SASABANGNGA 23:24 - WUKE SUSI WATTI'U AL᷊AL᷊USASSA

²⁴ Imbaṛṛangnga massubba manga paal᷊uanna mallal᷊u'adda si mangitou wuṛṛu imbaṛṛangnga mattanno ola'i mangitou mattaṛṛamawu. Ṛimunsa'e manga paal᷊uanna mallal᷊u'addi mangitou udde wuṛṛu paddite manga diṛṛi watu apan nipaatti mangitou pattaṛṛamawuanna.

SASABANGNGA 23:24 Iomraidhean Croise

2 MARARATU 17:11

I mangitou lai nanambunnu amania su anambon mezbah hunane tumba'u su monganna, ere inanaramannu manga walahanna apan buatte nilimbuaṛannu Mawu wuassu wanua Kanaan. I mangitou massubba paal᷊uanna, salaiwe Mawu buatte naningadda. Al᷊awo'u inolaanni mangitou apan dal᷊eo mandantan asasa'un Mawu.

2 MARARATU 17:8

wuṛṛu mattanno inanaramannu manga walahanna apan buatte nilimbuaṛṛannu Mawu sutempo walahannu Israel inai namangalo wanua udde. Walahannu Israel tuttuṛṛutta inanaramannu al᷊amona apan tinantunu manga ratun Israel,

2 MARARATU 18:4

I tou nanggohakku manga tampa pasasubbanna monganna, wuṛṛu napaaṛṛaan manga palene see lai nanggohakku manga paal᷊uannu Mongannu Asyera. I tou lai nakkimunsa'a atoanna witu'a niola'i Musa apan isassago Nehustan. Ana waugu naddatingngu tempo udde, taumatan Israel ta'e mannutunga amania ipangaddata atoanna witu'a udde.

2 MARARATU 3:2

I tou na'ola'a al᷊al᷊eo su aellegu Mawu, arawe i tou tawe tumaniten dal᷊eo ere i Ahab wuṛṛu i Izebel, hagurange. Paal᷊uanna apan niola'u iamange ipassubba si Baal buatte niapasossokka.

2 TAWARIKH 14:2

Asa naal᷊uassa naungngu Mawu Ruatane ringannu na'ola'a atatul᷊idda wuṛṛu apapia.

2 TAWARIKH 25:14

Napawe buatte namaddon tantaran Edom, Amazia napul᷊ete ringannu uaapiddu paal᷊uanna sassubbannu taumatan Edom wuṛṛu sinahipunna su Yehuda. Ana see i tou nanambunnu amania su manga paal᷊uanna udde udde lapiddu nassubba si tou.

2 TAWARIKH 33:2

I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

DARALO 101:3

al᷊al᷊eo tawe ta'u iwala. Ta'u ipaddantinna pallal᷊aghun taumata apekka, wuṛṛu maddirite masasangkapia mangitou.

SASABANGNGA 20:3

Imbaṛṛangnga masubba manga Mawu waine. Passubbate si Ya'u.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

SASABANGNGA 23:32

Imbaṛṛangnga ma'ola'a pa'aire ringannu manga taumata udde ara'e ringannu manga mawun mangitou.

SASABANGNGA 23:33

Arie pabbala'a manga taumata udde matana'a su wanuanu, tadea'u i yamiu tawe massubba manga mawun mangitou wuṛṛu ma'ola'a rosa su saruang-Ku. Amungkangngu i yamiu massubba manga mawun mangitou, i yamiu nanawote sulal᷊ummu loṛṛangngu papate.”

SASABANGNGA 32:20

Wua'udde i tou nanganu paal᷊uanna sapi niola'u manga taumatan Israel udde, ana see niwoso wuṛṛu niwalu na'oman sara naal᷊ussa ere awu, ana see nilo'annu ua'e. Wua'udde i tou nandolokku taumatan Israel niapa'inumma.

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.

IMAMATTA 18:3

Imbaṛṛangnga mattanno inolaannu taumatan Mesir, su tampa i yamiu buatte natana'a, ara'e taumatan Kanaan, watukku apa orassa indi Ya'u mangapiddi yamiu.

IMAMATTA 26:1

Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.

REENGANNA 25:2

Manga wawine udde mangngahe si mangitou watukku andeangngu sasamba ipangaddata monganni mangitou. Taumatan Israel inumanna lai sasamba udde wuṛṛu massubba mongannu taumatan Moab.

REENGANNA 33:52

i yamiu ṛinone mallimbuakka anambon tumana'u wanua udde. Ṛimunsa'e anambon paal᷊uanni mangitou wuassu watu wuṛṛu atta'a see lai manga tampa patataṛṛamawuanni mangitou.

TAHIUL᷊E 12:3

Ṛaea'e manga mezbah mangitou wuṛṛu ṛimunsa'a manga diṛṛine watu apan a'antimanni mangitou pia taṛṛinone. Tambuna'a manga hambaranni Asyera, wuṛṛu ṛimunsa'a manga paal᷊uanna sassubbanni mangitou, na'oman sara manga monganna udde tate subbanna lai su tampa udde.

TAHIUL᷊E 7:5

Ana waugu udde, hogaṛṛa'e manga mezbah manga walahanna udde, ṛimunsa'a manga diṛṛi watu apan sassunnanni mangitou maṛṛaubba, watanga'a manga waneṛṛan Asyera, wuṛṛu tambuna'e manga paal᷊uanna apan sassubbanni mangitou.