SASABANGNGA 29:2 - WUKE SUSI WATTI'U AL᷊AL᷊USASSA

² Wuassu taponna apan apianne, luaṛṛa'e ringannu tawe mappaattu ragine. Sangkawageanganna taponna niluakka udde ṛinone olaanna roti ringannu lanan zaitun, sangkawageanganna lai tawe mappaattu lana, wuṛṛu lambene olaanna kukisse apan wuṛṛannu lana.

SASABANGNGA 29:2 Iomraidhean Croise

SASABANGNGA 12:8

Ṛabbi udde lai remene ṛinone itambunna wuṛṛu inasanna ringannu sayore mapetta wuṛṛu roti tawe ragine.

SASABANGNGA 29:23

Wuassu ul᷊a'a pangadoannu roti apan buatte nionggola si Ya'u, panganute sambau roti wuassu al᷊awo'u hatine; sambau apan niola'a wuassu lanan zaitun, sambau lai tawe nappaattu lana, wuṛṛu sambau kukisse.

SASABANGNGA 29:3

Taṛṛoa'e su so'anna wuṛṛu onggol᷊a'e udde si Ya'u suadio'a ringannu aonggolla sapi esakka wuṛṛu darua domba esakka.

IMAMATTA 2:15

Gandumma udde ṛinone lal᷊inannu lanan zaitun wuṛṛu andangannu amania rosone.

IMAMATTA 7:10

Arawe sasamba ia'imbe apan tawe nilaha, mawae ete nilo'annu lana ara'e mamara, sarangkanambone wuattu manga imam papapulunni Harun, wuṛṛu ṛinone tahianna uasul᷊ungnga si mangitou.

IMAMATTA 7:12

Amungkangngu sasamba udde ionggola ipa'adiangkamanna, ne ringannu winatangnga udde ṛinone ionggola lai roti tawe ragine. Roti udde wotongnge maappala wuassu taponna nilo'annu lanan zaitun, wotongnge lai roti mamara manipissa apan niwuṛṛannu lana, ara'e kukisse wuassu taponna apan niola'a wuassu lanan zaitun.

IMAMATTA 8:2

“Waggoite i Harun wuṛṛu manga anangnge wuṛṛu apira'e laubbu imam, lanan lal᷊aghu, sambau sapi esakka saṛṛen tumuwo maola'a sasamba ipangampunga rosa, darua domba esakka wuṛṛu sangkul᷊a'a roti tawe ragine.

IMAMATTA 8:26

Wuassu ula'a apan lal᷊oṛṛoannu roti apan tawe ragine apan buatte nionggola su Mawu, i Musa nanganu sambau roti maappalla apan niola'u lana wuṛṛu sambau roti manipissa. Roti udde niandangnga su wowon tawa wuṛṛu su palangngu domba aikkatanna.

REENGANNA 6:15

I tou lai ṛinone mangoggolu sangkul᷊a'a roti apan niola'a tawe nappaattu ragi, eteudde roti mal᷊imbulunna apan niola'a wuassu taponna nilo'annu lanan zaitun, wuṛṛu kukisse manipissa apan niwuṛṛannu lanan zaitun. Wal᷊ine wua'udde lai i tou ṛinone mangonggolu sasamba ia'imbe wuṛṛu sasamba a'inumanna.

REENGANNA 6:19

Wua'udde, amungkangngu palangngu monane wuassu domba esakka udde buatte nilaha, imam ṛinone manganu wuṛṛu iandangnga suadio'a ringannu sambau roti mal᷊imbuluna wuṛṛu sambau kukisse manipissa wuassu ul᷊a'a udde, watukku lal᷊ummu lima taumata nazir udde.

1 KORINTUS 5:7

Rammea'a asuene ragi tabbe udde, eteudde ragin paddarosa, tadea'u i yamiu maola'a ere ompengu taponna apan wakku, waresi wuassu ragin paddarosa apan tabbe, wuṛṛu i ya'u masingkata manungku i yamiu atonna aroddi. Ana waugu, ramean Paskahn kite nasaddiate, ana waugu Kristus apan naola'a ere domban Paskahn kite suete niola'a sasamba.