SASABANGNGA 20:17 - WUKE SUSI WATTI'U AL᷊AL᷊USASSA

¹⁷ Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

SASABANGNGA 20:17 Iomraidhean Croise

PANDARIADDI 14:23

manungku ya'u tate manganu saranapa wuassu pussaanu, ewe'e lai sambassutta wananna ara'e samponggo'a tal᷊in sandalengnga lai tawe. Ringannu aroddi i'o tawe mapabbisara, ‘Ete i ya'u napaalan i Abram!’

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

PANDARIADDI 34:23

Ne anambon ammul᷊annu winatangngi mangitou wuṛṛu al᷊awo'u darotongngi mangitou mabbal᷊i pussa'ang kite. Nariaddi wette i ite umirete darorongngi mangitou tadea'u i mangitou matana'a su sampunna ringanni ite.”

AYUB 31:1

Ringannu sasalu i ya'u buatte naddiandi maṛṛuala wakku tawe aellehangku ringannu paapulu.

AYUB 31:9

Unnuwisara i ya'u buatte ninumemman awingngu al᷊indongangku, wuṛṛu ringannu ma'imbuni, i ya'u mallinge si tou wuassu samba'an ngara,

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

DARALO 119:36

Onggol᷊ewe i ya'u apulu tumuṛṛutta parenta-Nu, nilumambalanna wuassu apulu mabbal᷊i ala.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

AMSAL 6:29

Udde asasilakane nassul᷊ungngu mattiilla ringannu awingngu taumata waine. Isai apan ma'ola'a inolaanna udde tawe mal᷊iu wuassu ṛuumanna.

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

YESAYA 33:15

I yamiu wotongnge maataṛṛangnga amungkangngu i yamiu mabbisara wuṛṛu inolaannu naṛṛino. Arie paddea'a auntunganna ringannu mannansara taumata asiangnga, wuṛṛu arie panengkamma roitta sasogokka. Arie pallaṛṛenggenna taumata apan manggol᷊agu pamamate wuṛṛu al᷊al᷊eo waine.

YESAYA 57:17

Rosan awawal᷊iu mangitou naasa'u si Ya'u, ana waugu udde i mangitou Ta'u niṛṛuumanna wuṛṛu Ta'u nitantangnga. Arawe i mangitou maattikka puane wuṛṛu sidutu mammile lal᷊anne sassane.

YEREMIA 22:17

Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

YEREMIA 5:8

I mangitou naal᷊ihidda ere awal᷊o esakka apan matawa wuṛṛu apulune mabbawatianna tumaniten bahewalla; sambau-sambau maapulun awingngu hawene.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

HABAKUK 2:9

Niawontohante i'o! I'o napaalan amonannu ringannu auntunganna apan niasombangannu ringannu araṛṛagissa, tadea'u wal᷊enu sassane mal᷊angnganna wuṛṛu maliu wuassu asasusa wuṛṛu asasilaka.

MATIUS 20:15

Anio i ya'u tawe wotongnge ma'ola'a apulu'u su rarotongku? Ara'e i'o mannaungnga lal᷊eo ana waugu i ya'u mandangngu?’ ”

MATIUS 5:28

Arawe tempo indi Ya'u mabbal᷊o si yamiu: Isai-sai ma'ellega sangkatou wawine see ninumemman tou, taumata udde sueten sinumandaga ringannu wawine udde sulal᷊ummu naungnge.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

WATTI'U MANGA RASUL 5:4

Leta'a udde pussaanu, ro'en i'o taambe nabal᷊u'a. Wuṛṛu napawe leta'a udde suete niwal᷊u'a, roinne lai ta'e pussaanu. Nariaddi anio i'o pia pandumma ereudde sulal᷊ummu naungngu ma'ola'a pallal᷊agu udde? Wal᷊ine taumata aawusuannu ewe'e Ruata!”

ROMA 13:9

Ana waugu titan agama Yahudi eteudde: Imbaṛṛangnga sumandaga, imbaṛṛangnga mamate, imbaṛṛangnga manna'o, imbaṛṛangnga numemman sarannapan taumata waine; sarangkanambone udde niammulle ringannu tita waine, suete nisari tumbau naola'a tita sambau eteudde, “Pandangngu sansul᷊ungngu taumata ere lai i'o mandangngu ririnu sassane.”

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

1 KORINTUS 6:10

apan manna'o, apan wal᷊iu, apan taṛṛa wu'anna, apan taṛṛa umbilangngu taumata waine, wuṛṛu taṛṛa l᷊inga taumata waine – anambon taumata ereudde, tawe maola'a al᷊aṛṛana'u Ruata.

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

TAHIUL᷊E 5:21

Imbaṛṛangnga numemma pussa'an taumata waine: wal᷊ene, letangnge, awingnge, manga allangnge, manga winatangnga papadul᷊iananna, keledaine ara'e al᷊awo'u saranapa apan tatahuananne.’

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

YOSUA 7:21

Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

1 SAMUEL 15:19

Anio i Tuangnga tawe naddaringikka parentan Mawu? Anio i Tuangnga suadio'a nanganu saranapa niaṛṛo, wuṛṛu ringannu aroddi i Tuangnga napaasusa naungngu Mawu?”