SASABANGNGA 27:1 - WUKE SUSI WATTI'U AL᷊AL᷊USASSA

¹ “Pa'ola'e sambau mezbah wuassu alu akasia. Saṛṛene uataṛṛawu'u, al᷊o'engnge wuṛṛu al᷊alakke sambau-sambau 2,2 metere wuṛṛu atanggakke 1,3 metere.

SASABANGNGA 27:1 Iomraidhean Croise

2 SAMUEL 24:18

Su allo udde lai i Gad nirumanta sinumaruanna si Daud wuṛṛu nabbisara si tou, “Ṛinone i Tuangnga umawitta su tampa pakkindanna gandumma tatahuannanni Arauna, wuṛṛu mapararisikku mezbah su Mawu.”

2 MARARATU 16:14

I Ahas naasilo manungku mezbah witu'a apan niṛṛae su Mawu udde addone suwallatu Wal᷊en Mawu wuṛṛu mezbane apan wakku. Ana waugu udde mezbah witu'a udde niingkatta wuassu saruannu Wal᷊en Mawu su samba'a sawannakku mezbane apan wakku udde.

1 TAWARIKH 6:49

I Harun wuṛṛu papapulunne manarane mannambunnu amania, mangngonggolu sasamba itattambunna su wowon mezbah, mapaamattu lal᷊aghu su Wabbo'a Lembon Susi, wuṛṛu mangngonggolu sasamba ipamappassa rosan taumatan Israel. Sarangkanambone udde niola'a wuassu tatantiron Musa allangngu Ruata.

2 TAWARIKH 4:1

Ratu Salomo nandolokka niapaola'a sambau mezbah wuassu witu'a, al᷊o'engnge wuṛṛu alal᷊akke sambau-sambau 9 metere, wuṛṛu atanggakke 4.5 metere.

EZRA 3:2

ana see Yesua ana'i Yozadak see ringanne manga imam wuṛṛu Zerubabel ana'i Sealtiel see manga tuṛṛangnge, na'ola'a apia mezbah Duatan Israel. Ringannu aroddi i mangitou wotongnge manambbunnu amania isudde, uasul᷊ungngu manga tatantiro apan uawoṛṛetta sulal᷊ummu buke Titan Musa allangngu Ruata.

SASABANGNGA 17:15

Ana see i Musa napararisikku sambau mezbah wuṛṛu nisago “Eteudde Mawu Waneṛṛa'u.”

SASABANGNGA 24:4

Wua'udde i Musa namoṛṛettu anambon parentan Mawu. Tiṛṛabbine marua'allo, i tou napararisikku sambau mezbah ringannu mapul᷊o dua palene su wawal᷊annu wowone udde; suapan palene uaapiddu arannu mapul᷊o dua ṛuangannu Israel.

SASABANGNGA 31:9

mezbah tampan sasamba itattambunna wuṛṛu al᷊awo'u saranapane, tampan kua'e ringannu apampakke,

SASABANGNGA 35:16

mezbah panutunganna sasamba ringannu manga taraline wuassu witu'a, alu papasannane ringannu anambon saranapane, loyanga tampan pabbansal᷊anna ringannu apampakke,

SASABANGNGA 39:39

mezbah witu'a ringannu kawa nianamma wuassu witu'a, alu papasanna ringannu al᷊awo'u saranapane; bakka tampan pangukkasanna ringannu apampakke,

SASABANGNGA 40:10

Onggol᷊a'a mezbah wuṛṛu al᷊awo'u saranapane ringannu laghune aroddi, tadea'u sarangkanambone iṛṛae huna'u.

SASABANGNGA 40:29

wuṛṛu su saruannu ngara udde i tou nangaddon medda pangadoannu sasamba itattambunna. Su wowon mezbah udde i tou nangonggolu sasamba itattambunna maola'a wuṛṛu sasamba ia'imbe.

SASABANGNGA 40:6

Addoa'e mezbah sasamba itattambunna su saruannu ngaran Dasanna.

REENGANNA 3:31

I mangitou niapamanara mallu'adda Wantallu Pa'aire, medda, leddan sol᷊o, manga mezbah, manga saranapa apan ipappaatu manga imam su Wabbo'a Susi, wuṛṛu pampele apan uasara Wabbo'a Na'ukkassa. I mangitou niapamanara al᷊awo'u manara apan pia aukke ringannu manga saranapa udde.

REENGANNA 4:13

I mangitou ṛinone mamaresi mezbah udde wuassu awu, ana see mamataddu mal᷊aṛṛenessa ungu su wowone.

REENGANNA 4:14

Wuṛṛu su wowone udde ṛinone iandangngi mangitou anambon saranapa apan ipappaatta sulal᷊ummu patataṛṛamawu su mezbah udde; tampan putungnga, saṛṛampanga, sasondo, wuṛṛu pangukasanna lima. Ana see i mangitou ṛinone manaapa sarangkanambone udde ringannu sangkul᷊appa pisi al᷊ussa wuṛṛu manuṛṛin alu papasannane.

IBRANI 13:10

I ite uatahuanna sambau tampan sasamba pangonggol᷊annu sasamba su Ruata. Wuṛṛu manga imam apan mangngimbe si Tou sulal᷊ummu Rasannu Mawu, tawe su ṛinone umanna sasamba apan uaraddo su wowon tampan sasamba udde.