SASABANGNGA 18:23 - WUKE SUSI WATTI'U AL᷊AL᷊USASSA

²³ Amungkangngu i'o ma'ola'a aroddi, wuṛṛu olangnge udde niatokku Ruata si'o, i'o sarun botongnge maaola'a manaranu, wuṛṛu anambon taumata sarun mapul᷊e ringannu naungnga mal᷊uassa ana waugu hatton mangitou niola'a ringannu mapia.”

SASABANGNGA 18:23 Iomraidhean Croise

PANDARIADDI 18:33

Napawe buatte naggahatton Abraham, Mawu inaite, wuṛṛu i Abraham napul᷊ete watukku wal᷊ene.

PANDARIADDI 30:25

Napawe i Rahel buatte nangunsiwen Yusuf, i Yakub nabbisara si Laban, “Wala'awe i ya'u mapul᷊e watukku wanua'u.

2 SAMUEL 18:3

Arawe manga taumata udde sinumimbakka, “Arie Tuangnga. Ana waugu amungkangu yami ṛinone tumal᷊angnga, ara'e salaiwe sambageanganna wuassi yami sarun mate, seetta taambe mal᷊uassa, ana waugu ete i Tuangnga apan raddeaanni mangitou. I Tuangnga naal᷊ihidda mapul᷊o ṛiwu wuassi yami. See lai mappianne i Tuangnga mandolokku sasumbala si yami wuassu lal᷊ummu soa.”

2 SAMUEL 19:39

Wua'udde i Daud wuṛṛu anambon tantarane tinumumbete Sal᷊ukku Yordan. Ana see i Daud nangari'a si Barzilai wuṛṛu itarua nattal᷊ei. Wua'udde i Barzilai napul᷊ete su wal᷊ene.

2 SAMUEL 21:17

Arawe i Abisai ana'i Zeruya nirumanta nangontola si Daud. I tou nando'appa wawalla udde ana see nipate. Wua'udde tantaran Daud sinumal᷊ande tadea'u i Daud tate lai tumantalongnga sulal᷊ummu pangalo. “I Tuangnga udde pangangantimannu Israel, arie ma'oman sara yami awul᷊ianni Tuangnga,” unni mangitou.

SASABANGNGA 16:29

Paanaungete manung-Ku i Ya'u nangonggola si yamiu allo massalo ipangillol᷊o. Ana waugu udde su allo aiannume i Ya'u nangonggolu anna apan uatimu su rua allo. Su allo appitune suapan taumata ṛinone matana'a su wal᷊en, wuṛṛu tawe wotongnge sumabbanga.”

SASABANGNGA 18:18

Ringannu olangnge aroddi i'o mallotakka watangannu sassane, wuṛṛu lai manga taumata udde. Manara udde tumaniten manambo agasannu sangkatou.

SASABANGNGA 18:22

Doloṛṛa'e i mangitou mammanara maola'a mallaṛṛuungngu walahanna indi, sangkatou-sangkatou su wageangnge. Manara indi ṛinone olaanni mangitou ringannu uaatokka. Manga hatto apan asaharanne wotongnge iapiddi mangitou ringannu, arawe pattatatiakka maradio'a wotongnge insuanni mangitou sassane. Olangnge udde ma'aṛṛanna manaranu ana waugu i mangitou niawuatannu manarane.

SASABANGNGA 18:24

I Musa naddaringikka al᷊aṛṛa'i Yitro,

WATTI'U MANGA RASUL 15:2

I Paulus wuṛṛu i Barnabas mangke mannompola addapattu manga taumata udde. Panginsueanne tinantunna tadea'u i Paulus wuṛṛu i Barnabas wuṛṛu manga pira taumata waine wuassu Antiokhia inai watukku Yerusalem suadio'a ringannu manga rasul wuṛṛu manga piaṛṛangnge poiaroddi.

GALATIA 2:2

I ya'u inai watukku Yerusalem ana waugu Ruata buatte napaal᷊iatta'a si ya'u manungku i ya'u ṛinone inai. Wuṛṛu sulal᷊ummu sambau ammul᷊anna apan tumba'u ringannu manga piaṛṛangnge poiaroddi, ya'u mannal᷊a'an Watti'u Al᷊al᷊uassa apan iwabatti'u su manga taumata apan wal᷊ine Yahudi. Ana waugu i ya'u maddiri manara'u dorone, ara'e manara'u tempo indi maola'a tawe mangal᷊ene.

1 SAMUEL 8:22

Mawu sinumimbakka, “Walaite apulun mangitou.” Wua'udde i Samuel nandolokku manga taumatan Israel udde niapapul᷊e su wal᷊ene sambau-sambau.