SASABANGNGA 2:11 - WUKE SUSI WATTI'U AL᷊AL᷊USASSA

¹¹ Napawe i Musa umbasante, i tou inaite naisasomba manga taumata balahanna sambau. I tou naasilo ereapa i mangitou iwabbata'a mammanara masahadda. I tou naasilo lai sangkatou Mesir namate sangkatou Ibrani.

SASABANGNGA 2:11 Iomraidhean Croise

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 5:14

Manga mandariaga udde nanggesekka manga mandore taumatan Israel apan nirolokka niapariaga mamanara. I mangitou naiwal᷊o, “Anio orassa indi balahannu tate maaola'a tela anambone ere dorone?”

SASABANGNGA 5:4

Unnu ratu si Musa wuṛṛu si Harun, “Anio i yamiu ma'ola'a manga taumata udde mammanara manara mangitou? Doloṛṛa'e manga allangnga udde mammanara!

SASABANGNGA 5:5

Manga taumata udde tumaniten manambo reenganne. Wuṛṛu orassa indi yamiu ma'apulu tadea'u i mangitou mangillol᷊o mammanara!”

SASABANGNGA 5:9

Wata'a'e manga taumata udde mammanara lembon maṛṛimadda, tadea'u i mangitou sidutu mammanara wuṛṛu tawe tempone maddaringikka manga watti'a awusu.”

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga