SASABANGNGA 20:4 - WUKE SUSI WATTI'U AL᷊AL᷊USASSA

⁴ Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 20:4 Iomraidhean Croise

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 32:1

Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

SASABANGNGA 32:23

I mangitou nabbisara si ya'u, ‘I ite wagga apa apan nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete monganna apan botongnge mamiaṛṛa'i yami.’

SASABANGNGA 32:4

I Harun nanganu ngante-ngante udde, ana see niuno wuṛṛu niwoson tou sulal᷊ummu sambau pasitaane wuṛṛu i tou na'ola'a sambau sapi. Walahanna udde nabbisara, “Ei Israel, eteindi monganni ite apan nanguntuddi ite sinumabbangnga wuassu Mesir!”

SASABANGNGA 32:8

I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

SASABANGNGA 34:17

Imbaṛṛangnga ma'ola'a wuṛṛu massubba manga Mawu wuassu atta'a.

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

YESAYA 45:16

Anambon taumata apan mallanginnu paal᷊uanna sassubbanna; sarun pansilianna wuṛṛu al᷊uandahanna.

YEHEZKIEL 20:7

Ta'u nirolokka i mangitou nandamme manga paal᷊uanna apan ma'arantinna apan ipaapulu mangitou udde, wuṛṛu Ta'u nisingadda i mangitou malluhuda watanganne ringannu massubba manga paal᷊uanna wuassu Mesir, ana waugu ete i Ya'u Mawu Ruata mangitou.

YEHEZKIEL 8:10

I ya'u lai sinumuttate wuṛṛu na'ellega. Manga darandungngu wabbo'a udde nihambarannu al᷊awo'u hatin atoanna wuṛṛu manga winatangnga apan ipappalli waine, see lai al᷊awo'u hambarannu paal᷊uanna apan sassubbannu manga taumatan Israel.

YEHEZKIEL 8:3

I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.

IMAMATTA 19:4

Imbaṛṛangnga massubba monganna. Imbaṛṛangnga ma'ola'a paal᷊uanna wuassu atta'a wuṛṛu massubba si tou. Ete i Ya'u Ruatanu.

IMAMATTA 26:1

Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.

REENGANNA 12:8

Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

WATTI'U MANGA RASUL 17:29

Ne, ana waugu ete i ite udde al᷊aṛṛana'u Ruata, i ite tawe wotongnge massunna manungku Ruata udde naal᷊ihida ere paal᷊uanna apan niola'a wuassu wul᷊awanna ara'e sal᷊a'a ara'e watu apan niola'a tumuṛṛuttu apanden taumata.

ROMA 1:23

Wal᷊inewe Ruata apan uata'a sassubanni mangitou, ewe'e manga paal᷊uanna apan naal᷊ihida riadianna apan wotongnge mate; eteudde taumata, manu'u winalanganna, winatangnga leddane appata wuṛṛu winatangnga apan tuttondon roone.

TAHIUL᷊E 16:22

wuṛṛu imbaṛṛangnga mapararisikku diṛṛi ipassubba monganna, ana waugu Mawu Ruatanu maddantinnu pallal᷊agu udde.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

TAHIUL᷊E 5:8

Imbaṛṛangnga i yamiu ma'ola'a paal᷊uanna apan uasul᷊ungngu saranapa su langitta, su runia ara'e sulal᷊ummu ua'e su winangunanna.

SONDAPPA 16:2

Ne mala'ekatta paarorone inaite wuṛṛu nallal᷊innu lal᷊oṛṛon cawanne su runia. Ne nilumappute manga pinsula apan mahiadda wuṛṛu tumaniten mataddu'a su anambon taumata apan pia tatialam winatangnga udde, wuṛṛu su manga taumata apan massubba paal᷊uanne.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.

MAL᷊AṚṚUUNGNGA 17:3

I Mikha napawelengngu roitta udde su inangnge, ana see inangnge mabbisara, “Atadea'u i'o, ana'u, mal᷊iu wuassu tatal᷊a apan buatte niwisara'u udde, i ya'u mangonggolu sal᷊a'a udde indi su Mawu, ipaatta ipa'ola'a paal᷊uanna alu apan pi'unannu sal᷊a'a. Nariaddi roitta udde iapaapidda apia si'o.”