SASABANGNGA 24:7 - WUKE SUSI WATTI'U AL᷊AL᷊USASSA

⁷ Wua'udde i tou nanganu wuken pa'aire apan wawoṛṛetannu manga titan Mawu, wuṛṛu niwasan tou ringannu tingikka ma'ikkata su walahanna udde. Unni mangitou, “Yami ma'apulu tumuṛṛutta Mawu wuṛṛu mapaamattu al᷊awo'u parenta-Ne.”

SASABANGNGA 24:7 Iomraidhean Croise

1 MARARATU 8:9

Sulal᷊ummu Wantaliu Paaire udde tawe lal᷊oṛṛone waine tumba'u darua watu. Manga watu udde buatte nitaṛṛon Musa isudde su Wowon Sinai, sutempo Mawu na'ola'a paaire ringannu walahannu Israel sutempo i mangitou sulal᷊ummu amatanna wuassu Mesir watukku wanua Kanaan.

2 TAWARIKH 15:14

Ringannu tingikka ma'ikkatta i mangitou nassalu su Mawu manungku i mangitou sarun mangaggassa paaire udde. Wua'udde i mangitou ringante pasi pangintul᷊i wuṛṛu nattiuppa trompeta.

DARALO 50:5

Wisara-Ne, “Ammul᷊a'e anambon al᷊aṛṛana-U, apan buatte nabaiddu paaire si Ya'u, wuṛṛu ringannu nanohassu sasamba apan niṛata.”

DARALO 78:36

Arawe i mangitou namahia si Tou, manga wisaran mangitou awusu wara'a.

SASABANGNGA 19:8

I mangitou sarangkanambone sinumimbakka ringannu naṛṛindo'a, “Yami mappulu tumuṛṛutta al᷊awo'a apan nirolokku Mawu,” wuṛṛu sasimbakka udde nippasingkatti Musa su Mawu. Ana see unnu Mawu si Musa, “I Ya'u sarun rumanta ringannu aoosanu winabbawa apan maappala; manga taumata sarun maddaringikka si Ya'u mabbisara si'o, wuṛṛu manattakka orassa udde i mangitou sarun sidutu mangngimanna si'o.

MALEAKHI 2:10

Wal᷊inewe i ite sarangkanambone uatahuanna Iamangnga apan uasul᷊ungnga? Wal᷊inewe i ite sarangkanambone niola'u Ruata apan uasul᷊ungnga? Amungkangngu aroddi, anio i ite uawawahia paaire wuṛṛu ringannu aroddi namahia paaire apan niola'u Ruata ringannu al᷊amonang kite?

WATTI'U MANGA RASUL 13:15

Napawe Wuke Musa wuṛṛu Wuke Manga Nabi niwasate, manga piaṛṛa'u wal᷊em pattataṛṛamawuanna udde nandolokku taumata iapaiwal᷊o si Paulus wuṛṛu manga hawene, “Manga tuṛṛangnga, amungkangngu tuṛṛangnga pia sambau al᷊aṛṛa'a su manga taumata indi, wal᷊oa'e al᷊aṛṛa'a udde.”

KOLOSE 4:16

Napawe suratta indi suete niwasan kamiu, suapan botongnge wasa'a lai ringannu jamaatta su Laodikia. Aroddi lai yamiu sassane ṛinone mabbasan suratta apan sarun iroho wuassu Laodikia si yamiu.

1 TESALONIKA 5:27

Sulal᷊ummu taṛṛinon Mawu, i ya'u sumal᷊ande tadea'u i yamiu mabbasan suratta indi su anambon tuṛṛanga apan sambau su pangangimanna.

YOSUA 24:24

Ana see manga taumata nabbisara si Yosua, “Yami sidutu tumba'u mattaṛṛamawu Mawu, Mawu Ruatan kite. Yami sarun tumuṛutta manga parenta-Ne.”