SASABANGNGA 29:9 - WUKE SUSI WATTI'U AL᷊AL᷊USASSA

⁹ wuṛṛu papeṛṛetti mangitou, ana see wa'isa'e paporongnga su puan mangitou. Etearoddi olangnge mapaatenegi Harun wuṛṛu manga anangnge. I mangitou wuṛṛu papapulunni mangitou ṛinone mangimbe si Ya'u maola'a imam saran mal᷊annu-l᷊annu.

SASABANGNGA 29:9 Iomraidhean Croise

SASABANGNGA 27:21

I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”

SASABANGNGA 28:1

“Waggoite i Harun iaangngu suadio'a ringannu manga anangnge i Nadab, i Abihu, i Eleazar wuṛṛu i Itamar, wuṛṛu ṛaea'a i mangitou tadea'u wotongnge mangimbe si Ya'u maola'a sangkatou imam.

SASABANGNGA 32:29

Unni Musa su ruuangannu Lewi, “Allo indi yamiu buatte naṛṛaem batangannu maola'a imam ipangimbe Mawu ringannu namate manga ana'a wuṛṛu manga tuṛṛangngu, ne Mawu nangonggolu al᷊aman-Ne si yamiu.”

SASABANGNGA 40:15

Ana see lanaite i mangitou ere i'o nallana iamangngi mangitou, tadea'u i mangitou lai wotongnge mangimbe si Ya'u maola'a imam. Ringannu lal᷊aghun lanan udde, ṛuanganni mangitou saran papapulunne uaagassa manara imam.”

IMAMATTA 8:1

I Mawu nabbisara si Musa,

IMAMATTA 8:13

Ana see i tou nandolokku manga ana'i Harun niaparisikka su saruanne. I tou nalluṛṛen kameja wuṛṛu papeṛṛetta. Ana see i tou nama'issu paporongnga su puan mangitou ere buatte niparentan Mawu si tou.

IMAMATTA 8:33

Al᷊annune pitu allo imbaṛṛangnga i yamiu manantangngu Rasannu Mawu ma'oman sara lal᷊aghun patatenegu muddussa.

REENGANNA 16:10

I'o, Korah, wuṛṛu anambon taumatan Lewi buatte naasomba aadatta wuassu Mawu – wuṛṛu orassa indi yamiu madorongnga lai mabbal᷊i imam!

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

REENGANNA 18:7

Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”

REENGANNA 25:13

I tou wuṛṛu papapulunne Ta'u olanna imam ma'oman sara mal᷊annu-l᷊annu, ana waugu i tou ringannu aroddi aṛṛimadde mannahek-Ku Ruatane, wuṛṛu buatte na'ola'a paddarame su rosan taumatan Israel.”

REENGANNA 3:10

Arawe i Harun wuṛṛu al᷊aṛṛanangnge ṛinone iapamanaranu maola'a imam; wal᷊ine wuassi mangitou, isai-sai apan ma'anamma mappaamattu manara udde ṛinone iṛṛuumanna pateanna.”

TAHIUL᷊E 18:5

Wuassu anambon ṛuanganna su Israel, Mawu Ruatanu buatte namile ṛuanganni Lewi maola'a imam saran mal᷊annu-l᷊annu.

IBRANI 5:10

wuṛṛu Ruata lai napaal᷊iatta'i Tou naola'a sangkatou Imam Bahewa, ere Imam Melkisedek!

MAL᷊AṚṚUUNGNGA 17:5

I Mikha sassane piate sambau tampa pasasubbanna. I tou nallanginnu manga pira paal᷊uanna sassubbanna wuṛṛu samparassa efod ana see nanenegu sangkatou anangnge esakka maola'a imam.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.