SASABANGNGA 19:20 - WUKE SUSI WATTI'U AL᷊AL᷊USASSA

²⁰ Mawu sinumossoka su puiddu Wowon Sinai, wuṛṛu namago si Musa niaparanta su puiddu wowone udde. Ana see i Musa sinumaate,

SASABANGNGA 19:20 Iomraidhean Croise

1 MARARATU 19:11

“Sabbangke wuassu loṛṛangnga udde,” unnu Mawu si tou, “wuṛṛu darisikke saruanna si Ya'u su puiddu wowone.” Ana see Mawu sinumabbi isudde, niṛṛoroannu anginna apan tinumiuppa ma'ikkatta atonna na'oman sara manga wuidda nawa'a wuṛṛu manga wowone watu napesangnga. Arawe Mawu tawe naipasilo sulal᷊ummu anginna udde. Napawe anginna udde nol᷊ote, nariaddite linukka, arawe sulal᷊ummu linukka udde lai Mawu tawe naipasilo.

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

SASABANGNGA 19:11

Tillorega i mangitou ṛinone nariahite. Su allo udde Ya'u sarun sumossokka su puiddu Wowon Sinai, su tampa taumata sarangkanambone wotongnge maasilo si Ya'u.

SASABANGNGA 19:3

wuṛṛu i Musa sinuma'a wowone udde inai maisasomban Duata. Mawu nabbisara si Musa wuassu wowone udde wuṛṛu nandolokki tou niapaal᷊iata su taumatan Israel, papapulunni Yakub.

SASABANGNGA 24:15

I Musa sinumaate Wowon Sinai, ana see i tou nioopannu winabbawa.

SASABANGNGA 24:18

Ana see i Musa sidutu sussa'a na'oman sara i tou sinumutta sulal᷊ummu winabbawa udde. Appatu pul᷊o su allone appatu pul᷊o su ṛabbine i Musa uatana'a isudde.

SASABANGNGA 34:2

Pandiahite ana waugu tiṛṛabbi marua'allo saate su Wowon Sinai wuṛṛu saruante si Ya'u su puiddu wowone udde.

SASABANGNGA 34:4

Ana see i Musa namaangnga ruan kul᷊appa watu apia, wuṛṛu tiṛṛabbine marua'allo i tou nangapidde sinuma'a su puiddu Wowon Sinai ere buatte niparentan Mawu si tou.

TAHIUL᷊E 33:2

“Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

TAHIUL᷊E 9:9

I ya'u sinuma'a wowone tadea'u manengkamma watun pa'aire apan niola'u Mawu si yamiu. Appatu pul᷊o su allone wuṛṛu appatu pul᷊o su ṛabbine al᷊annune i ya'u uatana'a su puiddu wowone udde ringannu tawe umanna ara'e ma'inumma.