SASABANGNGA 15:16 - WUKE SUSI WATTI'U AL᷊AL᷊USASSA

¹⁶ I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

SASABANGNGA 15:16 Iomraidhean Croise

PANDARIADDI 35:5

Su tempo i Yakub wuṛṛu ammul᷊annu amonanne inaite, Ruata nandantan atata'utta su tumana'u manga soa maranine, na'oman sara i mangitou tawe nangenggenna si Yakub wuṛṛu ammul᷊annu amonanne.

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

DARALO 105:38

Taumatan Mesir niaṛṛiaannu atata'utta wuṛṛu asasinggawanga, nariaddi i mangitou mal᷊uassa napawe taumatan Israel napul᷊ete.

DARALO 74:2

Naungewe al᷊aṛanang-Ngu apan nipile-Nu ro'en dorone, walahanna apan nipallossu Mawu tadea'u maola'a pussa'a-Nu. Naungewe Wuiddu Sion, apan niolang-Ngu tampa atatanaan-Nu.

DARALO 89:14

Aroddi ahewalle taṛṛino-Nu, wuṛṛu aroddi ahewalle atatohan-Nu!

SASABANGNGA 11:7

Arawe su pattangngannu Israel, mawae ete taumata aroddi lai winatangnga taweddu manalawa'a. Ne i yamiu sarun maasingkatta manungku i Ya'u, Mawu, na'ola'a uapapaṛṛala su taumata Mesir wuṛṛu taumatan Israel.’ ”

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

SASABANGNGA 15:5

I mangitou niallupu tahal᷊oangnga apan mal᷊al᷊umma, wuṛṛu naal᷊ihidda watu niwontolla su wantane.

SASABANGNGA 15:6

Atatohan-Nu mangke ma'atiangnga, oh Mawu, I'o na'ola,a seetta nasue-sue.

SASABANGNGA 18:8

I Musa nabbatti'a su la'iananne sarangkanambone apan niola'u Mawu su saruannu ratu wuṛṛu walahannu Mesir tadea'u ipanal᷊amatta taumatan Israel. I tou lai nabbatti'a su la'iananne su ola'u manga asasusa apan sasaruanannu walahannu Israel su tangngan amatanna, wuṛṛu ereapa Mawu nanal᷊amatta si mangitou.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 23:20

“I Ya'u sarun mandolokku mala'eka-U malliu ṛoro si yamiu iapal᷊u'adda si yamiu sulal᷊ummu amatanna wuṛṛu mangapiddi yamiu watukku tampa apan buatte nisaddia-U.

SASABANGNGA 23:22

Amungkangngu i yamiu matuṛṛutta si tou wuṛṛu ma'ola'a sarangkanambone apan Ta'u nirolokka, I Ya'u sarun mapapangalo mandoappa anambon seennu.

SASABANGNGA 23:27

Manga walahanna apan rantanni yamiu sarun Ta'u olaanna matta'utta su saruang-Ku; i mangitou sarun Ta'u olaanna maal᷊iba'ukka; seennu sarangkanambone sarun mabelengnga wuṛṛu tumal᷊angnga.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YEREMIA 31:11

Umattu Israel buatte Ta'u niapasal᷊amatta, wuṛṛu Ta'u nipallossa wuassu taṛṛinon balahanna apan matohassa.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

TAHIUL᷊E 11:25

Su ahewallu wanua udde Mawu Ruatanu sarun ma'ola'a tadea'u manga taumata udde matta'utta su saruannu ere buatte nipa'ire-Ne, na'oman sara tawe saran sangkatou apan botongnge manal᷊are si yamiu.

TAHIUL᷊E 2:25

Manattakka allo udde i Ya'u sarun ma'ola'a si yamiu ia'ata'uttu manga walahanna su al᷊awo'u tampa. Suapan taumata sarun mangiladdu atata'utta napawe maaringikka su ola'i yamiu.’ ”

TAHIUL᷊E 2:4

Wua'udde i ya'u nirolokku Mawu niapaonggolu manga tatantiro indi si yamiu, ‘Tate mal᷊annu lai yamiu sumuttate su wanua Edom, wageangngu leta'u manga tuṛṛangngu, papapulunni Esau. I mangitou sarun mata'utti yamiu,

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

YOSUA 2:9

wuṛṛu nabbisara sitarua, “I ya'u masingkatta Mawu buatte nangonggolu wanua indi si yamiu. Anambon taumata isindi matta'utti yamiu.

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.

1 SAMUEL 25:37

Marua allone, napawe i Nabal tate wu'anna, awingnge namasingkatta si tou su ola'u al᷊awo'u al᷊al᷊eo udde. Ana see i Nabal nirantannu radda'u pappuso wuṛṛu ahewallu wadangnge nallome.