SASABANGNGA 25:16 - WUKE SUSI WATTI'U AL᷊AL᷊USASSA

¹⁶ Ana see sulal᷊ummu wantalla udde ṛinone iaddonu watu darua ringannu manga tittita apan sarun Ta'u ionggolla si'o.

SASABANGNGA 25:16 Iomraidhean Croise

1 MARARATU 8:9

Sulal᷊ummu Wantaliu Paaire udde tawe lal᷊oṛṛone waine tumba'u darua watu. Manga watu udde buatte nitaṛṛon Musa isudde su Wowon Sinai, sutempo Mawu na'ola'a paaire ringannu walahannu Israel sutempo i mangitou sulal᷊ummu amatanna wuassu Mesir watukku wanua Kanaan.

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

2 TAWARIKH 23:11

Wua'udde i Yoyada nangapiddi Yoas sinumabbangnga, ana see niluṛeannu araposan araratuanna su puane, wuṛṛu nanantilla si tou wuke Titan Duata Etearoddi i Yoas nitenega naola'a ratu. Wua'udde Imam Yoyada wuṛṛu al᷊aṛanangnge nallal᷊innu lanan lal᷊aghu patatenega si Yoas, ana see anambon taumata nangintul᷊i, “Nabbiakke Ratu!”

SASABANGNGA 16:34

Ne i Harun nangaddon urinna udde su saruannu Wantallu Pa'aire tadea'u sahipunanna uasul᷊ungngu parentan Mawu si Musa.

SASABANGNGA 25:21

Addoa'e watu darua sulal᷊ummu wantalla udde wuṛṛu paseiten lal᷊uube rosone.

SASABANGNGA 26:33

Addoa'e mal᷊aṛṛenessa su al᷊ungngu raddagu aaitta su atuppu Rasanna. Su liuddu mal᷊aṛṛenessa udde ṛinone iaddo Wantallu Pa'aire apan lal᷊oṛṛoannu watu darua udde. Mal᷊aṛṛenessa udde uawallata Wabbo'a Susi wuṛṛu Wabbo'a Lembon Susi.

SASABANGNGA 27:21

I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”

SASABANGNGA 30:36

Sambageanganna wuassu amania udde ṛinone tummaanna mabbal᷊i al᷊ussa. Apira'e udde su Rasang-Ku wuṛṛu sal᷊iawuṛṛa'e su saruannu Wantallu Pa'aire. Amania udde ṛinone ellehanna maola'a sambau saranapa susi apan niṛṛa'e si Ya'u. Imbaṛṛangnga ma'ola'a amania apan nilo'annu manga rampa ereudde lai ana see ipaatti yamiu sassane.

SASABANGNGA 30:6

Addoa'a mezbah udde su liuddu mal᷊aṛṛenessa su saruannu Wantallu Pa'aire, su tampa i Ya'u sarun maisasombanu.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 32:15

I Musa sinumossoke apia wuassu wowone udde uaapiddu darua watu apan wawoṛṛetannu manga titan Duata su sandiṛṛanne ruan ba'a.

SASABANGNGA 34:29

Su tempo i Musa sinumossokka wuassu Wowon Sinai uaapiddu Mapul᷊o Tita udde, hatine lullansiangnga ana waugu i tou buatte naggahato Mawu, arawe i Musa sassane wagga manungku hatine lullansiangnga.

SASABANGNGA 38:21

Eteindi arannu logamma apan nipaatta sulal᷊ummu Rasannu Mawu, tampan batu rarua ringannu Mapul᷊o Titan Duata udde sinahipunna. Manga aranna niola'a wuassu parentan i Musa wuṛṛu niatokku manga taumatan Lewi apan mammanara su al᷊ungngu piaṛṛa'i Itamar, ana'i Imam Harun.

SASABANGNGA 40:20

Wua'udde watu udde nitaṛṛo sulal᷊ummu Wantallu Pa'aire. Ana see i Musa nanutubbu Wantalla udde wuṛṛu nanuṛṛin alu papasanna sulal᷊ummu hal᷊angnge.

REENGANNA 17:4

Apira'e manga ta'inna udde su Rasang-Ku wuṛṛu addoa'e su saruannu Wantallu Pa'aire, inanaramanne i Ya'u maisasomban kamiu.

WATTI'U MANGA RASUL 7:44

Rasanna tampa rantannu Ruata ringannu taumata, pia lai su iupungngu al᷊amonang kite su wadda'a. Rasanna udde niola'a wuassu parentan Ruata si Musa tumuṛṛuttu saṛṛene apan niapasilon Ruata si Musa.

ROMA 3:2

Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

TAHIUL᷊E 31:26

“Anute wuken Titan Duata indi, wuṛṛu sahipunte su sandiṛṛannu wantallu Pa'airen Mawu Ruatanu, tadea'u sidutu sasahipunanna isudde maola'a sambau tatiala su walahannu udde.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

YOSUA 4:16

nandolokku manga imam apan uapasanna Wantalu Pa'aire udde tadea'u iapasabanga wuassu Yordan.