SASABANGNGA 27:21 - WUKE SUSI WATTI'U AL᷊AL᷊USASSA

²¹ I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”

SASABANGNGA 27:21 Iomraidhean Croise

PANDARIADDI 1:5

wuṛṛu asasemakka udde nissaggo “Allo” wuṛṛu ararandumma udde “Ṛabbi”. Ṛabbi nal᷊iudda, nariadite rua allo. Eteudde allo paarorone.

PANDARIADDI 1:8

Atuppa ual᷊e'onna udde nissagote “Langitta.” Ṛabbi nal᷊iudda wuṛṛu nariaddite rua allo. Eteudde allo aruane.

2 TAWARIKH 13:11

Suapan marua allo wuṛṛu wawallo i mangitou mannambunnu amania wuṛṛu mangonggollu sasamba itattambunna su Mawu, lapiddu mangngatokku roti ia'imbe. Suapan maṛṛabbi i mangitou mande'omma manga sol᷊o su leddan sol᷊o wul᷊awanna. Yami sidutu uararingikka manga parentan Mawu, arawe i yamiu buatte nanantangngu Mawu.

DARALO 134:1

Aantarin patatembo. Wette, paddalote Mawu, ei anambon allangngu Mawu, sarangkanambone apan mattaṛṛamawu su Wal᷊en-Ne sutempo ṛabbi.

SASABANGNGA 12:14

Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

SASABANGNGA 16:34

Ne i Harun nangaddon urinna udde su saruannu Wantallu Pa'aire tadea'u sahipunanna uasul᷊ungngu parentan Mawu si Musa.

SASABANGNGA 25:16

Ana see sulal᷊ummu wantalla udde ṛinone iaddonu watu darua ringannu manga tittita apan sarun Ta'u ionggolla si'o.

SASABANGNGA 28:43

Sal᷊ana udde ṛinone sidutu ilalluṛṛen mangitou su tempo sumutta sulal᷊ummu Rasang-Ku ara'e mangundanin mezbah wuṛṛu ma'ola'a patataṛṛamawu sangkatou imam su Wabbo'a Susi, tadea'u i mangitou tawe mate ana waugu niasiloanna wageangngu wadangnga apan tawe suṛṛinone ellehanna. Atoranna udde sidutu iappaamatta si Harun wuṛṛu papapulunne.”

SASABANGNGA 29:28

Ete indi apulu-U apan tate wotongnge iawal᷊u; Su tempo al᷊aṛṛana-U nirumanta mangonggolu sasamban paddarame, samba'a wuṛṛu palangngu winatangnga udde maola'a wageangngu manga imam. Eteudde aonggolu al᷊aṛṛana-U si Ya'u.

SASABANGNGA 29:42

Wua'udde manansunna wuassu al᷊o'engngu tempo, sasamba itattambunna udde ṛinone ionggola su saruang-Ku su su ngaran Dasang-Ku. Ete isudde i Ya'u sarun massomban al᷊aṛṛana-U wuṛṛu maggahattonu.

SASABANGNGA 29:44

I Ya'u sarun ma'ola'a Rasanna wuṛṛu mezbah indi susi. I Harun wuṛṛu manga anangnge sarun iṛṛae wuassi ngana'a waine tadea'u i mangitou mangimbe si Ya'u maola'a sangkatou imam.

SASABANGNGA 30:36

Sambageanganna wuassu amania udde ṛinone tummaanna mabbal᷊i al᷊ussa. Apira'e udde su Rasang-Ku wuṛṛu sal᷊iawuṛṛa'e su saruannu Wantallu Pa'aire. Amania udde ṛinone ellehanna maola'a sambau saranapa susi apan niṛṛa'e si Ya'u. Imbaṛṛangnga ma'ola'a amania apan nilo'annu manga rampa ereudde lai ana see ipaatti yamiu sassane.

SASABANGNGA 30:8

Olangnge udde sarun olaanne lai su tempo i tou mande'omma sol᷊o wawallo. Sasamba amania udde ṛinone sidutu mammanaranna su al᷊o'engngu tempo.

SASABANGNGA 40:3

Sutta'a sulal᷊umme Wantallu Pa'aire apan lal᷊oṛṛoannu Mapul᷊o Tita wuṛṛu taapeten mal᷊aṛṛenessa su saruanne.

IMAMATTA 10:9

“Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

IMAMATTA 16:34

Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

IMAMATTA 17:7

Walahannu Israel ṛinone sidutu matuṛṛutta su Mawu wuṛṛu mangke imbaṛṛangnga mamototta winatangnga su manga wailla olaanna sasamba su manga ringnga lal᷊eo. Atoranna udde sidutu tattuṛṛutanna saran mal᷊annu-l᷊annu.

IMAMATTA 23:14

Tantal᷊anna taambe nangapiddu sasamba udde su Mawu, i yamiu tawe wotongnge umanna saran kadio'a wuassu gandumma wakku udde, mawae tae tata, nipangganga ara'e nilol᷊o maola'a roti. Atoranna udde ṛinone tuṛṛutannu anambon papapulunnu saran mal᷊annu-l᷊annu.

IMAMATTA 23:21

Su allo udde i yamiu ṛinone ma'ola'a ammul᷊annu patataṛṛamawu wuṛṛu tawe wotongnge mammanara mawakkata. Atoranna indi ṛinone tattuṛṛutannu papapulunnu saran mal᷊annu-l᷊annu, su al᷊awo'u tampa i mangitou uatana'a.

IMAMATTA 24:2

niapaonggolu manga parenta indi su walahannu Israel; Pangapiden lanan zaitun tutume wuṛṛu apianne itaṛṛo su sol᷊o sulal᷊ummu Rasannu Mawu, tadea'u re'omanna wuṛṛu sidutu lukkengnggamma.

IMAMATTA 24:3

I Harun ṛinone mangatokku manga sol᷊o udde wuassu wawallo maddatingngu marua'allo su tampa Mawu isudde, su liuddu pampele apan ual᷊indumma wuṛṛu uataappa Wantallu Pa'aire su Wabbo'a Lembon Susi. Parenta udde ṛinone iapaamatta saran mal᷊annu-l᷊annu.

IMAMATTA 24:9

Roti uddewe wageangngi Harun wuṛṛu papapulunne. I mangitou ṛinone umanna su tampa apan susi, ana waugu roti udde maola'a wageangnge apan lembon susi wuassu sasamba anna apan nionggola su Mawu wuattu manga imam.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

IMAMATTA 3:8

Isudde i tou ṛinone mangandangngu limane su wowon puan domba udde ana see imam ṛinone mangalassu daṛṛan domba udde su mezbah sandiṛṛanne appata.

IMAMATTA 6:15

I tou ṛinone manganu sangkangkumma taponna al᷊ussa wuṛṛu lana ringannu amania, ana see itambunna su wowon mezbah maola'a tatiala manungku sasamba sarangkanambone udde nionggola su Mawu. Hal᷊urun sasamba udde ma'al᷊uassa naungngu Mawu.

IMAMATTA 7:36

Su allo udde Mawu namarenta walahannu Israel tadea'u wuassu sasamban mangitou, wageangnge udde wuattu manga imam. Atoranna udde ṛinone tuṛṛutannu walahannu Israel saran mal᷊annu-l᷊annu.

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

REENGANNA 18:23

Manatakka orassa indi tumba'u taumatan Lewi apan botongnge mallu'adda Rasang-Ku wuṛṛu sidutu uariaga su manara udde. Atoranna udde ipappaatta lai su papapulunnu saran mal᷊annu-l᷊annu. Taumatan Lewi tawe pussa'a su Israel,

REENGANNA 18:5

Tumba'u i'o, Harun, wuṛṛu al᷊aṛṛanangngu apan ṛinone mammanara su Wabbo'a Na'ukkassa wuṛṛu su mezbah, tadea'u i Ya'u tate lai masa'u su walahannu Israel.

REENGANNA 19:21

Atoranna udde ipappaatta saran mal᷊annu-l᷊annu. Taumata apan nangalassu ua'e lal᷊aghu udde ṛinone mabbansalla laungnge wuṛṛu taumata apan nawokkannu ua'e udde mabbal᷊i ma'arantinna maddatingngu matannallo umattuppa.

REENGANNA 35:29

Manga atoranna udde hunane si yamiu wuṛṛu su papapulunnu, su al᷊awo'u tampa i yamiu uatana'a.

REENGANNA 8:9

Wua'udde ammul᷊a'e anambon ṛuangannu Israel wuṛṛu doloṛṛa'e taumatan Lewi dumarisikka su saruannu Rasang-Ku.

MATIUS 4:16

Walahanna apan mabbiakka sulal᷊ummu ararandumma, suete naasilo asasemakka! Su manga taumata apan uatana'a su wanuan ararandummu papate nisabanganten asasemakka!”

LUKAS 12:35

“Paatehamma sumaruanna al᷊awo'u hatto. I yamiu ṛinone sidutu uasaddia ualluṛṛen laubba wuṛṛu sol᷊onu sidutu rare'omanna,

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

1 SAMUEL 3:3

wuṛṛu i Samuel mattiilla maranin Wantallu Paairen Mawu, sulal᷊ummu Rasanna Susi. Sutempo matannallo taambe nilumapputta wuṛṛu sol᷊o ta'e lukkenggamma,

1 SAMUEL 30:25

Ana see inolaanna udde niola'i Daud maola'a sambau atoranna, wuṛṛu mangke iapaamattu taumatan Israel naddatingngu orassa indi.