SASABANGNGA 20:24 - WUKE SUSI WATTI'U AL᷊AL᷊USASSA

²⁴ I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

SASABANGNGA 20:24 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

2 SAMUEL 6:12

I Ratu Daud naaringikka manungku Mawu nangal᷊amatta amonanni Obed-Edom wuṛṛu anambon pussaane ana waugu Wantallu Paaire udde. Ne i tou inaite watukku wal᷊en Obed-Edom, nangal᷊appa Wantalla udde wuṛṛu niingkatta watukku Yerusalem ringannu ramea apan bahewalla.

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

2 MARARATU 5:17

Ana see i Naaman nabbisara, “Amungkangu i Tuanga mangke maddiri manengkamma aonggola wuassia'u, wala'ewe i ya'u mapul᷊e mangapiddu leta'a apan wotongnge iapiddu ana'u keledai sampare. Ana waugu manattakka orassa indi, ya'u sarun mangonggolu sasamba tumba'u su Mawu, wuṛṛu tawe su mawu waine.

2 TAWARIKH 12:13

Rehabeam namarenta su Yerusalem wuṛṛu taṛṛinone mangke wahewalla. Uukki Rehabeam 41 su tonnane sutempo i tou naola'a ratu, wuṛṛu i tou namarenta 17 su tonnane al᷊annune su Yerusalem, soa apan wuassu anambon leta'u Israel nipilem Mawu apan maola'a tampa patataṛṛamawuanna si Tou. Inangngi Rehabeam eteudde Naama wuassu wanua Amon.

2 TAWARIKH 7:16

Sarangkanambone udde sarun Ta'u olaanna ana waugu tampa indi buatte Ta'u nipile wuṛṛu Ta'u niṛṛae maola'a tampa patataṛṛamawuanna si Ya'u saran mal᷊annu-l᷊annu. I Ya'u sarun ma'ellega wuṛṛu mallu'adda su al᷊o'engngu tempo.

EZRA 6:12

Antimanna Ruata apan buatte namile Yerusalem maola'a tampa i Tou sassubbanna, mamate suapan ratu ara'e walahanna apan waṛṛani lumawangnga parenta indi wuṛṛu wuṛṛu mannalu'atta makkimunsa'a Wal᷊en Mawu su Yerusalem udde. I ya'u, Darius, buatte nangonggollu parenta indi. Amata'e parenta udde ringannu mapia.”

NEHEMIA 1:9

Arawe amungkangngu i yami mabbelengnga apia ringan-Nu wuṛṛu tumuṛṛutta manga parenta-Nu, ne i yami apan nassal᷊iawukke udde sarun iammullu Mawu apia, salaiwe i yami uatana'a su manga pentakku runia. See i yami sarun iweleng-Ngu watukku tampa apan buatte nipile-Nu maola'a tampa patataṛṛamawuanna Si'o.

DARALO 101:2

I ya'u maapulu mattanno ola'u wiakka apan tawe sal᷊ane. Tingngerate I'o rumanta ringangku? I ya'u maapulu mabbiakka susi su wal᷊enu,

DARALO 122:2

Orassa indi i yami na'omate su sasuttannu soa Yerusalem.

DARALO 128:5

Antimanna wuassu Sion Mawu mangal᷊amatta. Antimanna i'o maasilo paa'alan Yerusalem su al᷊o'engngu pabbiaṛṛannu!

DARALO 134:3

Antimanna wuassu Sion i yamiu al᷊amatannu Mawu, Nandiaddi langitta wuṛṛu runia!

DARALO 74:7

I mangitou nanoṛṛobba Wal᷊en-Nu na'oman sara nasue; wuṛṛu nandal᷊eo tampa passubbanna Si'o.

DARALO 76:2

Ruata tinumelengnga su Yehuda; aran-Ne niasingkatanna su Israel.

DARALO 78:68

Arawe nipile-Ne eteudde ṛuanganni Yehuda, wuṛṛu Wuiddu Sion apan arangnguan-Ne.

SASABANGNGA 10:25

I Musa sinumimbakka, “Amungkangngu aroddi i Tuangku ṛinone mangonggola si yami winatangnga olaanna sasamba wuṛṛu sasamba itattambunna su Mawu, Ruatan kami.

SASABANGNGA 18:12

Wua'udde i Yitro nangapiddu manga pira sasamba itattambunna wuṛṛu sasamba pappototanna maola'a sambau sasamba su Ruata. I Harun wuṛṛu anambon piaṛa'u walahannu Israel nirumanta wuṛṛu niumanna suadio'a ṛinganni Yitro sulal᷊ummu darantan Duata.

SASABANGNGA 20:25

Amungkangngu i yamiu ma'ola'a si Ya'u sambau mezbah wuassu watu, imbaṛṛangnga olaanna wuassu watu nipaangnga, ana waugu amungkangngu i yamiu mappaattu papaangnga ipama'a watu, mezbah udde tate iapaatta si Ya'u.

SASABANGNGA 24:4

Wua'udde i Musa namoṛṛettu anambon parentan Mawu. Tiṛṛabbine marua'allo, i tou napararisikku sambau mezbah ringannu mapul᷊o dua palene su wawal᷊annu wowone udde; suapan palene uaapiddu arannu mapul᷊o dua ṛuangannu Israel.

SASABANGNGA 24:5

Ana see i Musa nandolokku manga pira umbasanna, wuṛṛu i mangitou nangongolu sasamba itattambunna su Mawu wuṛṛu namototta manga pira sapi maola'a sasamban paddarame.

SASABANGNGA 27:1

“Pa'ola'e sambau mezbah wuassu alu akasia. Saṛṛene uataṛṛawu'u, al᷊o'engnge wuṛṛu al᷊alakke sambau-sambau 2,2 metere wuṛṛu atanggakke 1,3 metere.

YESAYA 64:5

I'o mannal᷊oho taumata apan matul᷊idda, wuṛṛu ingana'a apan mabbiakka tuttuṛṛuta apulu-Nu. I'o massa'u si yami, arawe i yami sidutu ma'ola'a rosa atonna ro'en dorone i yami nassal᷊a.

IMAMATTA 17:9

su Mawu, i tou ṛinone mangonggola su saruannu ngaran Dasanna Mawu. Amungkangngu i tou mangonggolu udde su tampa waine, i tou tate lai mareengnga su al᷊aṛṛana'u Ruata.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MATIUS 18:20

Ana waugu suapa pia darua ara'e sire tallu uaammulla ana waugu i Ya'u, i Ya'u isudde su pattangnganni mangitou.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 12:21

Amungkangngu tampa apan nipilen Mawu Ruatanu tumaniten marau wuassu tampa atatanaannu, i yamiu wotongnge mamate sapi sambau, domba ara'e ambingnga apan nionggolu Mawu si yamiu, wuṛṛu uminassa ṛemessa su tampanu ringannu walate apulun naungngu, ere lai buatte ta'u niwal᷊o si yamiu.

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 26:2

ne hessi paarorone wuassu al᷊awo'u sasuanna apan niammuli yamiu wuassu letangngu ṛinone itaṛṛo su so'anna, wuṛṛu apira'i yamiu watukku tampa apan nipilen Mawu Ruatanu.

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.