SASABANGNGA 18:11 - WUKE SUSI WATTI'U AL᷊AL᷊USASSA

¹¹ Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 18:11 Iomraidhean Croise

1 MARARATU 17:24

Wawine wal᷊u udde sinumimbakka, “Orassa indi ya'u masingkatte Iamangnga uddewe allangngu Ruatta wuṛṛu wisaran Iamangnga udde atonna wuassu Mawu!”

2 MARARATU 5:15

Ana see i tou wuṛṛu anambon mallal᷊aṛenggene nabelengke ringanni Elisa. “Orassa indi ya'u masingkatte,” unni Naaman si Elisa, “manungku su ahewallu runia tumba'u pia sambau Ruata, eteudde Ruata apan sassubbannu taumatan Israel. Ana waugu udde, antimanna i Tuanga manengkamma aonggola wuassia'u.”

1 TAWARIKH 16:25

Ana waugu Mawu mawantuga wuṛṛu lembon raddaloanna; I Tou ṛinone ia'ata'utta nangillembo wuassu al᷊awo'u monganna.

2 TAWARIKH 2:5

I ya'u maapulu tadea'u Wal᷊en Mawu apan sarun ta'u iapararisikka udde maola'a sambau wal᷊en apan mawantuga, ana waugu Ruatan kami mabbantuhanna wuassu al᷊awo'u mawu waine.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

NEHEMIA 9:16

Arawe al᷊amonan kami mawunga wuṛṛu naungnge maattikka; manga parenta-Nu tawe daringiṛṛanni mangitou.

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

DARALO 119:21

I'o nanagu taumata apan mawunga, wuṛṛu namontoga taumata apan sinumewadda wuassu parenta-Nu.

DARALO 135:5

Ana waugu i ya'u masingkatta Mawu wahewalla atonna, i Tou mawantuga nangillembo wuassu al᷊awo'u monganna.

DARALO 31:23

Sulal᷊ummu i ya'u niumal᷊ingu i ya'u massunna Mawu buatte nandamme'u wuassu araratuan-Ne. Arawe i Tou buatte naddaringikka sasal᷊ande'u sutempo i ya'u sinumal᷊ande si Tou.

DARALO 95:3

Ana waugu Mawu uddewe Ruata apan mawantuga, Ratu matohassa apan uataṛṛino su al᷊awo'u monganna.

DARALO 97:9

Ana waugu I'o, oh Mawu, tembonannu ahewallu runia; I'o mawantuga nangillembo wuassu al᷊awo'u monganna.

SASABANGNGA 1:10

Unnu wisara nariaddi pangalo, i mangitou sarun maammulu seetti ite wuṛṛu mamangalo si ite, ana see tumal᷊angnga manantangngua wanua indi. I ite ṛinone madea'a lal᷊anne tadea'u i mangitou tawe atambanna anambone apia.”

SASABANGNGA 1:16

Unnu ratu Mesir, “Su tempo i yamiu mantul᷊ungngu wawinen Ibrani mangunsiwe, paanaunge indi; Amungkangngu ana'a apan niasungkangnga udde esakka, patete i tou! Amungkangngu ana'a apan niasungkangnga udde wawine, wala'e i tou wiakka.”

SASABANGNGA 1:22

Ana see ratu nangonggolu parenta indi su tumanangnge, “Suapan ana'a esakku taumatan Ibrani apan wakkute niasungkangnga ṛinone iramme su Sal᷊ukku Nil, arawe anambon anangnge wawine wotongnge iwala wiakka.”

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

SASABANGNGA 14:18

Ne taumata Mesir sarun maasingkatta manungku ete i Ya'u Mawu.”

SASABANGNGA 14:8

Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

SASABANGNGA 5:7

“Ariete lai mangonggolu laṛṛami su balahanna udde ipa'ola'a tela. Wala'e i mangitou maddea'a sassane.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

REENGANNA 33:4

apan tantal᷊anna mallabbingngu manga ana'i mangitou pahul᷊u apan buatte nipaten Mawu. Ringannu inolaanna udde, Mawu napal᷊iatta'a manungku i Tou mattohasanna wuassu manga mongannu Mesir.

LUKAS 1:51

Ringannu lima-Ne apan matohassa I Tou napaatal᷊ein taumata mawunga, wuṛṛu nanongkakku pandumanni mangitou.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

1 SAMUEL 2:3

Illol᷊oa'e tal᷊imoṛṛongannu apan tawe loṛṛone! Insuete hattonu apan mawunga! Ana waugu Mawu udde Ruata apan lembon masingkatta; apan makkuungngu al᷊awo'u inolaannu taumata.