SASABANGNGA 22:21 - WUKE SUSI WATTI'U AL᷊AL᷊USASSA

²¹ Imbaṛṛangnga mangallangnga ara'e ma'inolaanna sal᷊a su saruannu taumata raho; naungete manungku dorone i yamiu lai taumata raho su Mesir.

SASABANGNGA 22:21 Iomraidhean Croise

AYUB 6:27

Ewe'e lai ana'a asisitimpal᷊ussa niundin kamiu nasimme, hawenu ate, lallingannu tadea'u i yamiu maola'a ala.

DARALO 146:9

I Tou mannillumma manga taumata raho; i Tou nantul᷊ungngu manga inawal᷊uanna wuṛṛu asisin timpal᷊uassa, arawe nanal᷊are hol᷊agu taumata lal᷊eo.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 23:9

Imbaṛṛangnga mandal᷊eo taumata raho ringannu walate apulunu; i yamiu masingkatta ereapa pendamanna maola'a taumata raho, ana waugu dorone i yamiu lai taumata raho su Mesir.”

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

YEHEZKIEL 22:7

Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

IMAMATTA 19:33

Imbaṛṛangnga ma'inolaanna lal᷊eo su taumata raho apan uatana'a su wanuanu.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

IMAMATTA 25:35

Amungkangngu taumata sambalahannu apan uatana'a su wallati yamiu nabbal᷊i susa wuṛṛu tawe maawiakka watanganne, i yamiu ṛinone massumbala si tou ere sangkatou taumata raho ara'e rumaranta, tadea'u i tou sidutu mabiakka su wallati yamiu.

ZAKARIA 7:10

Imbaṛṛangnga mangallangnga manga wawine wal᷊u, al᷊aṛṛana'a asisin timpal᷊ussa, manga taumata raho apan namanua su pattangnganni yamiu, ara'e isai-sai apan sulal᷊ummu awussa. Wuṛṛu imbaṛṛangnga lai manggolagu al᷊al᷊eo su saruannu sansul᷊ungu.’

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

TAHIUL᷊E 1:16

Su tempo udde i ya'u nangatokki mangitou arendi: Paatutuṛṛe manga pabbawawul᷊o apan lumapputa suwallatu walahannu. Onggol᷊eten laṛṛawessa apan matul᷊idda, mawae sulal᷊ummu hatto ringannu taumata sambalahannu ara'e ringannu taumata raho apan uatana'a suwallati yamiu.

TAHIUL᷊E 10:18

I Tou uasamba'a asisi timpal᷊ussa wuṛṛu inawal᷊uanna tadea'u i mangitou olaanna lai ringannu matul᷊idda; I Tou mandangngu taumata raho apan mabiakka suadio'a ringannu walahanni ite wuṛṛu nangonggolu anna wuṛṛu laubba si mangitou.

TAHIUL᷊E 10:19

Ne i yamiu lai ṛinone mapal᷊iatta'u darangngunu su manga taumata raho udde, ana waugu dorone lai yamiu taumata raho su Mesir.

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 23:16

I tou wotongnge matana'a suwallatu sambau soanu tumuṛṛuttu apulune, wuṛṛu imbaṛṛangnga i yamiu maṛṛagissa si tou.

TAHIUL᷊E 23:7

Imbaṛṛangnga mangadio'a taumatan Edom ana waugu i mangitou udde tuṛṛangngu. Imbaṛṛangnga lai mangadio'a taumatan Mesir, ana waugu i yamiu buatte natana'a su wanuan mangitou.

TAHIUL᷊E 24:17

Imbaṛṛangnga mangaṛṛo saranapa tatahuanannu taumata raho wuṛṛu ana'a asisitimpal᷊ussa, wuṛṛu imbaṛṛangnga manganu laubbu taumata inawal᷊uanna maola'a wataṛṛu.

TAHIUL᷊E 27:19

‘Niawontohante taumata apan mangngaṛṛo pussa'an taumata raho, ana'a asisintimpal᷊ussa, wuṛṛu wawine wal᷊u.’ ‘Amin!’