SASABANGNGA 29:38 - WUKE SUSI WATTI'U AL᷊AL᷊USASSA

³⁸ “Miallo-miallo saran mal᷊annu-l᷊annu su wowon mezbah udde ṛinone olaanna sasamba darua domba uukke santonna.

SASABANGNGA 29:38 Iomraidhean Croise

PANDARIADDI 22:7

i Ishak nabbisara, “Papa!” I Abraham sinumimbakka, “Pia apa ana'u?” I Ishak naiwal᷊o, “I ite uaapidden putungnga wuṛṛu alu, arawe suapa ana'u domba olaanna sasamba itattambunna udde?”

1 TAWARIKH 16:40

Suapan marua' allo wuṛṛu wawallo i mangitou ṛinone mangonggolu sasamba itattambunna su meddan sasamba ere su manga tita apan nionggolu Mawu su taumatan Israel.

2 TAWARIKH 13:11

Suapan marua allo wuṛṛu wawallo i mangitou mannambunnu amania wuṛṛu mangonggollu sasamba itattambunna su Mawu, lapiddu mangngatokku roti ia'imbe. Suapan maṛṛabbi i mangitou mande'omma manga sol᷊o su leddan sol᷊o wul᷊awanna. Yami sidutu uararingikka manga parentan Mawu, arawe i yamiu buatte nanantangngu Mawu.

2 TAWARIKH 2:3

Salomo nandohon batti'a indi si Hiram ratun Tirus, “Ṛinone i Tuangnga mangatokku paddaragangnga ringangku ere lai niola'i Tuangnga si Daud iamangku. Tuangnga buatte nabbal᷊u'u alun cemaran Libanon si tou niapaola'a wal᷊en araratuanne.

2 TAWARIKH 2:4

Orassa indi ya'u mapararisikku sambau wal᷊en patataṛṛamawuanna apan tumba'u ipangaddatta Mawu Ruata'u. Su wal᷊en udde i ya'u wuṛṛu tumana'u araratuangku sarun mattaṛamawu si Tou ringannu manambunnu amania mawangngi, lapiddu mangonggolu roti ia'imbe si Tou sumiallo-miallo. Su wal᷊en udde lai yami sarun mangonggolu sasamba itattambunna suapan marua allo wuṛṛu maṛṛabbi, suapan allon Sabata, allo wahewa Wul᷊anna Wakku wuṛṛu allo waine apan buatte niṛṛae tumba'u ipangaddata Mawu Ruatan kami. Ana waugu, i Tou buatte namarenta tadea'u olangnge udde sarun iapaamattu taumatan Israel saran mal᷊annu-l᷊annu.

2 TAWARIKH 29:7

I mangitou maṛṛuuddu manga ngaran Wal᷊en Mawu wuṛṛu namaddumma manga sasol᷊oanne. I mangitou tawe manambunnu amania su Wal᷊en Mawu, wuṛṛu tawe mangonggolu sasamba itattambunna su Ruata apan sassubbannu taumatan Israel.

2 TAWARIKH 31:3

Wuassu winatangnga papadul᷊iananne sassane ratu nangonggolu manga winatangnga apan pappandumanna ipaatta su sasamba itattambunna suapan marua allo wuṛṛu waawallo, wuṛṛu su sasamba apan ionggola su allon Sabat, su ramean Bul᷊anna Wakku, wuṛṛu su manga ramea waine ere buatte tinantunna sulal᷊ummu manga titan Mawu.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

EZRA 3:3

Salaiwe i mangitou matta'uttu tumana'u wanua udde, arwe i mangitou na'ola'a lai mezbah udde su tampane paarorone. Ana i mangitou mannattakke nangonggollu sasamba itattambunna apia, sutempo rua allo wuṛṛu wawallo.

EZRA 3:5

Wal᷊ine wua'udde lai i mangitou ringannu uaatokka mangonggollu sasamba itattambunna see sasamba su Allo Wahewan Bul᷊anna Wakku, wuṛṛu su anambon allo wahewalla waine apan niola'a ipassubba Mawu. I mangitou lai mangngonggollu sasamba walate apulun naungnga su Mawu.

SASABANGNGA 40:29

wuṛṛu su saruannu ngara udde i tou nangaddon medda pangadoannu sasamba itattambunna. Su wowon mezbah udde i tou nangonggolu sasamba itattambunna maola'a wuṛṛu sasamba ia'imbe.

YEHEZKIEL 46:13

Mawu nabbisara, “Miallo-miallo sutempo marua allo, sambau ana'u domba apan uukke santonna wuṛṛu tawe sangkulle ṛinone ionggolla maola'a sasamba itattambunna su Mawu.

YEHEZKIEL 46:15

Suapan marua allo, ṛinone sidutu ia'onggolla su Mawu: sambau ana'u domba, sasamba gandumma wuṛṛu lanan zaitun.”

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

DANIEL 9:21

Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

IMAMATTA 3:5

sarangkanambone udde suadio'a ringannu sasamba itattambunna waine, ṛinone itambunna su wowon mezbah. Hal᷊urun sasamba anna udde ma'al᷊uassa naungngu Mawu.

IMAMATTA 6:9

niapaonggola si Harun wuṛṛu manga anangnge manga atoranna indi su ola'u sasamba apan sarangkanambone itattambunna. Imam ṛinone mangandangngu sasamba itattambunna su wowon mezbah wuṛṛu niwala isudde su al᷊o'engngu ṛabbi, wuṛṛu putungnge sidutu luṛṛenggamma.

IMAMATTA 9:17

Wua'udde i tou nangonggolu sasamba ia'imbe; i tou nanganu taponna sangkangkumma, wuṛṛu nitambunni tou su wowon mezbah. Udde tatambane su sasamba itattambunna mamiallo.

REENGANNA 29:6

Manga sasamba udde maola'a sasamba itattambunna apan ionggola suadio'a ringannu sasamba ia'imbene, su allo paarorone suapan bul᷊anna. See lai maola'a tatambane su sasamba itattambunna mamiallo apan ionggola suadio'a ringannu sasamba ia'imbe wuṛṛu sasamba ua'en anggore. Hal᷊urun sasamba itattambunna udde ma'al᷊uassa naungngu Mawu.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

1 PETRUS 1:19

ewe'e sambau saranapa apan lembon maarega; eteudde wadangi Kristus sassane, apan naola'a ere domba nionggolla sasamba su Ruata ringannu tawe angngone.