SASABANGNGA 28:2 - WUKE SUSI WATTI'U AL᷊AL᷊USASSA

² Pa'ola'e laubbu imam anggola'a si Harun, tadea'u i tou asiloanna mawantuga.

SASABANGNGA 28:2 Iomraidhean Croise

AYUB 40:10

Loggakewe watangannu ringannu awawantuga wuṛṛu asaṛṛaungnga, luṛṛea'e awawantuga wuṛṛu apapian naungnga.

DARALO 132:16

Manga imammi mangitou namasilon asasal᷊amatta wuassia-U; tumanangnge sarun mangngantari wuṛṛu lumala'a.

DARALO 132:9

Antimanna al᷊aṛṛanang-Ngu humio lullala'a, wuṛṛu manga imam tatahuanan-Nu sidutu mabbiakka tuttuṛṛutta apulu-Nu.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 96:6

I Tou aoosannu awawantuga wuṛṛu lansiangnga, Wal᷊en-Ne napenen taṛṛino wuṛṛu araṛamaga.

SASABANGNGA 28:40

Pa'ola'e kameja, papeṛṛetta wuṛṛu paporongnga su manga ana'i Harun tadea'u i mangitou lai aellehanna mawantuga.

SASABANGNGA 29:28

Ete indi apulu-U apan tate wotongnge iawal᷊u; Su tempo al᷊aṛṛana-U nirumanta mangonggolu sasamban paddarame, samba'a wuṛṛu palangngu winatangnga udde maola'a wageangngu manga imam. Eteudde aonggolu al᷊aṛṛana-U si Ya'u.

SASABANGNGA 31:10

laubbu patataṛṛamawun i Harun wuṛṛu manga anangnge, apan ṛinone iluṛṛe su tempo i mangitou mammanara maola'a imam,

SASABANGNGA 40:13

Luṛṛea'e laubbu imam si Harun, wuṛṛu lanaite i tou tadea'u i tou iṛṛa'e mangimbe si Ya'u maola'a imam.

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

IMAMATTA 8:30

Wua'udde i Musa nanganu sambageanganna wuassu lanan lal᷊aghu wuṛṛu sambageanganna daṛṛa apan uaraddo su wowon mezbah, ana see nialassa si Harun wuṛṛu manga anangnge see lai su laubbi mangitou. Ringannu olangnge aroddi i Musa naṛṛae mangitou wuṛṛu laubbi mangitou su Mawu.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

GALATIA 3:27

I yamiu sarangkanambone buatte nisaṛṛani sulal᷊ummu aranni Kristus, nariaddi yamiu buatte nanengkamma sulal᷊ummu watanganni yamiu pallal᷊agun Kristus sassane.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

2 PETRUS 1:17

I yami poiaroddi su tempo i Tou niaddatanna wuṛṛu niwantuhannu Ruata Iamangnga. Su tempo udde niaringiṛṛana tingikka wuassu Apan Lembon Mawantuga, nabbisara si Tou, “Ete indi Ana'u arangnguang-Ku. I Tou maal᷊uassa naung-Ku!”

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”