SASABANGNGA 29:28 - WUKE SUSI WATTI'U AL᷊AL᷊USASSA

²⁸ Ete indi apulu-U apan tate wotongnge iawal᷊u; Su tempo al᷊aṛṛana-U nirumanta mangonggolu sasamban paddarame, samba'a wuṛṛu palangngu winatangnga udde maola'a wageangngu manga imam. Eteudde aonggolu al᷊aṛṛana-U si Ya'u.

SASABANGNGA 29:28 Iomraidhean Croise

SASABANGNGA 28:2

Pa'ola'e laubbu imam anggola'a si Harun, tadea'u i tou asiloanna mawantuga.

SASABANGNGA 29:27

Sulal᷊ummu lal᷊aghun patatenegu imam, sabba'a wuṛṛu palangngu domba esakka apan nipaatta su lal᷊aghu udde ṛinone ionggola maola'a sasamba iattogokka si Ya'u wuṛṛu iṛṛa'e su manga imam.

SASABANGNGA 29:29

Laubbu patataṛṛamawun i Harun ṛinone maola'a pussa'an manga anangnge, tadea'u wotongnge iluṛṛen mangitou su tempo itenega.

IMAMATTA 3:1

Amungkangngu sangkatou mangonggolu sapi maola'a sasamban paddarame, sapi udde wotongnge esakka, wotongnge lai wawine, arawe imbaṛṛangnga pia sangkulle.

REENGANNA 15:21

Saran mal᷊annu-l᷊annu suapan doti wuassu gandumma apan paarorone itinganna udde ṛinone ronggoli yamiu maola'a sasamba al᷊aṛṛaene su Mawu.

REENGANNA 18:24

ana waugu wageangngu pussa'an mangitou, i Ya'u buatte nangonggolu al᷊awo'u sasamba samban wuassu mapul᷊o saranapa apan nionggolu taumatan Israel si Ya'u maola'a aonggola niṛṛae. Ana waugu udde su ola'u taumatan Lewi i Ya'u mabbisara manungku i mangitou tate maasomba wageangnga pussa'a su Israel.”

REENGANNA 18:29

Onggol᷊a'e wageangnge apan apianne wuassu apa apan nisengkammi yamiu.

REENGANNA 18:8

Mawu nabbisara si Harun, “Paanaunge! Anambon sasamba iṛṛae apan ionggola si Ya'u apan tawe itambunna udde wageangngu. Eteudde wageangngu apan buatte nitantunna saran mal᷊annu-l᷊annu. Udde Ta'u nionggola si'o wuṛṛu su papapulunnu.

REENGANNA 20:28

Ana see i Musa nalluatta laubbi Harun wuṛṛu niluṛṛe si Eleazar. Su puiddu wowone udde i Harun nate, wua'udde i Musa wuṛṛu i Eleazar sinumossokke apia.

REENGANNA 31:29

Tantil᷊a'e udde si Imam Eleazar maola'a sasamba apan niṛṛae si Ya'u, Mawu.

REENGANNA 31:41

Ana see i Musa nanantillu aonggola niṛṛae udde si Imam Eleazar maola'a sasamba su Mawu, ere buatte nirolokku Mawu.

REENGANNA 5:10

Apa apan nionggolu sangkatou su Mawu, maola'a wageangngu taumata udde sassane. Tumba'u apa apan tinantilli tou su sangkatou imam, maola'a wageangngu imam udde.

REENGANNA 5:9

Wuassu al᷊awo'u saranapa apan nionggolu taumatan Israel su Mawu, sasambane apan niṛṛae udde maola'a wageangngu imam apan nanengkamma aonggola udde.

REENGANNA 6:20

Ana see imam ṛinone mamasingkattu anna udde sambau aonggola apan niṛṛae su Mawu; uddewe wageangnge apan susi apan maola'a wageangngu imam, su liuddu sabba'a wuṛṛu palangngu domba esakka apan tumuṛṛuttu atoranna mabbal᷊i wageangngu imam. Wua'udde taumata tembonanne udde wotongngete ma'inumma ua'e anggore.

TAHIUL᷊E 18:3

Amungkangngu sangkatou mangonggolu sasamba sapi ara'e domba, ne palangngu monane, ol᷊ane wuṛṛu tiannu winatangnga udde ṛinone ionggola su manga imam maola'a wageangngi mangitou.