SASABANGNGA 23:14 - WUKE SUSI WATTI'U AL᷊AL᷊USASSA

¹⁴ “Suapan tonna ṛinone i yamiu mallaghun tatallu allo wahewa ipangaddata si Ya'u.

SASABANGNGA 23:14 Iomraidhean Croise

1 MARARATU 9:25

Paatallu santonna i Salomo mangngonggollu sasamba itattambunna wuṛṛu sasamban paddarame su wowom mezbah apan buatte niolangnge hunan Mawu. I tou nanutungnga lai amania hunan Mawu. Etearoddi Salomo nanginsue pandararisikku Wal᷊en Mawu.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

SASABANGNGA 23:17

Suapan tonna su tempo mallaghun tatallu ramea udde, anambon taumata esakka ṛinone rumanta mattaṛṛamawu si Ya'u, Ruatanu.

SASABANGNGA 34:17

Imbaṛṛangnga ma'ola'a wuṛṛu massubba manga Mawu wuassu atta'a.

SASABANGNGA 34:18

Ramea'e Andeangngu Roti Tawe Ragine. Ere lai buatte Ta'u nirolokka si'o, i yamiu ṛinone umanna roti tawe ragine al᷊annune pitu allo sulal᷊ummu wul᷊anna Abib, ana waugu sulal᷊ummu wul᷊anna udde i yamiu nanantangngu Mesir.

YEHEZKIEL 46:9

Nawal᷊i'a, amungkangngu su manga allo wahewalla tumanangnge rumanta mattaṛṛamawu su Mawu, ne i mangitou apan sinumutta niumamattu sasuttanna su sawannakka, mapul᷊e ṛinone umamattu sasuttannu timukka napawe i mangitou nuddusse mattaṛṛamawu. Wuṛṛu i mangitou apan sinumutta su sasuttannu timukka, mapul᷊e ṛinone sumabbangngu sasuttanu sawannakka. Manga taumata imbaṛṛangnga mapul᷊e umamattu lal᷊anna apan niamatanna sutempo sinumutta; i mangitou ṛinone mapul᷊e umamattu sasuttanna su sambaane.

IMAMATTA 23:16

Su allo al᷊iman pul᷊one, eteudde allo appitune napawe Sabat nal᷊iudda, i yamiu ṛinone mangapiddu sasamba ia'imbe su Mawu.

IMAMATTA 23:4

Eteindi manga allo wahewalla apan nitantunnu Mawu wuṛṛu ṛinone ial᷊iata su tempo apan buatte nitantunna.

IMAMATTA 23:5

Allo Wahewan Paskah apan iramea ipangaddatta Mawu, manattakka wuassu tempo matannallo umattuppa su allo appul᷊one appata wul᷊anna paarorone.

TAHIUL᷊E 16:1

“Laghua'e Paskah sulal᷊ummu wul᷊anna Abib ipangaddata Mawu Ruatanu, ana waugu sulal᷊ummu wul᷊anna udde, su tempo ṛabbi, i Tou namallossi yamiu wuassu Mesir.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

1 SAMUEL 1:3

Suapan mattonna i Elkana manantangngu Rama inai mattaṛṛamawu su Silo wuṛṛu mangonggolu sasamba su Mawu Apan Lembontaṛṛino. Apan naola'a imammu Mawu su Silo eteudde i Hofni wuṛṛu i Pinehas, al᷊aṛṛana'i Eli.