SASABANGNGA 17:12 - WUKE SUSI WATTI'U AL᷊AL᷊USASSA

¹² Napawe i Musa nal᷊otakke, i Harun wuṛṛu i Hur nanganu sambau watu tadea'u i Musa wotongnge uma'ianna; i Harun wuṛṛu i Hur uarisikka su samba'a aiṛṛi wuṛṛu aikkatanni Musa uatumpulla limane tadea'u sidutu uawatte maddatingngu matannallo umattuppa.

SASABANGNGA 17:12 Iomraidhean Croise

DARALO 35:3

Wattea'e sambeangnga wuṛṛu wangkao-Nu ipando'appa taumata apan mangngenggena si ya'u. Wal᷊oa'e si ya'u manungku I'o mananal᷊ama'u.

SASABANGNGA 17:11

Su al᷊annune i Musa uawatten limane, taumatan Israel naauntunga. Arawe napawe ta'iakki Musa maado wowa, ete taumatan Amalek apan maauntunga.

SASABANGNGA 17:13

Panginsueanne taumatan Amalek niawaddon i Yosua.

SASABANGNGA 24:14

I Musa buatte nannanata manga piaṛṛa'u Israel, “Paṛṛaddote su rasanna indi ma'oman sara yami mabelengnga. I Harun wuṛṛu i Hur indi suadio'a ringanni yamiu. Isai apan pia hatto, wotongnge sumaruanna sitarua tadea'u hatto udde maatokka.”

YESAYA 35:3

Tohassawe ta'iakka apan lome, uattawe wu'u apan huggolle.

2 KORINTUS 1:11

I yami mangngimanna manungku ringannu manga aal᷊iomannu hunan kami, Ruata sarun manal᷊amatta si yami lai wuassu papate. Ruata mangonggolu al᷊amatta si yami maola'a sambau sasimbakku anambon aal᷊iomanni yamiu si yami wuṛṛu ana waugu udde, manambo taumata maadiangkamanna su Ruata.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

FILIPI 1:19

ana waugu i ya'u masingkata manungku ringannu manga aal᷊iomannu udde wuṛṛu ringannu sasumbala Ghaṛṛahon Yesus Kristus, i ya'u sarun ipallosa.

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

1 TESALONIKA 5:25

Al᷊iomana'a i yami, manga tuṛṛangnga!

IBRANI 12:12

Ana waugu udde, tohasse limanu apan lome wuṛṛu wuunu apan mangngindo udde!

YAKOBUS 1:6

Arawe taumata apan maddoronga, ṛinone mangngimanna: i tou tawe wotongnge mapapadua. Ana waugu taumata uapapadua udde ere wallade su tahal᷊oangnga apan tattiupannu anginna uawal᷊elenganna.