SASABANGNGA 19:4 - WUKE SUSI WATTI'U AL᷊AL᷊USASSA

⁴ “I yamiu naasilote apa apan buatte Ta'u niola'a su saruannu taumatan Mesir, wuṛṛu ereapa i Ya'u nangapiddi yamiu ringang-Ku su tampa indi ringannu taṛṛino wahewalla, naal᷊ihidda manu'a rajawali nangapiddu anangnge su wowon papaidde.

SASABANGNGA 19:4 Iomraidhean Croise

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

HAGAI 2:5

Sutempo i yamiu sinumabbangnga wuassu Mesir, i Ya'u buatte naddiandi manungku sidutu sarun mallu'adda si yamiu. Wuṛṛu orassa indi lai i Ya'u ta'e ual᷊u'adda si yamiu. Nariaddi i yamiu ariete suminggawangnga.

MALEAKHI 2:10

Wal᷊inewe i ite sarangkanambone uatahuanna Iamangnga apan uasul᷊ungnga? Wal᷊inewe i ite sarangkanambone niola'u Ruata apan uasul᷊ungnga? Amungkangngu aroddi, anio i ite uawawahia paaire wuṛṛu ringannu aroddi namahia paaire apan niola'u Ruata ringannu al᷊amonang kite?

TAHIUL᷊E 1:30

Mawu Ruatanu sarun mamiaṛṛa'i yamiu wuṛṛu mangehetta si yamiu ere lai buatte niapendamanni yamiu sassane su Mesir,

TAHIUL᷊E 1:31

wuṛṛu su wadda'a. I yamiu naasilo ereapa Mawu Ruatanu nangapiddi yamiu ringannu sal᷊amatta su al᷊o'engngu amatanna udde naddatingngu tampa indi, tawe paddaṛṛalanne naal᷊ihidda sangkatou iamangnga uasal᷊uru anangnge.

TAHIUL᷊E 29:1

Indiwe manga wisaran pa'aire wuassu parentan Mawu apan niola'i Musa su walahannu Israel su tempo i mangitou su leta'u Moab. Pa'aire udde maola'a tatimune wuassu pa'aire apan niola'u Mawu si mangitou su Wowon Sinai.

TAHIUL᷊E 29:2

I Musa nandolokku anambon taumatan Israel niapaammula, ana see nabbisara si mangitou, “I yamiu naasilote sassane inolaannu Mawu su saruannu ratun Mesir, manga mammamanarane wuṛṛu ahewallu wanuane.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

YOSUA 23:3

I yamiu nasilote al᷊awo'a apan niola'u Mawu Ruatanu su saruannu anambon walahanna isindi ana waugu i yamiu. Apan nangesakki yamiu, eteudde tumba'u Mawu Ruatanu sassane.

SONDAPPA 12:14

Arawe wawine udde nionggol᷊annu darua papaiddu manu'a rajawali apan mal᷊alakka, tadea'u i tou tumalla'a su tampa atanaanne su wadda'a, suapa i tou sarun paddul᷊iananna tallu tonna annumu wul᷊anna al᷊annune, mal᷊iuda wuassu aenggenu naga udde.