SASABANGNGA 16:15 - WUKE SUSI WATTI'U AL᷊AL᷊USASSA

¹⁵ Napawe taumatan Israel naasilo, i mangitou wagga tanne apa udde. Ne i mangitou uaaiwal᷊ote sangkatou ringannu waine, “Apa udde?” Ana see i Musa nabbisara si mangitou, “Eteudde anna apan nionggolu Mawu si yamiu.

SASABANGNGA 16:15 Iomraidhean Croise

NEHEMIA 9:15

Sutempo i mangitou mal᷊unussa wuṛṛu niasueannu anna, roti wuassu langitta I'o nanossokka. Wuṛṛu wuassu watu napene, matohassa wuṛṛu maattikka ua'e aul᷊e rou niapa'elek-Ku ringannu masassagga I'o nandolokki mangitou mamanua su leta'a apan nipa'ire-Nu si tou ringannu sasalu.

NEHEMIA 9:20

Ringannu taṛṛino-Nu apan mapia I'o mangngaṛṛa'a si mangitou. I mangitou u'anna manna wuṛṛu ma'inumma ua'e apan natimu.

DARALO 105:40

I mangitou naddorongnga, ana see niaparanta-Ne manu'a puyuh, i mangitou nionggol᷊an-Ne roti wuassu surga na'oman sara nal᷊aidda.

DARALO 78:24

I Tou nanossokku ganduma wuassu surga, manna maola'a wiakki mangitou.

SASABANGNGA 16:31

Anna udde nisaggon taumatan Israel manna. Lihidde naal᷊ihidda watu maradio'a mawira wuṛṛu temangnge naal᷊ihidda kukisse niola'a nappaattu pul᷊a.

SASABANGNGA 16:33

I Musa nabbisara si Harun, “Panganute sambau urinna, taṛṛoa'e darua su literene manna sulal᷊umme wuṛṛu addoa'e su saruannu Mawu tadea'u sahipunanna su papapulunni ite.”

SASABANGNGA 16:4

Unnu Mawu si Musa, “Orassa indi Ya'u manossokku anna apan manambo naal᷊ihidda uranna si yamiu sarangkanambone. Miallo-miallo i yamiu ṛinone mangammulu anna udde tumba'u ipaatta allo massallo. Ringannu olangnge udde i Ya'u ma'annammu walahang-Ku tadea'u i Ya'u masingkatta tanne i mangitou matuṛṛutta manga parenta-U ara'e tawe.

AMSAL 9:5

“Wette umante ringangku wuṛṛu pattemate anggore apan ta'u niola'a.

REENGANNA 21:5

wuṛṛu sussamboṛṛete su Ruata wuṛṛu si Musa. I mangitou nabbisara, “Anio I'o nangapiddi yami sinumabbangnga wuassu Mesir? Apa tadea'u mamate si yami su wadda'a indi? Isindi tawe anna, wuṛṛu ua'e lai tawe. Yami nuallen anna apan mal᷊esabba indi!”

LUKAS 12:30

Sarangkanambone udde raddeaannu taumata apan waggan Ruata. Arawe Iamangngu masingkatta manungku i yamiu mappandumma sarangkanambone udde.

YOHANES 6:49

Iupungngu al᷊amonanu u'anna manna su wadda'a wuṛṛu i mangitou nate lai.

YOHANES 6:58

Ete indi roti apan niumonto'a wuassu surga: wal᷊ine ere roti apan niannu iupungngu al᷊amonanu. Ana waugu napawe niumanna roti udde, i mangitou nate lai. Arawe taumata apan umanna roti indi sarun mabbiakka sarangkal᷊o'engnge.”

1 KORINTUS 10:3

I mangitou sarangkanambone u'anna annu ghaṛṛahon pangangimanna apan uasul᷊ungnga,

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

YOSUA 5:12

Su allo udde lai manna tate manawo wuassu langitta, wuṛṛu taumatan Israel naddote umanna manna. Nanattaka orassa udde i mangitou u'ante hessin leta'u Kanaan.

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”