SASABANGNGA 16:8 - WUKE SUSI WATTI'U AL᷊AL᷊USASSA

⁸ Mawu sarun mangonggolu ṛemessa si yamiu su tempo wawallo, wuṛṛu roti su tempo marua'allo ma'oman sara i yamiu mal᷊aidda, ana waugu Mawu buatte naaringikke si yamiu massa'u si Tou. Amungkangngu i yamiu massa'u si yami, i yamiu ere massa'u Mawu.”

SASABANGNGA 16:8 Iomraidhean Croise

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

SASABANGNGA 16:9

Wua'udde i Musa nabbisara si Harun, “Doloṛṛa'a i mangitou sarangkanambone sumaruanna Mawu, ana waugu i Tou naaringikke sasungkutti mangitou.”

SASABANGNGA 17:2

Ana see i mangitou sussawutulle si Musa wuṛṛu nabbisara, “Yami onggol᷊ewen ua'e pa'inumanna.” I Musa sinumimbakka, “Anio i yamiu sussawutulla wuṛṛu mannal᷊u'atta Mawu?”

YESAYA 32:6

Taumata woddo mappasabbangngu manga wisara apan woddo wuṛṛu manggol᷊agu al᷊al᷊eo. Sarangkanambone apan olaanna ara'e iwisarane maola'a aal᷊uandaga su saruannu Ruata. Tawe saran pa'assa i tou nangonggollu anna su taumata mal᷊unussa ara'e napa'inummu taumata marou.

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

REENGANNA 11:18

Orassa indi wal᷊oa'e su balahanna udde; ukkasse watangannu hunan tiṛṛabbi yamiu sarun uminassa ṛemessa. Mawu buatte naddaringikka si yamiu lulluai wuṛṛu ma'ial᷊are manungku i yamiu maapulu uminassa ṛemessa, wuṛṛu manungku wiakku mappianne su tempo i yamiu su Mesir. Orassa indi Mawu mangonggolu ṛemessa si yamiu, wuṛṛu i yamiu wotongnge uminassa.

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

REENGANNA 21:7

Ana see walahanna udde nirumantate sinumaruanna si Musa wuṛṛu nabbisara, “Yami buatte na'ola'a rosa ana waugu sussamboṛṛe su Mawu wuṛṛu si'o. Al᷊iomante su Mawu tadea'u manga atoanna iapaarau wuassi yami.” Ne i Musa niumal᷊iomannu walahanna udde.

MATIUS 10:40

“Taumata apan manarimmatti yamiu, manarimmatta si Ya'u lai. Wuṛṛu taumata manarimmatta si Ya'u, manarimmatta si Tou lai apan suete nandolo-U.

MATIUS 9:4

Mawu Yesus masingkattu ṛingiṛṛanni mangitou, ne i Tou nabbisarate, “Anio ṛingiṛṛannu aral᷊eone aroddi?

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

YOHANES 13:20

Mangke atonna wisara-U indi: Isai manarimmattu taumata Ta'u nirolokka, mannarimma-U lai. Wuṛṛu isai mannarimma-U, i tou lai manarimmatti Tou apan nandolo-U.”

ROMA 13:2

Ana waugu udde taumata apan mannompol᷊la tembonanne udde, nassul᷊ungngu lai mannompol᷊la apa apan suete tinantunnu Ruata. Wuṛṛu taumata apan ma'ola'a aroddi sarun iṛṛuumanna.

1 KORINTUS 10:10

I ite tawe wotongnge lai sumungkuta, ere buatte niola'u sangkawageanganna wuassi mangitou rorone, na'oman sara i mangitou nipaten Mala'ekattu Papate.

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

1 SAMUEL 8:7

wuṛṛu Mawu nabbisara, “Utungete anambon darorongngu walahannu udde si'o. Ana waugu wal᷊ine i'o apan ipaaddiri mangitou, ewe'e i Ya'u. I mangitou maddirite i Ya'u maola'a ratun mangitou.