SASABANGNGA 2:3 - WUKE SUSI WATTI'U AL᷊AL᷊USASSA

³ Arawe ana'a udde tawe iawuni mal᷊annu. Ne inangnge nanganu sambau sal᷊angka wuassu nannal᷊on nioosannu pulutta tadea'u tawe asuttannu ua'e. Ana'a udde nitaṛṛo sulal᷊ummu sal᷊angka udde, ana see niapiddi tou watukku pattangngannu nannal᷊on buṛṛassa su winggin sal᷊ukka udde.

SASABANGNGA 2:3 Iomraidhean Croise

PANDARIADDI 11:3

I mangitou uahahattote sangkatou ringannu waine, “Wette i ite ma'ola'a tela wuassu leta'a wuṛṛu lal᷊o'annu ma'oman sara maattikka.” Etearoddi i mangitou uatahuanna manga watu ipa'ola'a wal᷊en wuṛṛu tere'a ipandetta.

PANDARIADDI 14:10

Wawal᷊anne udde napenen pa'al᷊ianna aspalla, wuṛṛu napawe manga ratu wuassu Sodom wuṛṛu Gomora naddea tal᷊angannu watanganne wuassu pangalo, i mangitou nanawo su manga loṛṛangnga udde. Siri tallu ratu waine naasabangnga wuṛṛu tinumal᷊angnga watukku panenteanna.

PANDARIADDI 6:14

I'o pa'ola'e apalla sangngassa wuassu alu apan matohassa; ola'ete wabbo'ane sulal᷊umme, wuṛṛu wuṛṛaite nae lapisete wuassu lal᷊umme wuṛṛu wuassu liudde.

SASABANGNGA 1:22

Ana see ratu nangonggolu parenta indi su tumanangnge, “Suapan ana'a esakku taumatan Ibrani apan wakkute niasungkangnga ṛinone iramme su Sal᷊ukku Nil, arawe anambon anangnge wawine wotongnge iwala wiakka.”

YESAYA 18:2

Wuassu wanua udde nirumantate manga daroloṛṛanna massaalannu pandanna tinumumbe Sal᷊ukku Nil. Ei, manga daroloṛṛanna apan matikko'a, paal᷊ihakka apul᷊ete su wanuanu apan aeleṛṛannu manga sal᷊ukka udde. Apira'e indi sambau tanata hunan walahannu apan matohassa wuṛṛu waṛṛani, manga taumatanu apan matanggakka wuṛṛu pisine al᷊ussa wuṛṛu iaata'utta su ahewallu runia.

YESAYA 19:6

Manga aṛṛitanna sarun mawukku'a hal᷊urune sutempo ua'ene mattite. Wungkal᷊o wuṛṛu nannal᷊o sarun tumolangnga.

YESAYA 35:7

Anne mal᷊oso sarun mabbal᷊i rano, leta'a maṛṛasa mabbal᷊i al᷊imatan kua'e. Tampa apan paarorone wawanuannu asun ahuranganna, sarun tuwoannu pandanna.

MATIUS 2:13

Napawe manga mapapanden anumpitanna udde napul᷊ete, mala'ekattu Mawu naipasilon batangane si Yusuf sulal᷊ummu wal᷊iawa. Mala'ekatta udde nabbisara, “I Herodes pia pandumma madea'a ana'a udde pateanni tou. Ana waugu udde apu'ote, apira'e ana'a udde ringannu inangnge tal᷊anga'e watukku Mesir. Atana'e poiaroddi ma'oman sara i ya'u mabbal᷊o si'o apia.”

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

WATTI'U MANGA RASUL 7:19

Ratu udde mannalangnga walahanni ite ringannu araṛṛagissa su iupungngu al᷊amonang kite. I tou mammata'i mangitou mandammen al᷊aṛṛana'a apan wakkute niasungkangnga tadea'u masusa wuṛṛu mate.