SASABANGNGA 23:33 - WUKE SUSI WATTI'U AL᷊AL᷊USASSA

³³ Arie pabbala'a manga taumata udde matana'a su wanuanu, tadea'u i yamiu tawe massubba manga mawun mangitou wuṛṛu ma'ola'a rosa su saruang-Ku. Amungkangngu i yamiu massubba manga mawun mangitou, i yamiu nanawote sulal᷊ummu loṛṛangngu papate.”

SASABANGNGA 23:33 Iomraidhean Croise

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

DARALO 106:36

Ana see i mangitou nassubba manga paal᷊uanna, wuṛṛu pinangianannu ananawon mangitou.

SASABANGNGA 10:7

Manga mammamanaran araratuanna nabbisara ratu, “Ma'oman sara tingngera taumatan udde mapaasusan kite? Wala'e anambon taumatan Israel udde inai mattaṛṛamawu su Mawu, Ruata mangitou. Pa'ellege wanuan kite indi nahahakke!”

SASABANGNGA 23:24

Imbaṛṛangnga massubba manga paal᷊uanna mallal᷊u'adda si mangitou wuṛṛu imbaṛṛangnga mattanno ola'i mangitou mattaṛṛamawu. Ṛimunsa'e manga paal᷊uanna mallal᷊u'addi mangitou udde wuṛṛu paddite manga diṛṛi watu apan nipaatti mangitou pattaṛṛamawuanna.

SASABANGNGA 34:12

Imbaṛṛangnga ma'ola'a pa'aire ringannu manga taumata apan rantanni yamiu, ana waugu olangnge udde wotongnge maola'a wal᷊ati'a apan maapate si yamiu.

TAHIUL᷊E 12:30

Napawe manga walahanna udde buatte nipate, paatehampe i yamiu arie ma'oman sara mattanno si mangitou massubba manga Mawu wal᷊ine, ana waugu inolaanna udde mandantan papate.

TAHIUL᷊E 20:18

Patete i mangitou, tadea'u i mangitou tawe maarosa si yamiu su saruannu Mawu Ruatanu wangu i mangitou mangaṛṛa'a si yamiu ma'ola'a manga inolaanna apan ma'arantinna wuassu manga mawun mangitou.

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.

TAHIUL᷊E 7:16

Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

2 TIMOTIUS 2:26

Ringannu aroddi i mangitou maatutukke apia, wuṛṛu napallose wuassu seddan Setanna apan suete nangiitta si mangitou wuṛṛu mammata'i mangitou tumantalongnga apulune.

YOSUA 10:40

Ahewallu wanua udde niaṛṛon Yosua. I tou namaddon manga ratu su wageangngu panenteanna, manga welem buidda samba'an ra'i, su manga wawal᷊annu wowone samba'an baṛṛatta, wuṛṛu su manga wadda'a samba'an timukka. Tawe saran sangkatou apan niwalane wiakka; sarangkanambone nipate. Udde wuassu parenta Mawu, Ruatan Israel.

YOSUA 23:13

paanaunge, Mawu Ruatanu sarun tate mallimbuakka manga walahanna udde lai ana waugu i yamiu. Arawe mawal᷊i'a, i mangitou sarun maasilaka atonna si yamiu, ana waugu i mangitou sarun maola'a ere wal᷊ati'a ara'e sedda si yamiu. I mangitou lai sarun mapaasusan kamiu; ana waugu i mangitou sarun maola'a ere sambokka su liuddi yamiu ara'e ere duṛṛi su lal᷊ummu matanu i yamiu sidutu uatataṛaṛangnga ma'oman sara tawe saran sangkatou su wallati yamiu apan matantangnga su wanua mapia indi apan nionggolu Mawu Ruatanu si yamiu.

MAL᷊AṚṚUUNGNGA 2:2

Ana waugu udde i yamiu tawe wotongnge ma'ola'a pa'aire ringannu tumana'u wanua indi. Manga meddan sasamban mangitou ṛinone ihohakki yamiu.’ Arawe i yamiu tawe tinumuṛutta parenta-U. I yamiu na'ola'a al᷊aṛaene!

MAL᷊AṚṚUUNGNGA 2:3

Nariaddi, orassa indi paddaringikka! I Ya'u sarun tawe mallimbuakka manga taumatam banua indi napawe i yamiu mapapangalon mangitou. I mangitou sarun maola'a manga seennu, wuṛṛu i yamiu sarun awono'anna ma'oman sara i yamiu lai massubbate manga monganni mangitou.”

1 SAMUEL 18:21

I tou maṛṛingidda, “Mapianne i Mikhal ta'u iṛṛino si Daud tadea'u i Daud aratinganna wuṛṛu pateannu taumatan Filistin.” Nariaddi su aruane i Saul nabbisara si Daud, “Orassa indi i'o wotongnge maola'a mananambo'u.”