SASABANGNGA 20:15 - WUKE SUSI WATTI'U AL᷊AL᷊USASSA

¹⁵ Imbaṛṛanganga manna'o.

SASABANGNGA 20:15 Iomraidhean Croise

SASABANGNGA 21:16

Isai apan natal᷊angngu sangkatou taumata, ṛinone iṛṛuumanna pateanna, tanne taumata udde buatte niwal᷊ungnge ara'e ta'e su wal᷊ene.

AMSAL 11:1

Mawu maddantinnu taumata apan mappaattu timbanganna ipallinga arawe i Tou mal᷊uassa ringannu taumata apan mappaattu timbanganna naṛṛino.

IMAMATTA 19:11

Imbaṛṛangnga manna'o, mallinga ara'e mangawusu.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

AMOS 3:10

Mawu nabbisara, “Manga taumata udde nalloṛṛo manga wal᷊en araratuanni mangitou ringannu manga saranapa apan nisombanganni mangitou wuassu pangangalangnga wuṛṛu araṛṛagissa. Ewe'e lai manga inolaanni mangitou tawe matul᷊idda.

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

MATIUS 19:18

“Parenta suapane udde?” aiwal᷊on taumata udde. Mawu Yesus sinumimbakka, “Arie pamate, arie passandaga, arie panna'o, arie pangawusu,

MATIUS 21:13

See i Tou nabbisara manga taumata isudde, “Sulal᷊ummu Wuke Susi uawoṛṛetta manungku Ruata nabbisara, ‘Wal᷊e'u sarun isaggo wal᷊e tampa a'al᷊iomananna.’ Arawe niola'i yamiu wal᷊e udde sal᷊akku taumata lal᷊eo!”

YOHANES 12:6

I Yudas nabbisara aroddi wal᷊ine ana waugu i tou tuttundaallu taumata asiangnga, arawe ana waugu i tou taṛṛa ta'o. I tou masokka manna'o roitti mangitou wuassu pangadoannu roitta apan uaraddo si tou.

ROMA 13:9

Ana waugu titan agama Yahudi eteudde: Imbaṛṛangnga sumandaga, imbaṛṛangnga mamate, imbaṛṛangnga manna'o, imbaṛṛangnga numemman sarannapan taumata waine; sarangkanambone udde niammulle ringannu tita waine, suete nisari tumbau naola'a tita sambau eteudde, “Pandangngu sansul᷊ungngu taumata ere lai i'o mandangngu ririnu sassane.”

1 KORINTUS 6:10

apan manna'o, apan wal᷊iu, apan taṛṛa wu'anna, apan taṛṛa umbilangngu taumata waine, wuṛṛu taṛṛa l᷊inga taumata waine – anambon taumata ereudde, tawe maola'a al᷊aṛṛana'u Ruata.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

TAHIUL᷊E 24:7

Taumata apan nanametta taumata sambalahanne ana see i tou niola'a allangnga ara'e niwal᷊u'a, ṛinone i tou iṛṛuumanna pateanna. Ringanni aroddi yamiu mangnginsue al᷊al᷊eo.

TAHIUL᷊E 5:19

Imbarangnga manna'o.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.