SASABANGNGA 29:26 - WUKE SUSI WATTI'U AL᷊AL᷊USASSA

²⁶ Anute ro'on domba esakka udde wuṛṛu onggol᷊a'e maola'a sasamba iattogokka si Ya'u. Wuṛṛu eteudde wageangngu.

SASABANGNGA 29:26 Iomraidhean Croise

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

SASABANGNGA 29:27

Sulal᷊ummu lal᷊aghun patatenegu imam, sabba'a wuṛṛu palangngu domba esakka apan nipaatta su lal᷊aghu udde ṛinone ionggola maola'a sasamba iattogokka si Ya'u wuṛṛu iṛṛa'e su manga imam.

IMAMATTA 14:12

Imam ṛinone manganu sambau ana'u domba esakka wuṛṛu sepertiga su literene lanan zaitun maola'a sasamba lal᷊anna'a arugianna, wuṛṛu ionggola maola'a sasamba iatogokka su Mawu.

IMAMATTA 7:30

I tou sassane ṛinone mangapiddu sasamba anna udde. Tawa wuṛṛu sabba'u binatangnga udde ṛinone ionggola maola'a sasamba iatoggokka su Mawu.

IMAMATTA 7:31

Imam ṛinone manambunnu tawan binatangnga udde su wowon mezbah, arawe roone uddewe wageangngu manga imam.

IMAMATTA 7:34

Ro'o wuṛṛu palangnge aikkatanna uddewe aonggola apan buatte niṛṛaen Mawu wuassu sasamba iatoggoku walahannu Israel wuṛṛu ionggola su manga imam. Eteudde sasumbalan walahannu Israel su manga imam saran mal᷊annu-l᷊annu.

IMAMATTA 8:29

Ana see i Musa nanganu ro'on domba udde wuṛṛu nionggola maola'a sasamba iattogokka su Mawu. Eteudde wageangngi Musa wuassu domba esakka apan nionggola su lal᷊aghun patatenegu imam. Sarangkanambone udde niola'i Musa ere buatte niparentan Mawu si tou.

IMAMATTA 9:21

Ro'o wuṛṛu palangnge aikkatanna udde nionggola maola'a sasamba iattogokka su Mawu. Eteudde wageangngu manga imam, ere buatte nirolokki Musa.