SASABANGNGA 17:14 - WUKE SUSI WATTI'U AL᷊AL᷊USASSA

¹⁴ Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

SASABANGNGA 17:14 Iomraidhean Croise

2 SAMUEL 1:1

Napawe i Saul natete, i Daud nabelengke wuassu pangalo namaddon taumatan Amalek, ana see natana'e su Ziklag rua allo al᷊annune.

1 TAWARIKH 4:42

Su al᷊ungngu piaṛṛa'u ana'i Yisei, eteudde i Pelaca, Nearya, Refaya wuṛṛu Uziel, 500 taumata waine wuassu ruanganni Simeon nangingkatta watukku Edom su samba'an ra'i.

1 TAWARIKH 4:43

I mangitou namate manga taumatan Amalek lambene, ana see namanuate isudde nanattakka orassa udde.

EZRA 9:14

Nariaddi, ereapa wotongnge i yami tawe maddaringikka manga parenta-Nu lai wuṛṛu maawingngu ringannu manga taumata apan lal᷊eo udde? Amungkangngu i yami ma'ola'a udde, I'o sarun masa'u na'oman sara makkimunsa'a si yami wuṛṛu tawe mamalan saran sangkatou wiakka.

AYUB 18:17

I tou tate tinumelengnga lai sulal᷊umme ara'e su liuddu soa; tate saran sangkatou apan maanaungnga aranne.

AYUB 19:23

Ah, antimanna manga wisaranu iwoṛṛetta, na'oman sara i ya'u sidutu nanaunganna;

DARALO 9:6

I'o buatte nakkuumannu manga walahanna wuṛṛu namate manga taumata lal᷊eo; i mangitou timbul᷊iananna saran mal᷊annu-l᷊annu.

SASABANGNGA 12:14

Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

SASABANGNGA 13:9

Ramea indi maola'a pananaunganna si yamiu naal᷊ihidda tatiala apan niwa'issa si ta'iakka ara'e su pakkannu. Ramea indi mapaanaungnga si yamiu tadea'u sidutu mabbatti'a wuṛṛu mangngurumma manga Tita Mawu, ana waugu Mawu napaasabbangngi yamiu wuassu Mesir ringannu taṛṛino-Ne apan bahewalla.

SASABANGNGA 17:13

Panginsueanne taumatan Amalek niawaddon i Yosua.

SASABANGNGA 24:4

Wua'udde i Musa namoṛṛettu anambon parentan Mawu. Tiṛṛabbine marua'allo, i tou napararisikku sambau mezbah ringannu mapul᷊o dua palene su wawal᷊annu wowone udde; suapan palene uaapiddu arannu mapul᷊o dua ṛuangannu Israel.

SASABANGNGA 32:33

Mawu sinumimbakka, “Tumba'u manga taumata apan buatte na'ola'a rosa su saruang-Ku sarun pappasanna aranne wuassu wuke udde.

SASABANGNGA 34:27

Unnu Mawu si Musa, “Woṛṛeta'e manga wisara udde, ana waugu pinangianannu wisara udde i Ya'u na'ola'a pa'aire si'o wuṛṛu ringannu walahannu Israel.”

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

YEREMIA 30:2

nabbisara si ya'u, “Woṛṛeta'e sulal᷊ummu sambau buke sarangkanambone apan buatte Ta'u niwisara si'o.

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

REENGANNA 24:20

Wua'udde sulal᷊ummu sondappa udde i Bileam naasilo manga taumatan Amalek. Ne i tou nabbisaran papatta indi, “Wuassu al᷊awo'u walahanna su runia, Amalek apan lembon uataṛṛino. Arawe walahanna udde su panginsueanne, sarun mawul᷊i lai saran mal᷊annu-l᷊annu.”

REENGANNA 33:2

Mawu nandolokki Musa niapawoṛṛettu arannu manga tampa apan niotonganni mangitou.

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

YOSUA 4:7

ṛinone i yamiu mamasingkatta si mangitou ua'en Sal᷊ukku Yordan natta'ala su tempo Wantalu Pa'aire Mawu niapidda tinumumbe sal᷊ukka udde. Manga watu sarun sidutu mapaanaungngu walahannu Israel al᷊awo'a apan nariaddi isindi.”

1 SAMUEL 15:18

wuṛṛu lai i Tuangnga nirolokku Mawu iapapate taumatan Amalek apan dal᷊eo udde. I Tuangnga nirolokka iapapangalo si mangitou ma'oman sara i mangitou sarangkanambone masue.

1 SAMUEL 30:1

Rua allo nal᷊iudda, i Daud wuṛṛu tantarane nabelengke watukku soan Ziklag. Napawe na'omate poiaroddi, i mangitou naaratingnga manungku taumatan Amalek buatte namangalo wageangngu leta'a su samba'an timukku wanuan Yehuda wuṛṛu namangalo Ziklag. I mangitou tawe namate saran sangkatou. Arawe soa udde nasue nisoṛṛobbi mangitou wuṛṛu nanassukku amatanni mangitou ringannu uaapiddu manga wawine, al᷊aṛṛana'a wuṛṛu manga tumanangnge waine. I mangitou lai nangapiddu amonanni Daud wuṛṛu amonannu tantarane, nasutta lai ruan katou awingngi Daud, i Ahinoam wuṛṛu i Abigail. I Daud wuṛṛu tantarane mangke nasusa, na'oman sara i mangitou lulluaite tawe illol᷊one na'oman sara nallome.

1 SAMUEL 30:17

Sutempo matannallo sumabbangke tiṛṛabbine, i mangitou nipangaloanni Daud, ne i mangitou napapangalote na'oman sara ṛabbite. Nal᷊iudda wuassu appattu ṛasutta su atoune umbasanna apan tinumal᷊angnga ringannu uasa'e unta, tawe saran sangkatou wuassu seetta apan naatal᷊angnga.