SASABANGNGA 16:25 - WUKE SUSI WATTI'U AL᷊AL᷊USASSA

²⁵ I Musa nabbisara, “Indite annu allo indi, ana waugu allo indi allon Sabat, allo pangillol᷊oanna ipangaddata Mawu, wuṛṛu i yamiu tawe maasomba anna udde saran kadio'a suliuddu paddasananna.

SASABANGNGA 16:25 Iomraidhean Croise

NEHEMIA 9:14

Allon Sabat apan na'ukkassa ṛinone ilaghu mangitou, wuṛṛu wuassi Musa Tita-Nu I'o nangonggolla.

SASABANGNGA 16:23

Unni Musa si mangitou, “Indiwe parenta Mawu; Tiṛṛabbi eteudde allo apan niṛṛae pangillol᷊oanna, allon Sabat, allo apan ionggolla su Mawu. Sarangkanambone apan itambunni yamiu allo indi, tambuna'e, wuṛṛu apa apan lahanni yamiu, lahate. Apan nilumebbe wuassu hagausanni yamiu allo indi, ṛaea'e wuṛṛu sahipunte ipaatta tiṛabbi.”

SASABANGNGA 16:24

Nariaddi wiakka apan nilumebbe udde niaddon mangitou tiṛabbine ere buatte nirolokki Musa; anna udde tawe nal᷊assima wuṛṛu tawe niul᷊iranna.

SASABANGNGA 16:26

Annumu allo al᷊annune i yamiu ṛinone mangammulu anna, arawe allo appitune eteudde allo pangillol᷊oanna, wuṛṛu tawe anna umonto'a su allo udde.”

SASABANGNGA 16:29

Paanaungete manung-Ku i Ya'u nangonggola si yamiu allo massalo ipangillol᷊o. Ana waugu udde su allo aiannume i Ya'u nangonggolu anna apan uatimu su rua allo. Su allo appitune suapan taumata ṛinone matana'a su wal᷊en, wuṛṛu tawe wotongnge sumabbanga.”