SASABANGNGA 28:30 - WUKE SUSI WATTI'U AL᷊AL᷊USASSA

³⁰ Addoa'e Urim wuṛṛu Tumim sulal᷊ummu lal᷊indummu ro'o udde tadea'u ipaatti Harun amungkangngu i tou sumaruanna si Ya'u. Su manga tempo ereudde i tou ṛinone sidutu ual᷊uṛṛen lal᷊indumma ro'o, tadea'u i tou sidutu maasingkata apulu-U su ṛuangannu Israel.”

SASABANGNGA 28:30 Iomraidhean Croise

EZRA 2:63

Gubernuren wageangngu leta'u Yehuda naningaddi mangitou umanna anna apan niola'a sasamba su Ruata, na'oman sara pia sangkatou imam apan wotongnge maddorongnga tatantiro ringannu nappaattu Urim wuṛṛu Tumim.

NEHEMIA 7:65

Gubernuren leta'u Yehuda naningaddi mangitou umanna anna apan nionggolla sasamba su Ruata, ma'oman sara pia sangkatou imam apan wotongnge maddorongnga tatantiro ringannu mappaattu Urim wuṛṛu Tumim.

SASABANGNGA 28:29

Su tempo i Harun sinumutta watukku tampa susi, i tou ṛinone mangapiddu manga arannu ṛuangannu Israel apan ni'uitta su lal᷊indummu roone, tadea'u i Ya'u Mawu, sidutu uanaungnga al᷊aṛṛana-U.

IMAMATTA 8:8

Ana see i tou nalluṛṛen lal᷊indumma ro'o si Harun, wuṛṛu sulal᷊ummu lal᷊indumma ro'o udde niapasutta Urim wuṛṛu Tumim.

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”

2 KORINTUS 12:15

Ana waugu udde ringannu naungnga mal᷊uassa i ya'u manantillu al᷊awo'u darotongku si yamiu, ewe'e wadangku sassane lai. Amungkangngu i ya'u aroddi arangngune si yamiu apa i yamiu tawe mandangngu si ya'u?

2 KORINTUS 7:3

I ya'u mabbisara aroddi, wal᷊ine ana see mapasal᷊an kamiu. Ana waugu ere buatte niwisara'u paarorone, i yami lembon marangngu si yamiu wuṛṛu ete i ite sanggaweanna ma'oman sara mate.

TAHIUL᷊E 33:8

Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

MAL᷊AṚṚUUNGNGA 1:1

Napawe i Yosua natete, walahannu Israel naiwal᷊o Mawu, “Mawu, ṛuanganna suapane wuassi i yami apan ṛinone paarorone inai mamangalo taumatan Kanaan?”

MAL᷊AṚṚUUNGNGA 20:18

Tantaran walahannu Israel udde inaite watukku tampa patataramawuanna su Betel, wuṛṛu naiwal᷊o Ruata, “Oh, Mawu, ruanganna suapane wuassu wallati yami apan ṛinone paarorone inai mamangalo taumatan Benyamin?” Mawu sinumimbakka, “Ruanganni Yehuda.”

1 SAMUEL 28:6

Ana see i tou naddorongke tatantiro su Mawu, arawe Mawu tawe sinumimbakka, mawae ete su wal᷊iawa ara'e lai mappaattu Urim wuṛṛu Tumim ara'e lai iwal᷊on manga nabi.