SASABANGNGA 22:30 - WUKE SUSI WATTI'U AL᷊AL᷊USASSA

³⁰ see lai sapi wuṛṛu domba esakka apan paarorone niasungkangnga. Wala'e manga winatangnga udde matana'a ringannu inangnge al᷊annune pitu allo, ana see tantil᷊a'e si Ya'u su allo aual᷊une.

SASABANGNGA 22:30 Iomraidhean Croise

SASABANGNGA 13:12

i yamiu ṛinone mangonggolu ana'a esakka pahul᷊une wuṛṛu suapan binatangnga esakka apan niasungkangnga paarorone. Sarangkanambone udde tatahuanannu Mawu,

YEHEZKIEL 4:14

Arawe i ya'u sinumimbakka, “Uare Mawu Apan Atanggaṛṛanne! Ro'en ta'e addio'a naddatingngu orassa indi, taambe saran paassa nalluhudda wadangku ringannu anna wuassu binatangnga nate ara'e anna lamben winatangnga mal᷊aṛṛaga. Taambe saran paassa niumanna anna apan ipappalli.”

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

IMAMATTA 12:3

Su allo aual᷊une anangnge ṛinone sunatanna.

IMAMATTA 17:15

Suapan taumatan Israel ara'e taumata raho apan uminassa ṛemessu binatangnga apan nate sassane ara'e nate niaṛṛattu binatangnga mal᷊aṛṛaga, ṛinone mabbansalla laungnge ana see mandeno wuṛṛu mallaṛṛaddo maddatingngu matannallo umattuppa, wakkute udde i tou mabbal᷊i waresi.

IMAMATTA 22:8

I tou imbaṛṛangnga uminassa ṛemessu winatangnga apan nate sassane ara'e nate niaṛṛattu winatangnga mal᷊aṛṛaga. Amungkangngu i tou niuminassa, i tou mabbal᷊i ma'arantinna. Ete i Ya'u Mawu.

IMAMATTA 7:23

hunam balahannu Israel. Tawan sapi, domba ara'e ambinga tawe wotongnge inasanna.

IMAMATTA 7:24

Tawan binatangnga apan nate sassane ara'e ana waugu niaṛṛatu binatangnga mal᷊aṛṛaga, tawe wotongnge inasanna arawe wotongnge ipaatta su hausanne waine.

IMAMATTA 7:26

Taumatan Israel salaiwe suapa i tou uatana'a, tawe wotongnge uminassa daṛṛan manu'u winalanganna ara'e daṛṛan binatangnga waine.

TAHIUL᷊E 14:21

Winatangnga apan nate sassane imbaṛṛangnga inasanni yamiu, arawe wotongnge inasannu taumata raho apan uatana'a suwallati yamiu, ara'e iwal᷊u'a su walahanna raho. I yamiu uddewe al᷊aṛṛana'a apan niaṛṛaen Mawu Ruatanu. Ṛemessu ana'u domba ara'e ana'u ambinga imbaṛṛangnga lahannu ua'en susun inangnge.”

TAHIUL᷊E 15:19

“Ana'u sapi wuṛṛu ambingnga domba apan paaororone nariaddi ṛinone ionggola su Mawu Ruatanu. Sapi udde wotongnge ipaatta iapawol᷊engnga pajeko, wuṛṛu domba udde tawe wotongnge iṛṛianna.