SASABANGNGA 15:2 - WUKE SUSI WATTI'U AL᷊AL᷊USASSA

² Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

SASABANGNGA 15:2 Iomraidhean Croise

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

2 SAMUEL 22:3

Mawu naal᷊ihidda tanda'a watu apan matohassa. Tampa pasasirungangku. Naal᷊ihidda allungnga i Tou uataappa si ya'u, wuṛṛu ual᷊u'adda tadea'u i ya'u sidutu mal᷊angnganna.

2 SAMUEL 22:47

Mawu udde wiakka! Daralo su mananahe'u! Pamantuge ahahewallu Ruata, mananal᷊ama'u!

2 SAMUEL 22:51

Ruata nangonggollu auntunganna apan bahewalla su ratu apan nitene-Ge, I Tou sidutu marangngu taumata apan nipile-Ne, eteudde i Daud wuṛṛu papapulunne saran mal᷊annu-l᷊annu.

2 SAMUEL 7:24

Walahannu Israel buatte niolang-Ngu al᷊aṛṛanang-Ngu sassane saran mal᷊annu-l᷊annu, wuṛṛu I'o oh Mawu, naola'a Ruatan mangitou.

2 SAMUEL 7:5

“Roote wuṛṛu wal᷊oa'a si Daud allang-Ku tanata-U indi, ‘I'o tawe suṛṛinone ma'ola'a wal᷊e-U.

1 MARARATU 8:13

Orassa indi ta'u niwangunna Si'o wal᷊en apan maṛṛansangnga, maola'a tampa atatanan-Nu saran mal᷊annu-l᷊annu.”

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

1 TAWARIKH 16:14

Mawu uddewe Ruatan kite, tita-Ne ipappaatta su ahewallu runia.

DARALO 109:1

Su piaṛṛa'u mangangantari. Daralon Daud. Oh Ruata apan sidutu raddaloanna, ariewe mangintammuda.

DARALO 118:14

Mawu uddewe atatoha'u wuṛṛu raddaloangku, i Tou buatte nanal᷊amatta si ya'u.

DARALO 118:21

I ya'u maddalo Si'o, ana waugu I'o naddaringikka aal᷊iomangku; I'o buatte nangonggolu auntunganna si ya'u.

DARALO 118:28

I'o Ruata'u, i ya'u maadiangkamanna Si'o, Ruata'u, i ya'u mamantuga Si'o.

DARALO 132:5

tantal᷊anna i ya'u taambe napararisikku wal᷊en Ruatan Yakub, tampa tatanaannu Mawu Apan Lembon matohassa.”

DARALO 140:7

Oh Mawu, i ya'u mabbisara: Ete I'o Ruata'u, daringiṛṛewe aal᷊iomannu sasal᷊ande'u.

DARALO 145:1

Daralon Daud. I ya'u mamantuga Si'o, oh Ruata'u wuṛṛu Ratu'u, wuṛṛu maddalo Si'o sangkal᷊o'engnge.

DARALO 18:46

Awawaṛṛanin mangitou nawul᷊ite; i mangitou mangngiladda wuṛṛu sinumabbanga wuassu tanda'a watun mangitou.

DARALO 22:10

Ete I'o apan napasabbangku wuassu illoṛṛo, wuṛṛu na'ola'a si ya'u mal᷊angnganna su ṛiwan inangku.

DARALO 22:3

Oh Ruata'u, i ya'u sussal᷊ande Si'o sutempo allo, arawe I'o sidutu mal᷊annaba. I ya'u u'al᷊iomanna sutempo ṛabbi, naungku tawe lai matammuda.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

DARALO 28:8

Mawu nangonggolu atatohassa su al᷊aṛanang-Nge, I Tou nanamba'a wuṛṛu nanal᷊amatta ratu nipile-Ne.

DARALO 30:1

Daralon Daud. Aantari ipassa'e Wal᷊en Duata.

DARALO 34:3

I ya'u ṛinone lumuassa ana waugu inolaannu Mawu; antimanna taumata massusa maaringikka udde wuṛṛu lumuassa.

DARALO 48:14

Panutukke darandungnge, parikisete tanda'a watune, tadea'u i yamiu wotongnge mabbatti'a su papapulunnu:

DARALO 59:17

Arawe i ya'u mangngantari su ola'u atatohassu Mawu; suapan marua allo i ya'u mangngantari ringannu ma'ikkata su ola'u darangngu wuṛṛu paddul᷊i-Nu. Ana waugu ete I'o tampa tatal᷊angangku, tampa i ya'u mattillumma sutempon asasusa.

DARALO 68:20

Paddalote Mawu, ana waugu ete i Tou Ruata apan nanal᷊amatta si ite; wuassu allo maddatingu allo i Tou uapasanna winabbawan kite.

DARALO 99:5

Wantuhete Mawu Ruatan kite, passubbate su saruannu araratuan-Ne. Na'ukkasse i Tou!

DARALO 99:9

Pangaddate Mawu Ruatan kite, wuṛṛu passubbate si Tou su wuiddu Mawu apan susi, ana waugu na'ukkasse Mawu Ruatan kite.

SASABANGNGA 14:13

I Musa sinumimbakka, “Arie pa'ata'utta! Paataṛṛange! I yamiu sarun maasilo apa inolaannu Mawu ipanal᷊amatta si yamiu. Taumata Mesir apan niasiloanni yamiu orassa indi, tate asiloanni yamiu apia.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

SASABANGNGA 4:22

Ana see wal᷊oa'e su ratu udde manungku i Ya'u, Mawu, nananata arendi; ‘Israel uddewe ana'U pahul᷊une,

SASABANGNGA 40:34

Wua'udde niumonto'e winabbawa nangooppa Rasannu Mawu, wuṛṛu Rasanna udde napenen semakku darantan Mawu.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEREMIA 3:23

Mangke suadio'a i yami mangngelekka massubba paal᷊uanna su manga puiddu wowone! Aontolla su Israel tumba'u darantane wuassu Mawu Ruatang kami.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

HABAKUK 3:13

I'o inaite niumamatta tadea'u mamallossu uman-Nu wuṛṛu tadea'u manal᷊amatta ratu apan nipile-Nu. I'o namuulla na'oman sara nanawo piaṛṛa'u taumata lal᷊eo I'o nanginsue anambon mallal᷊aṛṛenggene.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

LUKAS 1:77

see mamasingkatta su pabbawala-Ge manungku i mangitou sarun masal᷊amatta, amungkangngu Ruata suete nangampungnga manga rosa i mangitou.

LUKAS 2:30

Ana waugu ringannu mata'u sassane, i ya'u suete naasilo Punnu Sal᷊amatta wuassu Ruata.

YOHANES 4:22

I yamiu taumatan Samaria massubba apa apan awagananni yamiu, arawe i yami taumatan Yahudi massubba si Tou apan asingkatanni yami, waugu asasal᷊amatta darantane wuassu taumatan Yahudi.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

WATTI'U MANGA RASUL 4:12

Tumba'u sulal᷊ummu Mawu Yesus sassane taumata masal᷊amatta. Ana waugu su ahewallu runia indi su wallattu taumata tawe saran sangkatou taumata waine maasomba taṛṛino wuassu Ruata ipanal᷊amatta si ite.”

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

EFESUS 2:22

Ana waugu mabbiakka uaaukka ringanni Kristus, i yamiu lai tantal᷊anna iapararisikka su sambau ringannu manga taumata waine maola'a sambau Wal᷊en Duata; isudde Ruata uatana'a ringannu Ghaṛṛaho-Ne.

TAHIUL᷊E 10:21

Paddalote si Tou, ana waugu i Tou Mawu Ruatanu. Ringannu mata wuṛṛu puanu sassane i yamiu naasilote manga inolaanna apan bahewalla wuṛṛu ma'ata'utta apan niola'i Tou si yamiu.

FILIPI 2:11

I mangitou sarangkanambone sarun manga'u manungku ete Yesus Kristus udde Mawu; ringannu aroddi Ruata Iamangnga wantuhanna.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

KOLOSE 2:9

Ana waugu ahewallu paa'apulun Duata uatana'a sulal᷊ummi Kristus, eteudde su ola'u taumatane.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 19:1

Napawe wua'udde i ya'u naaringikka sambau naal᷊ihidda tingikku taumata nambo wuassu surga apan u'ui, “Paddalote Ruata! Ruatang kite eteudde Ruata apan mannal᷊amatta; i Tou Ruata awantuhanne wuṛṛu mataṛṛino!

MAL᷊AṚṚUUNGNGA 5:21

Sal᷊ukku Kison nammanawanga nangelekku ro'appa. Inai, inaite ringannu matohassa, ei niawa'u!