SASABANGNGA 16:4 - WUKE SUSI WATTI'U AL᷊AL᷊USASSA

⁴ Unnu Mawu si Musa, “Orassa indi Ya'u manossokku anna apan manambo naal᷊ihidda uranna si yamiu sarangkanambone. Miallo-miallo i yamiu ṛinone mangammulu anna udde tumba'u ipaatta allo massallo. Ringannu olangnge udde i Ya'u ma'annammu walahang-Ku tadea'u i Ya'u masingkatta tanne i mangitou matuṛṛutta manga parenta-U ara'e tawe.

SASABANGNGA 16:4 Iomraidhean Croise

NEHEMIA 11:23

Hilirannu suapan wawosoanna ipallu'adda musikka su Wal᷊en Mawu miallo-miallo nitantunna tumuṛṛuttu atorannu ratu.

NEHEMIA 9:15

Sutempo i mangitou mal᷊unussa wuṛṛu niasueannu anna, roti wuassu langitta I'o nanossokka. Wuṛṛu wuassu watu napene, matohassa wuṛṛu maattikka ua'e aul᷊e rou niapa'elek-Ku ringannu masassagga I'o nandolokki mangitou mamanua su leta'a apan nipa'ire-Nu si tou ringannu sasalu.

NEHEMIA 9:20

Ringannu taṛṛino-Nu apan mapia I'o mangngaṛṛa'a si mangitou. I mangitou u'anna manna wuṛṛu ma'inumma ua'e apan natimu.

DARALO 105:40

I mangitou naddorongnga, ana see niaparanta-Ne manu'a puyuh, i mangitou nionggol᷊an-Ne roti wuassu surga na'oman sara nal᷊aidda.

DARALO 78:23

Salaiwe aroddi i Tou namarenta langitta mamu'essa manga ngarane.

SASABANGNGA 15:25

I Musa niumal᷊iomanna ringannu atonna-tonna su Mawu, ana see Mawu namantingidda si tou alu sampaddi. Alu udde nituntungngi Musa sulal᷊ummu ua'e, ana see ua'e udde nabbal᷊i maammi, na'oman sara wotongngete ia'inumma. Su tampa udde Mawu nangonggolu manga atoranna si mangitou, wuṛṛu isudde lai i Tou namono'a si mangitou.

SASABANGNGA 16:15

Napawe taumatan Israel naasilo, i mangitou wagga tanne apa udde. Ne i mangitou uaaiwal᷊ote sangkatou ringannu waine, “Apa udde?” Ana see i Musa nabbisara si mangitou, “Eteudde anna apan nionggolu Mawu si yamiu.

AMSAL 30:8

Arie ma'oman sara i ya'u mabbisaran manga wisara lal᷊inga wuṛṛu wahia, wuṛṛu arie pabbala'a asiangnga ara'e ala. Onggol᷊aawe si ya'u tumba'u apa apan haggausangku.

MATIUS 6:11

Onggol᷊a'awe si yami su allo indi pabbawiakka apan ipaapulung kami.

LUKAS 11:3

Onggol᷊a'a su miallo-miallo anna apan haggausanni yami,

1 KORINTUS 10:3

I mangitou sarangkanambone u'anna annu ghaṛṛahon pangangimanna apan uasul᷊ungnga,

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”