SASABANGNGA 24:6 - WUKE SUSI WATTI'U AL᷊AL᷊USASSA

⁶ Sambageanganna wuassu daṛṛan sapi udde nianun i Musa wuṛṛu nilal᷊inna sulal᷊ummu manga tinaṛṛiti. Sambageanganna lai nilal᷊inna su wowon mezbah.

SASABANGNGA 24:6 Iomraidhean Croise

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

SASABANGNGA 12:22

Panganute lai samba'issa hisop, ammoa'a sulal᷊ummu mangko apan lal᷊oṛṛoannu daṛṛa domba udde, ana see wuṛṛa'a su darua sal᷊aba'u ngara wuṛṛu pua ngara al᷊iurosone wuassu wal᷊enu. Maddatingngu marua'allo imbaṛṛangnga pia sangkatou su wallati yamiu manantangngu wal᷊en.

SASABANGNGA 12:7

Daṛṛane addio'a wuṛṛa'a su darua diṛṛi ngara wuṛṛu su pua ngaran bal᷊e su tampa i mangitou u'inassa.

SASABANGNGA 24:8

Ana see i Musa nanganu daṛṛa sulal᷊ummu manga tinaṛṛiti udde wuṛṛu nialassa su tumana'u soa. Wisarane, “Daṛṛa indi mannohassa pa'aire Mawu ringanni yamiu pangaiananne wuassu manga parenta-Ne.”

SASABANGNGA 29:16

Ana see ṛatate winatangnga udde, anute daṛṛane wuṛṛu wokka'a su mezbah sandiṛṛanne appata.

SASABANGNGA 29:20

Ana see ṛatate domba esakka udde, panganute addio'a daṛṛane wuṛṛu wuṛṛa'a su aikkatannu tal᷊ingan i Harun wuṛṛu manga anangnge, su inangngu talimaddo aikkatanna wuṛṛu inangngu tal᷊imaddon ledda aikkatanni mangitou. Lamben daṛṛa udde ṛinone iwokka su mezbah sandiṛṛanne appata.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

IMAMATTA 1:11

Taumata udde ṛinone maṛṛata winatangnga udde su samba'an sawannaku mezbah, ana see manga imam ṛinone mamokkan daṛṛane su sandiṛṛanne appata.

IMAMATTA 1:5

Wua'udde sapi udde ṛinone ṛatanna su saruannu ngaran Dasanna. Daṛṛane ṛinone ionggolu manga imam papapulunni Harun su Mawu, ana see iwokka su mezbah sandiṛṛanne appata wuṛṛu su saruannu ngaran Dasanna.

IMAMATTA 3:2

Taumata apan nangonggola ṛinone mangaddon limane su wowo puan binatangnga udde ana see ṛatanna su saruannu ngaran Dasannu Mawu. Manga imam papapulunni Harun ṛinone mangalassu daṛṛan sapi udde su mezbah sandiṛṛanne appata.

IMAMATTA 3:8

Isudde i tou ṛinone mangandangngu limane su wowon puan domba udde ana see imam ṛinone mangalassu daṛṛan domba udde su mezbah sandiṛṛanne appata.

IMAMATTA 4:6

Ana see i tou mangammo tal᷊imaddone sulal᷊ummu daṛṛa udde wuṛṛu iwokka paapitu su saruannu pampele apan uawallata Wabbo'a Susi.

1 KORINTUS 11:25

Aroddi lai napawe buatte inumanna, i Tou nanganu mangkon anggore see nabbisara, “Anggore indi eteudde paaire Duata apan wakku, nitohassu ṛaṛṛa-U. Suapan tempo i yamiu ma'inumma indi, olaawe indi ipannaungnga si Ya'u.”

KOLOSE 1:20

Wuṛṛu sulal᷊ummu Anang-Nge udde lai Ruata naṛṛingida mandiaddi manga al᷊awo'a maaukka apia ringanni Tou – mawae udde su runia, ara'e lai su surga. Ruata nandiaddi udde wuassu papaten Anang-Nge su alu arussa.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

IBRANI 8:9

Wal᷊ine ere pa'aire apan niola'u Ruata su iupungngu al᷊amona mangitou su tempo i Ya'u mangngehetta si mangitou sumabangnga wuassu leta'u Mesir. I mangitou mal᷊awangnga su pa'aire apan suete Ta'u niola'a ringanni mangitou; ana waugu udde i Ya'u tate mappanduma si mangitou.

IBRANI 9:18

Ana waugu udde paaire paarorone lai ṛinone tohassannu ṛaṛṛa.

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.

IBRANI 9:21

Wua'udde ringannu inolaanna apan uasul᷊ungnga, i Musa nanebboku ṛaṛṛa udde lai su Rasannu Mawu wuṛṛu su al᷊awo'u sarannapam patataṛṛamawuanna.

1 PETRUS 1:19

ewe'e sambau saranapa apan lembon maarega; eteudde wadangi Kristus sassane, apan naola'a ere domba nionggolla sasamba su Ruata ringannu tawe angngone.