SASABANGNGA 2:14 - WUKE SUSI WATTI'U AL᷊AL᷊USASSA

¹⁴ Taumata udde sinumimbakka, “Isai namile si'o maola'a piaṛṛangnge wuṛṛu mallaṛṛuungngi yami? I'o maapulu lai mamate si ya'u, ere lai taumata Mesir apan nipatenu udde?” Ana see i Musa nata'utta wuṛṛu naṛṛingidda, “Nasilakate! Inolaangku udde niasingkatante.”

SASABANGNGA 2:14 Iomraidhean Croise

PANDARIADDI 13:8

I Abram nabbisara si Lot, “Iaddua indi sangkatuṛṛangnga, dal᷊eo amungkangngu manga taumatanu wuṛṛu manga taumata'u uatatiakka.

PANDARIADDI 19:9

Arawe unnu manga taumatan Sodom udde si Lot, “Passal᷊iu, I'o taumata raho mangatokki yami? Ei, passal᷊iu! Amungkangngu tawe massal᷊iu, i'o sarun puul᷊anni yami ma'ikkatanna wuassu taumata ruan katou udde.” Ana see i mangitou nanuṛṛuddi Lot wuṛṛu nangelekka nanggohakka ngara.

PANDARIADDI 34:27

Napawe pamamate udde nal᷊iudda, manga ana'i Yakub waine nangaṛṛo soa udde maola'a wawal᷊issa ana waugu tuari mangitou buatte nilal᷊eo awawantuge.

AMSAL 19:12

Asasa'un datu ere tingikku singa; apapian datu naal᷊ihidda wal᷊angngukka apan nakkolo al᷊awo'u sinuananna.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

REENGANNA 16:13

Taambe nawusa lai i'o nangapiddi yami sinumabbangnga wuassu leta'u Mesir apan masuwukka udde tadea'u mamate si yami su wadda'a indi? Rinonewe i'o mamarenta si yami lai?

REENGANNA 16:3

I mangitou suadio'a inai sumaruanna si Musa wuṛṛu si Harun ana see nabbisara, “Wotongngete udde, Musa! Taumatan Israel sarangkanambone niṛṛae su Mawu, wuṛṛu Mawu indi su pattangnganni ite sarangkanambone. Arawe anio i'o massunna watangannu mattanggaṛṛanna wuassu Mawu?”

MATIUS 21:23

Wua'udde Mawu Yesus nabelengke su Wal᷊e Mawu see sinumuttate wuṛṛu mangngaṛṛa'e isudde. Su tempo i Tou mangngaṛṛa'a, manga imam tembonanne wuṛṛu manga piaṛṛa'u Yahudi nirumanta ringanni Tou wuṛṛu naiwal᷊o, “Apa pinangiananne na'oman sara I'o ma'ola'a sarangkanambone indi? Isai nangonggolu taṛṛino udde Si'o?”

LUKAS 12:14

Mawu Yesus sinumimbakka, “Tuṛṛangnga, isai namile si ya'u maola'a mallaṛṛuungnga ara'e matatahia darotongnga pussa'a su wallatti raddua?”

LUKAS 19:14

Arawe tumana'u wanuane maddantinni tou. Nariaddi, napawe i tou inaite, i mangitou nandolokku taumata niapawal᷊o, ‘I yami maddirin taumata indi maola'a ratung kami.’

LUKAS 19:27

Wuṛṛu orassa indi apira'e inawarendi manga see'u udde apan maddiri ya'u maola'a ratune. Patete i mangitou su saruangku!’ ”

WATTI'U MANGA RASUL 7:35

I Musa indi Musa apan tawe nia'um balagu Israel wuṛṛu nito'e ringannu wisara indi, ‘Isai suete namile si'o maola'a piaṛṛa'a wuṛṛu mallaṛṛuungngi yami?’ Arawe ete i tou taumata apan nirolokku Ruata maola'a piaṛṛangnge wuṛṛu mananal᷊amatta, ringannu sasumbala mala'ekatta apan nirumanta ringanni tou su anggaṛṛumunanne apan lukkenggamma udde.

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.