SASABANGNGA 29:14 - WUKE SUSI WATTI'U AL᷊AL᷊USASSA

¹⁴ Ṛemessa, pisi wuṛṛu tinain sapi esakka udde ṛinone itambunna su liuddu paddasananna. Eteudde maola'a aonggolla ipangampungnga rosan manga imam.

SASABANGNGA 29:14 Iomraidhean Croise

2 TAWARIKH 29:24

Wua'udde ambinga niṛṛata manga imam ana see daṛṛane nilal᷊inna su mezbah maola'a sasamba aampungnga rosan tumanangnge sarangkanambone. Olangnge udde niola'i mangitou ana waugu ratu buatte namarenta tadea'u mallaghu sasamba itattambunna wuṛṛu sasamba aampungnga rosan anambon tumana'u Israel.

EZRA 8:35

Su allo udde lai anambon taumata buatte nawelengnga wuassu pamamuanganna udde, nangonggollu sasamba itattambunna su Ruatan Israel. I mangitou nangonggollu 12 sapi esakka sasamban ahewallu Israel, 96 domba esakka wuṛṛu 77 ana'u domba; wal᷊ine wua'udde lai 12 ambinga maola'a sasamba aampungnga rosan batanganni mangitou sassane. Anambon winatangnga udde nitambunna maola'a sasamba su Mawu.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

YEHEZKIEL 43:21

Wua'udde panganute sapi esakka aampunga rosa udde, wuṛṛu tambuna'e su tampa apan buatte nitantunna, eteudde su liuddu tampa na'ukkassu Wal᷊e Mawu.

IMAMATTA 16:11

Napawe i Harun nangonggolu sasamba wuṛṛu namototta sapi esakka maola'a sasamba ipangampunga rosa su watanganne sassane wuṛṛu su amonanne,

IMAMATTA 16:27

Sapi esakka wuṛṛu ambinga olaanna sasamba ipangampunga rosa, apan daṛṛane niapidda sumutta watukku Wabbo'a Lembon Susi maola'a aampungnga rosa, ṛinone iapidda watukku liuddu paddasananna wuṛṛu itambunna. Pisine, ṛemene wuṛṛu lal᷊oṛṛon tiannu winatangnga darua udde ṛinone itambunna sarangkanambone.

IMAMATTA 16:3

Tumba'u ringannu mangonggolu sapi esakka saṛṛen tumuwo maola'a sasamba ipangampungnga rosa wuṛṛu sambau domba esakka maola'a sasamba itattambunna, i Harun botongnge maasutta su Wabbo'a Lembon Susi.”

IMAMATTA 4:21

Wua'udde sapi esakka udde ṛinone iapidda watukku liudde, wuṛṛu itambunna su liuddu paddasananna, ere lai su sasamba sapi esakka su ipangampungnga rosan Imam Bahewalla udde sassane. Etearoddi olangnge mangonggolu sasamba ipangampungnga rosan taumata.

IMAMATTA 4:25

Imam ṛinone mangammon tal᷊imaddone sulal᷊ummu daṛṛan binatangnga udde ana see iwuṛṛa su manga tatandu'a su manga wu'un mezbah wuṛṛu lambene iwokka su apampakku mezbah.

IMAMATTA 4:29

I tou ṛinone mangandangngu limane su wowon puan binatangnga udde, ana see potottanne su samba'an sawannakku mezbah su tampa pamototanna winatangnga maola'a sasamba itattambunna.

IMAMATTA 4:3

Amungkangngu na'ola'a rosa udde Imam Bahewalla, na'oman sara balahannu Israel nassal᷊ate lai, i tou ṛinone mangonggolu sambau sapi esakka saṛṛen tumuwo apan tawe angngone su saruannu Mawu tadea'u manga rosane ampunganna.

IMAMATTA 4:32

Amungkangngu pia sangkatou nangonggolu sambau domba ipangampungnga rosane, domba udde ṛinone wawine wuṛṛu tawe sangkulle.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

IMAMATTA 5:8

Manga manu'a udde ṛinone iapiddaringannu imam. Imam ṛinone malliu ṛoro mangonggolu manu'a apan buatte tinantunna maola'a sasamba aampungnga rosa. Ullekkan manu'a udde ṛinone latto'anna, arawe tawe wotongnge mabbassutta puane.

IMAMATTA 6:25

mangonggola si Harun wuṛṛu manga anangnge manga atoranna indi su ola'u sasamba ipangampunga rosa. Winatangnga maola'a sasamba ipangampunga rosa ṛinone ṛatanna su tampa pamamototanna winatangnga maola'a sasamba itattambunna. Sasamba udde lembon susi.

IMAMATTA 8:17

Arawe ṛemessu sapi udde, pisine, lal᷊oṛṛon tianne nasutta lai tinaine, nariaddi ahewallu sapi udde tabene'e manga wageangnge apan buatte niṛṛae nitambunni tou su liuddu paddasananna ere buatte niparentan Mawu.

IMAMATTA 9:2

Unni Musa si Harun, “Panganute sambau sapi esakka saṛṛen tumuwo wuṛṛu sambau domba esakka, itarua udde ṛinone tawe sangkulle. Onggol᷊a'e binatangnga darua udde su Mawu, sapi esakka maola'a sasamba ipangampungnga rosa, wuṛṛu domba esakka maola'a sasamba itattambunna.

MALEAKHI 2:3

Manga anangngu sarun Ta'u iṛṛuumanna, wuṛṛu hatinu Ta'u wuṛṛannu tain binatangnga apan niola'i yamiu sasamba, wuṛṛu i yamiu sarun wol᷊enganna su ombon sapadda.

REENGANNA 19:5

Ahewallu winatangnga udde, nasutta pisine, ṛemessa, daṛṛa wuṛṛu lal᷊oṛṛon tianne, ṛinone itambunna su saruannu imam.