SASABANGNGA 22:27 - WUKE SUSI WATTI'U AL᷊AL᷊USASSA

²⁷ ana waugu ete mal᷊aṛṛenessa sambau udde apan ipanal᷊ihangnga watanganne. Amungkangngu tawe iapawelengnga si tou, i tou malluṛṛeten nasa suapa ipaatta matiilla? Amungkangngu i tou umui maiontolla si Ya'u, ne i Ya'u sarun maddaringikka ana waugu i Ya'u maakkanna.

SASABANGNGA 22:27 Iomraidhean Croise

2 SAMUEL 16:5

Napawe i Daud na'omate su Bahurim, nirumantate sangkatou wuassu tampa udde lapiddu nangundanin ammul᷊annu ratu, wuṛṛu i tou nantal᷊an Daud. Taumata udde aranne i Simei ana'i Gera, tuṛṛangngi Saul.

1 MARARATU 2:8

Su ola'i Simei ana'i Gera wuassu soa Bahurim su wageangngu leta'i Benyamin, pia lai tanata'u si'o. Sulal᷊ummu amatangku watukku Mahanaim, i Simei udde dorone namontogga si ya'u ringannu maṛṛagissa. Arawe wua'udde, sutempo i tou nirumanta nanal᷊oho si ya'u su Sal᷊ukku Yordan, i ya'u nassalu si tou ringannu arannu Mawu manungku i ya'u tawe mamate si tou.

1 MARARATU 2:9

Arawe eteindi tanata'u si'o: arie pabbala'a i tou mapallossa wuassu ṛuumanna. I ya'u masingkatta i'o pande; nariaddi, salaiwe i tou timmadete, paddea'e tadea'u i tou iṛṛuumanna pateanna.”

2 TAWARIKH 30:9

Amungkangu i yamiu mabelengnga mattaṛṛamawu su Mawu, ne manga taumata apan nangapiddu manga tuṛṛangngu naola'a taumata niatawanna, sarun umakkanna wuṛṛu mamalan mangitou iapapul᷊e apia. Mawu Ruatanu eteudde Ruata apan mapia wuṛṛu marangngu; i Tou sarun manarimmatti yamiu amungkangu i yamiu mabelengnga apia ringanni Tou.”

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

DARALO 72:12

Ana waugu i tou namallossu taumata niallangnga apan tawe maal᷊ore, wuṛṛu taumata asiangnga apan sussal᷊ande si tou.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

SASABANGNGA 22:23

Amungkangngu i yamiu mandal᷊eo si mangitou, i Ya'u, Mawu sarun maddaringikka si mangitou napawe i mangitou sumal᷊ande maiontolla si Ya'u.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

MANNANASE 10:20

Imbaṛṛangnga mamansaggu ratu, salaiwe tumba'u sulal᷊ummu naungnga. Imbaṛṛangnga mallela taumata ala, salaiwe su wabbo'ane sassane. Asinungka sambau manu'u winalanganna maaringikka apa apan iwabbisaranu, ana see mamasingkatta su taumata ia'umbilangngu.

YESAYA 19:20

Mezbah wuṛṛu diṛṛi udde naola'a sambau papasingkatta Mawu Apan Lembontaṛṛino udde su Mesir. Amungkangngu walahanna udde allanganna, wuṛṛu i mangitou umui maiontolla su Mawu, i Tou sarun mandolokku sangkatou iapasal᷊amatta si mangitou.

TAHIUL᷊E 24:10

Amungkangngu i yamiu mapawallasu sambau saranapa su tuṛṛangngu, imbaṛṛangnga sumutta sulal᷊ummu wal᷊ene manganu laungnge maola'a wataṛṛune.