SASABANGNGA 29:13 - WUKE SUSI WATTI'U AL᷊AL᷊USASSA

¹³ Wua'udde panganute tawane apan uapi'unna lal᷊oṛṛon tianne, wageangnge apan apianne wuassu ate wuṛṛu wabbatune ringannu tawane wuṛṛu addoa'e sarangkanambone udde su wowon mezbah wuṛṛu tutungke maola'a aonggolla si Ya'u.

SASABANGNGA 29:13 Iomraidhean Croise

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

SASABANGNGA 12:9

Ana'u domba udde ṛinone pangganganna tal᷊impu'u suadio'a ringannu puane, leddane wuṛṛu lal᷊oṛṛon tianne. Inasse remene apan buatte nipangganga udde, arie piaddu uminassa tata ara'e itunna.

SASABANGNGA 29:18

Onggol᷊a'e domba esakka sarangkanambone udde su wowon mezbah maola'a sasamba itattambunna. Hal᷊urune ma'al᷊uassa naung-Ku.

SASABANGNGA 29:22

Anute tawan domba esakka udde, tol᷊ene apan pia tawane, ṛiwungkalune wuṛṛu lal᷊oṛṛon tianne, wageangnge apianne wuassu atene, wabbatune darua ringannu tawane, wuṛṛu palangnge aikkatanna.

SASABANGNGA 29:25

Ana see anute roti udde wuassi mangitou wuṛṛu tambuna'e su wowon mezbah, su wowon aonggolla itattambunna udde. Hal᷊urun sasamba udde ma'al᷊uassa naung-Ku.

YESAYA 1:11

Mawu nabbisara, “Su sunnanu i Ya'u maapulun al᷊awo'u sasamba apan sidutu ia'onggolli yamiu si Ya'u? Ya'u nualle manga domba sassambanu tattutunganna wuṛṛu tawan ana'u sapinu. Daṛṛan sapi esakka, domba wuṛṛu ambingnga i Ya'u maddirite.

YESAYA 34:6

Hal᷊ele Mawu sarun, mappeta'u daṛṛa wuṛṛu mapenen tawa mangitou, naal᷊ihidda ere ringannu daṛṛa wuṛṛu tawan binatangngu sasamba. Ana waugu Mawu nanaddia sasamba su Bozra, wuṛṛu na'ola'a pamamototta marasai su leta'u Edom.

YESAYA 43:24

I'o tawe namalli dupa mawangngi huna-Ku, tawe napaal᷊ai-U ringannu tawa sasamba nipotonnu. Ewe'e i'o mawal᷊i'a nangonggollu winabbawa si Ya'u ringannu manga rosanu, napaasusa-U ringannu manga pasasal᷊anu.

IMAMATTA 1:15

Imam ṛinone mangapiddu manu'u winalanganna udde watukku mezbah, ana see mallatto'a ullekane wuṛṛu manambunnu puane su wowon mezbah. Daṛṛan manu'a udde ṛinone ipakka su sandiṛṛannu mezbah.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

IMAMATTA 16:25

Tawan binatangnga olaanna sasamba ipangampunga rosa ṛinone itambunna su mezbah.

IMAMATTA 17:6

Imam ṛinone manebbokku daṛṛan binatangnga udde su manga sandiṛṛannu mezbah su saruannu ngaran Dasannu Mawu ana see manambunnu tawane tadea'u hal᷊urune maal᷊uassa naungngu Mawu.

IMAMATTA 4:26

Wua'udde anambon tawan binatangnga udde ṛinone itambunna su wowon mezbah, ere lai su sasamban paddarame. Etearoddi olangnge imam mangngonggolu sasamba ipangampunga rosan taumata tembonanne, ne taumata udde sarun ampungannu Mawu.

IMAMATTA 4:31

Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 4:35

Wua'udde anambon tawan binatangnga udde ṛinone anuanna ere su sasamban paddarame. Tawa udde ṛinone itambunna su wowon mezbah, suadio'a ringannu sasamba anna apan nionggola su Mawu. Etearoddi olangnge imam mangonggolu sasamba ipangampunga rosan taumata udde, ne i tou sarun ampungannu Mawu.

IMAMATTA 6:12

Suapan marua'allo imam ṛinone makkunuttu alu papputunganna su wowon mezbah, mangatokku sasamban itattambunna su wowone, wuṛṛu manambunnu tawa sasamban paddarame. Putungnga su wowon mezbah ṛinone sidutu luṛṛenggamma tawe wotongnge iwala mappaddumma.

IMAMATTA 7:3

Imam ṛinone mangonggola su wowon mezbah anambon tawan binatangnga udde, eteudde: Tol᷊ene apan pia tawane, aṛiwungkalu apan uapi'unna lal᷊oṛṛon tianne, wabbatune wuṛṛu tawane, wuṛṛu wageangngu ate apan apianne.

IMAMATTA 7:31

Imam ṛinone manambunnu tawan binatangnga udde su wowon mezbah, arawe roone uddewe wageangngu manga imam.

IMAMATTA 8:16

Wuassu sapi apan wakkute nipototta udde, i Musa nanganu anambon aṛiwungkalune apan uaoossa lal᷊oṛṛon tianne, wabbatune ringannu tawane wuṛṛu wageangnge apianne wuassu atene. Sarangkanambone udde nitambunna su wowon mezbah.

IMAMATTA 8:25

I Musa nanganu tawan domba udde, tol᷊ene apan matawa, anambon aṛiwungkalu apan uapi'unna lal᷊oṛṛon tianne, wageangnge apan apianne wuassu atene, wabbatune wuṛṛu tawane wuṛṛu leddane aikkatanna.

IMAMATTA 9:10

Tawa, wabbatune wuṛṛu wageangnge apianne wuassu winatangnga udde nitambunni tou su wowon mezbah, ere buatte niparentan Mawu si Musa.

IMAMATTA 9:19

Wageangnge apan pia tawane wuassu sapi wuṛṛu ambinga udde niaddo mangitou

REENGANNA 18:17

Arawe sapi, domba wuṛṛu ambinga apan paarorone niasungkangnga, tawe wotongnge tubbusanna. Winatangnga udde tumba'u si Ya'u wuṛṛu ṛinone ionggola sasamba. Daṛṛane i wokka'a su mezbah wuṛṛu tambuna'a tawane maola'a sasamba. Hal᷊urune ma'al᷊uassa naung-Ku.

1 SAMUEL 2:16

Amungkangu taumata udde sumimbakka, “Mappianne i ite tuttuṛṛutta atoranna, wuṛṛu mannambunnu tawane udde asuene; wua'udde walate i'o manganu suapa ipaapulunu,” ne massasumbala udde nabbisara, “Tawe, onggol᷊a'e orassa indi, amungkangu tawe, sarun ta'u aṛṛoanna.”