nilanginna udde.

SASABANGNGA 17:6

I Ya'u sarun rumarisikka su saruannu su wowon sambau watu wahewa su Wowon Sinai. Puulle watu udde, ne ua'e sarun sumabbangnga na'oman sara manga taumata udde wotongngete ma'inumma.” I Musa na'ola'a aroddi aellehannu manga piaṛṛa'u Israel.

SASABANGNGA 18:12

Wua'udde i Yitro nangapiddu manga pira sasamba itattambunna wuṛṛu sasamba pappototanna maola'a sambau sasamba su Ruata. I Harun wuṛṛu anambon piaṛa'u walahannu Israel nirumanta wuṛṛu niumanna suadio'a ṛinganni Yitro sulal᷊ummu darantan Duata.

SASABANGNGA 19:11

Tillorega i mangitou ṛinone nariahite. Su allo udde Ya'u sarun sumossokka su puiddu Wowon Sinai, su tampa taumata sarangkanambone wotongnge maasilo si Ya'u.

SASABANGNGA 19:3

wuṛṛu i Musa sinuma'a wowone udde inai maisasomban Duata. Mawu nabbisara si Musa wuassu wowone udde wuṛṛu nandolokki tou niapaal᷊iata su taumatan Israel, papapulunni Yakub.

SASABANGNGA 2:18

Su tempo i mangitou napul᷊e, iamangngi mangitou naiwal᷊o, “Anio i yamiu aroddi al᷊ihakke napul᷊e allo indi?”

SASABANGNGA 2:21

I Musa nappul᷊ute natana'a isudde. Wua'udde i Yitro nangawingngu anangnge aranne i Zipora ringanni Musa.

SASABANGNGA 24:13

Ana see i Musa wuṛṛu i Yosua mallalal᷊imane nasasadiate wuṛṛu i Musa sinumaate wowone atatanaannu Mawu udde.

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 3:5

Ruata nabbisara, “Imbaṛṛangnga mangundani. Luatte silopenu, ana waugu i'o uarisikka su leta'a susi.

SASABANGNGA 4:18

Wua'udde i Musa napul᷊ete watukku wal᷊en Yitro, iamangnga la'iananne, wuṛṛu nabbisara si tou, “Walaawe i ya'u mabelengnga su Mesir mattembo manga tuṛṛangku wuṛṛu ma'ellega tanne i mangitou ta'e wiakka.” I Yitro nabbisara si Musa, “Roote ringannu sal᷊amatta.”

SASABANGNGA 4:27

Tantal᷊anna udde Mawu nabbisara si Harun, “Roote watukku wadda'a lol᷊okka paisasomba Musa.” I Harun inaite ana see nassombaten tuarine su wowone na'ukkassa, wuṛṛu nangari'a si tou.

AMOS 1:1

Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

REENGANNA 10:29

I Musa nabbisara ipage, i Hobab ana'i Rehuel taumatan Midian, “Yami inaite mangingkatta su tampa apan tumuṛṛuttu wisaran Mawu sarun ionggola si yami. Mawu buatte na'iren apapia su taumatan Israel. Nariaddi tantalongke, yami sarun ma'ola'a mapia si'o.”

REENGANNA 10:33

Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

LUKAS 2:8

Su ṛabbi udde pia manga mallal᷊u'adda apan tantal᷊anna mandiaga manga dombane su wadda'u nannal᷊o su leta'a udde.

WATTI'U MANGA RASUL 7:30

Appatu pul᷊o su tonnane wua'udde, sangkatou mala'ekatta nirumanta ringanni Musa su wadda'a marani Wowon Sinai. Mala'ekatta udde nirumanta sulal᷊ummu putungnga su anggaṛṛumunanne apan lukkenggamma.

TAHIUL᷊E 1:2

Wuassu Wowon Sinai maddatingngu Kades-Barnea sumabbi wageangngu panenteannu Edom, amatanne mapul᷊o assa su allone al᷊annune.)

TAHIUL᷊E 1:6

“Su tempo i ite su Wowon Sinai, Mawu Ruatan kite nabbisara, ‘i yamiu mal᷊annute uatana'a su wowone indi.

TAHIUL᷊E 4:10

su ola'u allo udde, su tempo i yamiu uarisikka su saruannu Mawu Ruatanu su Wowon Sinai. Su tempo udde i Tou nabbisara si ya'u, ‘Ammul᷊a'e walahanna udde. I Ya'u maapulu i mangitou maddaringikka apa apan Ta'u iwal᷊o, tadea'u i mangitou masingkatta tumuṛṛutta si Ya'u su al᷊o'engngu pabbiaṛṛanne, wuṛṛu tadea'u i mangitou manantiro al᷊aṛṛana'i mangitou tumuṛṛutta si Ya'u.’

MAL᷊AṚṚUUNGNGA 4:11

Su tempo udde i Heber, sangkatou taumatan Keni, buatte nattingkaṛaen batanganne wuassu walahanne. (Walahannu Keni udde papapulunni Hobab, ipagi Musa.) I Heber buatte napararisikku manga rasanne maranin manga aaluanna terpentin su Zaanaim, tawe marau wuassu Kedes.

1 SAMUEL 16:11

Ana see i Samuel naiwal᷊ote si tou, “Tumba'u indi anangngu esakka?” I Isai sinumimbakka, “Ta'e pia sangkatou lai, iapa ṛembonne, arawe i tou tantal᷊anna uariaga domba.” I Samuel nabbisara, “Doloṛṛa'a pawaggoa'a i tou, ana waugu i ite taambe umanna amungkangu i tou taambe nirumanta.”