SASABANGNGA 19:10 - WUKE SUSI WATTI'U AL᷊AL᷊USASSA

¹⁰ Orassa indi sombaite manga taumata udde, wuṛṛu doloṛṛa'e i mangitou allo indi wuṛṛu tiṛṛabbi mandiahi watanganne mattaṛṛamawu. I mangitou ṛinone mabbansalla laubbi mangitou.

SASABANGNGA 19:10 Iomraidhean Croise

PANDARIADDI 35:2

Ana see i Yakub nabbisara su amonanne wuṛṛu su anambon taumata apan suadio'a ringanni tou, “I ite inaite wua isindi mabatukku Betel. Isudde i ya'u sarun mapararisikku mezbahu Duata apan buatte nantul᷊ungku su tempon asasusa'u wuṛṛu apan buatte nallu'adda su al᷊o'engngu amatangku. Nariaddi rammea'e paal᷊uannu manga monganna apan sasahipunannu; pa'ola'e lal᷊aghun pamamaresi wadangnga wuṛṛu palluṛṛeten laubba waresi.”

2 SAMUEL 19:24

Ana see lai i Mefiboset pulunni Saul, nirumanta nanal᷊oho ratu. I tou tawe nangukkassa leddane, tawe nangiṛṛi omengnge, wuṛṛu tawe nabbansalla laungnge ro'en i Ratu Daud nanantangngu Yerusalem na'oman sara i tou nabbelengnga ringannu sal᷊amatta.

2 TAWARIKH 29:34

Manga imam apan buatte napasusin batanganne tumba'u matul᷊ungnga anambone ipalluussa anambon winatangnga udde. Ana waugu udde i mangitou nilal᷊imannu manga taumatan Lewi ana waugu taumatan Lewi lembon matuṛṛutta su atorannu mappasusi. I mangitou sidutu nallal᷊ima na'oman sara natipusse reengannu imam apan buatte napasusin batanganne.

2 TAWARIKH 29:5

wuṛṛu i tou nagahattote mangitou poiaroddi. I tou nabbisara, “I yamiu manga taumatan Lewi, ṛinone manantillu watangannu sassane su Mawu, wuṛṛu mapasusin Wal᷊en Mawu, Ruatan al᷊amonanu. Sarangkanambone apan maal᷊al᷊eo wal᷊en udde ṛinone iramme.

AYUB 1:5

Suapan andeangnga muddussa, i Ayub sidutu matimmpu'o maṛṛanggappa wuṛṛu mangonggollu sasamban manga anangnge tadea'u i mangitou ampungannu Mawu. Waugu i Ayub maṛṛingidda, wotongnge mariaddi al᷊aṛṛanangnge udde buatte na'ola'a rosa wuṛṛu mangngadio'a Ruata ringannu tawe nipattatudda.

IMAMATTA 15:5

Isai-sai apan nangindingnga taumata apan asabbangngu nana su tampan atatiil᷊anne, ara'e niuma'ianna su tampa apan buatte niaiananne, ara'e niadduannu taumata udde, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

REENGANNA 11:18

Orassa indi wal᷊oa'e su balahanna udde; ukkasse watangannu hunan tiṛṛabbi yamiu sarun uminassa ṛemessa. Mawu buatte naddaringikka si yamiu lulluai wuṛṛu ma'ial᷊are manungku i yamiu maapulu uminassa ṛemessa, wuṛṛu manungku wiakku mappianne su tempo i yamiu su Mesir. Orassa indi Mawu mangonggolu ṛemessa si yamiu, wuṛṛu i yamiu wotongnge uminassa.

REENGANNA 19:19

I tou ṛinone mamokka su allo atallune wuṛṛu su allo appitune. Su allo appitune udde nasuete lal᷊aghu pangangukkasa taumata apan ma'arantinna udde. Taumata udde ṛinone mabbansalla wuṛṛu mandeno. Manattakka matannalo umattuppa i tou nawaresite.

REENGANNA 31:24

Su allo appitune i yamiu ṛinone mabbansalla laungngu, wakkute udde i yamiu tate maarantinna, wuṛṛu wotongngete sumutta sulal᷊ummu paddasananna.”

REENGANNA 8:21

Manga taumatan Lewi udde na'ola'a lal᷊aghu pamamaresi watanganne wuṛṛu nabbansalla laubbi mangitou, ana see i Harun nanantilli mangitou maola'a sambau sasamba apan niṛṛae su Mawu. I tou lai nallaghu pamamaresi si mangitou.

REENGANNA 8:7

ringannu olangnge indi: saṛṛanite i mangitou ringannu ua'e hunan lal᷊aghun pamamaresi wuṛṛu doloṛṛae i mangitou mangiṛṛi ahewallu watanganne wuṛṛu mabbansalla laubbi mangitou. Ringannu aroddi i mangitou nawaresite.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

YOSUA 3:5

I Yosua nabbisara su ṛuangannu Israel, “Ṛinone i yamiu mapaaukkasu watangannu ana waugu tiṛṛabbi Mawu sarun ma'ola'a al᷊aṛṛindu'a su pattanganni yamiu.”

YOSUA 7:13

Orassa indi darisikke, Yosua! Waresite naungngu taumatan Israel wuṛṛu doloṛṛa'e i mangitou pandiahi tiṛṛabbi, ana waugu i Ya'u Mawu Ruatan Israel sarun mamasingkattu indi si mangitou: ‘Ei manga taumatan Israel! Manga saranapa apan buatte Ta'u niapaatutunga si yamiu, sambageanganna udde ta'e pia si yamiu. Tantal᷊anna i yamiu taambe nandammen manga saranapa udde, i yamiu tawe aaroopa seetta!’

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

1 SAMUEL 16:5

I Samuel sinumimbakka, “Ore, atonna. I ya'u nirumanta mangonggollu sasamba su Mawu. Ne paawaresite watanganni yamiu tadea'u wotongnge maaranta su darohan sasamba udde.” Isai wuṛṛu manga anangnge lai nirolokka niapawaresi watanganne sambau-sambau wuṛṛu niaparanta su daroha udde.