SASABANGNGA 18:21 - WUKE SUSI WATTI'U AL᷊AL᷊USASSA

²¹ Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

SASABANGNGA 18:21 Iomraidhean Croise

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

PANDARIADDI 47:6

Ola'e wanua Mesir indi naal᷊ihidda wanuanu sassane. Wala'e i mangitou mamanua su wageangngu leta'u Gosyen, leta'a apan apianne su wanua indi. Wuṛṛu doloṛṛa'e taumata apan pia asingkanne mammanara mammadul᷊i winatangnga papadul᷊ianangku.”

2 SAMUEL 18:1

I Daud nangammullu anambon tantarane, ana see i tou nattahia manga ammul᷊anna wuassu saṛṛiwu wuṛṛu wuassu maṛṛasutta su atoune. Wua'udde i tou namile manga piaṛṛa'u tantara iapapiaṛṛa'u manga wageangnge udde.

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

1 MARARATU 18:12

Amungkangngu i ya'u inai wua' isindi, Ghaṛṛaho Mawu asinungka sarun mangapiddu Iamangnga watukku tampa apan awaganangku! Wuṛṛu amungkangngu i ya'u mamasingkatta si Ahab manungku Iamangnga isindi, wua'udde i tou tawe naasomba Iamangnga, i tou sarun mamate si ya'u. Ṛinone Iamangnga masingkatta, i ya'u indi atonna-tonna mattaṛṛamawu su Mawu ro'en addio'a!

1 MARARATU 18:3

Ana waugu udde i Ahab namaggo si Obaja rumanta iapasaruanna. (I Obaja uddewe uapua amonannu wal᷊en araratuanna. I tou sangkatou apan atonna-tonna mattaṛṛamawu su Mawu.

EZRA 7:25

Tuṛṛangnga Ezra, paata'e asingkatta apan buatte nionggollu Ruata su Tuṛṛangnga, wuṛṛu pamilete manga piaṛṛa'a wuṛṛu manga mallaṛṛuungnga tadea'u mamarenta anambon taumata su propinsi Efrat Waṛṛatta apan mabbiakka tumuṛṛuttu Titan Duatan Tuṛṛangnga. Ṛinone Tuṛṛangnga mangaṛṛa'u Tita udde su anambon taumata apan taambe naasingkatta.

NEHEMIA 5:9

Ana see i ya'u nabbisara apia, “Inolaannu udde lal᷊eo! Ṛinone i yamiu mabbiakka ringannu matta'uttu Ruata. Ringannu aroddi seetti ite apan tawe mawune udde tawe onggol᷊anni yamiu tempone mallobossa si ite.

NEHEMIA 7:2

Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

AYUB 29:16

Su taumata asiangnga, i ya'u naola'a iamangnge; su taumata raho, i ya'u naola'a mananambaane.

AYUB 31:13

Napawe allangku sussal᷊iomanna waugu pussa'ane niapala'u, i ya'u naddaringikka si tou wuṛṛu a'olaangku ringannu naungnga matul᷊idda.

DARALO 15:1

Daralon Daud. Mawu, isai wotongnge mangintal᷊a su Rasan-Nu wuṛṛu matana'a su wuiddu Mawu apan susi.

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.

SASABANGNGA 17:9

Unni Musa si Yosua, “Pamilete manga siri pira taumata inai mamangalo taumatan Amalek. Tiṛṛabbi ya'u sarun dumarisikka su puiddu wuidda mangagassa ta'inna apan niapaapiddu Mawu.”

SASABANGNGA 18:25

wuṛṛu namile manga taumata apan pande su wallatu walahannu Israel. I tou nanebo'i mangitou naola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune, wuṛṛu mapul᷊o su atoune.

AMSAL 28:2

Amungkangngu walahanna marosa, piaṛṛangnge ual᷊al᷊ol᷊ossa; amungkangngu piaṛṛangnge pande, walahanna sarun matatana'a wuṛṛu sidutu su lal᷊umanna'a.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

YESAYA 16:5

Wua'udde sangkatou suwallattu papapulunni Daud sarun maola'a ratu, wuṛṛu i tou sarun mamarenta pabbawalage ringannu darangngu wuṛṛu satia. I tou sarun mandisikku atatul᷊idda wuṛṛu mal᷊ihakka mammanara ma'ola'a apapia.)

YESAYA 33:15

I yamiu wotongnge maataṛṛangnga amungkangngu i yamiu mabbisara wuṛṛu inolaannu naṛṛino. Arie paddea'a auntunganna ringannu mannansara taumata asiangnga, wuṛṛu arie panengkamma roitta sasogokka. Arie pallaṛṛenggenna taumata apan manggol᷊agu pamamate wuṛṛu al᷊al᷊eo waine.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YEHEZKIEL 18:8

I tou taambe saran paassa napawallassa ringannu pia bungane. I tou maddiri ma'ola'a al᷊al᷊eo wuṛṛu sulal᷊ummu suapan pattatiakka i tou makkawessa ringannu matul᷊idda.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

ZAKARIA 7:9

“Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.

ZAKARIA 8:16

Eteindi manga parenta apan rinone olaanni yamiu: Amungkangngu mabbisara, pabbisarate ringannu atonna su sansul᷊ungngu. Pangonggollennu pallaṛṛuungnga apan matul᷊idda wuṛṛu mangngapiddu paddarame.

REENGANNA 1:4

Wuassu ṛuanganna sambau, paddorongke sambau piaṛṛa'u ṛuanganna iapasumbala si yamiu.”

REENGANNA 10:4

Arawe amungkangngu tumba'u sambau apan nitiuppa, atappasanna tumba'u manga piaṛṛangnge apan ma'ammula mamal᷊iwutta si'o.

LUKAS 18:2

Mawu Yesus nabbisara, “Su sambau soa pia sangkatou mallaṛṛuungnga apan tawe matta'uttu Ruata, wuṛṛu tawe lai mappandumma sisai-sai.

LUKAS 18:4

Manga pira tempo al᷊annune mallaṛṛuungnga udde maddiri mantul᷊ungngu wawine wal᷊u udde. Arawe panginsueanne mallaṛṛuungnga udde naṛṛingida, ‘Salaiwe ya'u tawe matta'uttu Ruata wuṛṛu tawe mappandumma sisai-sai,

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

WATTI'U MANGA RASUL 6:3

Nariaddi, mappianne manga tuṛṛangnga mamile wuassu wallatti yamiu sire pitu apan pallal᷊agune mapia wuṛṛu pia taṛṛinon Ghaṛṛaho Ruata see lai pande, apan botongnge iapamanarang kami mangatokku hatto indi;

TAHIUL᷊E 22:18

Ne manga timmaddu soa udde ṛinone mamago manga esakka iapapuulla si tou.

1 TIMOTIUS 3:3

arie taumata taṛṛa wu'anna, ara'e taṛṛa wawul᷊o. Ewe'e i tou ṛinone sangkatou masaṛṛionto'a, wuṛṛu mal᷊utu su paddarame. Tawe wotongnge i tou wal᷊iun roitta.

YOSUA 22:14

Suadio'a ringanni Pinehas inai lai siri mapul᷊o piaṛṛa'u walahannu Israel, – sangkatou wuassu sambau ṛuanganna su samba'an waṛṛatu Sal᷊ukku Yordan, sangkatou-sangkatou uddewe tembonannu alahanna su lal᷊ummu amonanni mangitou.

1 SAMUEL 8:12

Sambageanganna nipilene maola'a piaṛṛa'u saṛṛiwu su atoune, wuṛṛu ingana'a waine su lima ṛasutta su atoune. Ratu udde sarun mamata'u manga anangngu mammasolla wawil᷊anne, mangammullu hessin pangitinganna, mallanginnu manga lutangnga wuṛṛu manga aola'u keretan pangalone.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.