SASABANGNGA 29:25 - WUKE SUSI WATTI'U AL᷊AL᷊USASSA

²⁵ Ana see anute roti udde wuassi mangitou wuṛṛu tambuna'e su wowon mezbah, su wowon aonggolla itattambunna udde. Hal᷊urun sasamba udde ma'al᷊uassa naung-Ku.

SASABANGNGA 29:25 Iomraidhean Croise

PANDARIADDI 8:20

I Nuh napararisikku sambau mezbah hunan Mawu. I tou nanganu sambau su wallattu manu'u winalanganna wuṛṛu winatangnga waine apan tawe ipappalli, ana see nionggolla su Mawu naola'a sambau sasamba itattambunna su wowon mezbah udde.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

SASABANGNGA 29:18

Onggol᷊a'e domba esakka sarangkanambone udde su wowon mezbah maola'a sasamba itattambunna. Hal᷊urune ma'al᷊uassa naung-Ku.

SASABANGNGA 29:24

Addoa'e anambon anna udde su liman i Harun wuṛṛu manga anangnge wuṛṛu doloṛṛa'e i mangitou mangapida si Ya'u, maola'a sambau sasamba iattogokka.

SASABANGNGA 29:41

Ana'u domba olaanna sasamba wawallo ṛinone ionggola ringannu olangnge apan uasul᷊ungnga, raringanannu taponna, lanan zaitun wuṛṛu ua'en anggore. Hal᷊urun sasamba udde naal᷊uassa naung-Ku.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

IMAMATTA 10:13

Roti udde ṛinone annananna su tampa apan susi, ana waugu wuassu anna apan nionggola sasamba su Mawu, roti udde maola'a wageangngu wuṛṛu manga anangngu esakka. Eteudde parentan Mawu si ya'u.

IMAMATTA 2:11

Sasamba ia'imbe su Mawu tawe wotongnge lo'annu pul᷊a ara'e ragi, ana waugu pul᷊a wuṛṛu ragi tawe wotongnge itambunna olaanna sasamba su Mawu.

IMAMATTA 2:16

Imam ṛinone manambunnu sambageanganna wuassu gandumma wuṛṛu lana udde see lai anambon amania, maola'a tatiala manungku sarangkanambone buatte nionggola su Mawu.

IMAMATTA 2:2

I tou ṛinone mangapidda su manga imam papapulunni Harun. Imam apan mammanara ṛinone manganu sangkangkumma taponna udde ringannu lanan zaitun wuṛṛu anambon amaniane, ana see itambunna su wowon mezbah maola'a tatiala manungku sarangkanambone buatte nionggola su Mawu. Hal᷊uṛṛun sasamba anna udde ma'al᷊uassa naungngu Mawu.

IMAMATTA 2:9

Imam manganu sambageanganna wuassu roti ana see itambunni tou su wowon mezbah maola'a tatiala manungku sarangkanambone buatte nionggola su Mawu. Hal᷊urune ma'al᷊uassa naungngu Mawu.

IMAMATTA 3:11

Imam apan mammanara ṛinone manambunnu sarangkanambone udde su wowon mezbah maola'a sasamba ia'imbe su Mawu.

IMAMATTA 3:14

Su sasamba anna ionggola su Mawu, imam ṛinone mangonggolu manga wageangngu ambinga udde: aṛiwungkalu apan uapi'unna tinaine,

IMAMATTA 3:16

Imam apan mammanara ṛinone manambunnu sarangkanambone udde su wowon mezbah. Hal᷊urun sasamba anna udde ma'al᷊uassa naungngu Mawu. Anambon tawan binatangnga udde ionggola su Mawu.

IMAMATTA 3:3

Hunan sasamban paddarame su Mawu, imam ṛinone mangonggolu manga wageangngu winatangnga udde: aṛiwungkalu apan uapi'unna tinaine,

IMAMATTA 3:5

sarangkanambone udde suadio'a ringannu sasamba itattambunna waine, ṛinone itambunna su wowon mezbah. Hal᷊urun sasamba anna udde ma'al᷊uassa naungngu Mawu.

IMAMATTA 3:9

Su sasamban paddarame su Mawu, imam ṛinone mangonggolu manga wageangngu domba udde: tawane, ahewallu tol᷊ene apan pia tawane wuṛṛu pototanna maranin duṛṛin liudde, aṛiwungkalune,

IMAMATTA 7:25

Taumata apan uminassa tawan binatangnga apan botongnge ionggola maola'a sasamba annu Ruata, tate lai mareengnga al᷊aṛṛana'u Ruata.

IMAMATTA 7:5

Sarangkanambone udde ṛinone itambunna su wowon mezbah maola'a sasamba annu Mawu. Sasamba udde eteudde sasamba lal᷊anna'a arugianna.

IMAMATTA 8:28

Napawe i Musa buatte nanganu anna udde wuassi mangitou wuṛṛu nitambunna su wowon mezbah, suadio'a ringannu sasamba itattambunna maola'a sasamban patatenega. Hal᷊urun sasamba anna udde ma'al᷊uassa naungngu Mawu.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

1 SAMUEL 2:28

Wuassu anambon walahannu Israel buatte Ta'u nipile amonanne maola'a imam mangimbe si ya'u su mezbah, manambunnu amania, wuṛṛu malluṛṛen laubba efod napawe maggahatto-U. Wuṛṛu si mangitou see lai su papapulunni mangitou buatte Ta'u nionggol᷊annu taṛṛino manganu sambageanganna wuassu sasamba aongolla apan itattambunna su mezbah.