SASABANGNGA 15:11 - WUKE SUSI WATTI'U AL᷊AL᷊USASSA

¹¹ Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

SASABANGNGA 15:11 Iomraidhean Croise

2 SAMUEL 7:22

I'o lembon mawantuga, oh Mawu Ruata, tumba'u I'o Ruata, taweddu nassul᷊ungngu Mawu. Yami masingkattu olangnge udde ana waugu buatte niapasingkatta ro'en dorone.

1 MARARATU 8:23

wuṛṛu niumal᷊iomanna, “Mawu, Ruatan Israel! Su langitta ara'e lai su runia taweddu ere I'o! I'o nanipussa pa'aire-Nu wuṛṛu napal᷊iatta'u darangngu-Nu su uman-Nu apan satia wuṛṛu matuṛṛutta ringannu ahewallu naungnga Si'o.

1 TAWARIKH 16:25

Ana waugu Mawu mawantuga wuṛṛu lembon raddaloanna; I Tou ṛinone ia'ata'utta nangillembo wuassu al᷊awo'u monganna.

2 TAWARIKH 2:5

I ya'u maapulu tadea'u Wal᷊en Mawu apan sarun ta'u iapararisikka udde maola'a sambau wal᷊en apan mawantuga, ana waugu Ruatan kami mabbantuhanna wuassu al᷊awo'u mawu waine.

2 TAWARIKH 6:14

“Mawu, Ruatan Israel! Su langitta ara'e lai su runia taweddu ere I'o! I'o nanipussa paaire-Nu wuṛṛu napal᷊iatta'u darangngu-Nu su al᷊aṛanang-Ngu apan matammudda wuṛṛu matuṛṛutta ringannu ahewallu naungnga Si'o.

DARALO 113:5

Isai ere Mawu Ruatan kite? I Tou ua'ianna su tampa apan matanggakka.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 136:4

Tumba'u i Tou apan ma'ola'a manga al᷊aṛṛindu'a apan wahewalla; darangngu-Ne tawe panguddusanne.

DARALO 145:17

Mawu matul᷊idda sulal᷊ummu al᷊awo'u manara-Ne wuṛṛu napenen darangngu sulal᷊ummu al᷊awo'u inolaan-Ne.

DARALO 22:23

Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

DARALO 35:10

Ringannu ahewallu naungnga i ya'u nabbisara, “Mawu, I'o tawe sul᷊ungnge! I'o namallossu taumata lome wuassu taumata matohassa, iapa asiangnga wuṛṛu susa wuassu mananansarane.”

DARALO 60:2

sutempo i tou namangalo taumatan Aram-Mesopotamia wuṛṛu taumatan Aram-Zoba, wuṛṛu sutempo i Yoab napul᷊e wua namaddon 12.000 su atoune taumatan Edom su Wawal᷊annu Asin.

DARALO 66:5

Rantate wuṛṛu pa'ellege inolaannu Ruata, mangke maatiangnga manga manara-Ne suwallatu taumata!

DARALO 77:11

Ana see i ya'u nabbisara, “Ete indi apan maataddu'a naungku, manungku Apan Atanggaṛṛane tate uataṛino lai.”

DARALO 77:14

Oh Ruata al᷊awo'u inolaan-Nu na'ukkassa, isai ere ahewallu Ruatan kami?

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

DARALO 86:10

Ana waugu I'o matohassa wuṛṛu ma'ola'a manga al᷊aṛindu'a, tumba'u I'o Ruata.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

DARALO 89:18

I'o nangonggolla si yami auntunganna apan wahewalla, ana waugu ete apapia-Nu i yami naauntungnga.

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 20:3

Imbaṛṛangnga masubba manga Mawu waine. Passubbate si Ya'u.

SASABANGNGA 3:20

Arawe i Ya'u sarun mappa'attu taṛṛino-U, wuṛṛu makkuumannu Mesir ringannu manga asasusa apan bahewalla Ta'u iapa ta poiaroddi. Wua'udde, i tou sarun mamalan kamiu umamatta.

SASABANGNGA 8:10

Sasimbakku ratu udde, “Aal᷊iomana'e i ya'u tiṛṛabbi.” Unni Musa, “I ya'u tumuṛṛutta apa apan raddoronganni Tuangku. Ne i Tuangku sarun maasingkatta manungku tawe Duata wal᷊ine ere Mawu, Ruatan kami.

SASABANGNGA 8:6

Ne i Harun namal᷊aattu ta'inne su anambon sal᷊ukka, ana see nilumapputte manga aakka namene ahewallu wanua.

SASABANGNGA 9:14

Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

YESAYA 30:11

Passal᷊iute, wuṛṛu paddea'e lal᷊anna waine. Arie mallimbatta si yami ringannu Ruata na'ukkassa su Israel.”

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

YESAYA 46:9

Naungete manga apan nariaddi sutempon dorone; panga'ute manungku i Ya'u Ruata, wuṛṛu tawe baine, i Ya'u Ruata, wuṛṛu taweddu ere i Ya'u.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YEREMIA 49:19

Naal᷊ihidda singa sinumabbangnga wuassu mahurangnge maranin Sal᷊ukku Yordan wuṛṛu nirumanta su wadda'a tampa domba u'anna nannal᷊o, aroddi lai Ya'u sarun dumanta wuṛṛu mapatal᷊angngu taumatan Edom wuassu wanua mangitou ringannu mamaroro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai wotongnge isul᷊unga si Ya'u? Isai waṛṛani ma'ola'a hatto ringang-Ku? Apa pia piaṛṛa'a apan botongnge lumawangnga si Ya'u?

IMAMATTA 19:2

mamasingkatta su walahannu Israel parenta indi, “Ṛinone i yamiu susi, ana waugu i Ya'u Ruatanu uddewe susi.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

LUKAS 12:5

Mappianne Ta'u ita'e si yamiu apan ṛinone iaata'utti yamiu. Ata'utten Ruata! Ana waugu napawe suete namate, i Tou uataṛṛino lai mandammenu sulal᷊ummu naraka! Pangimante, tumba'u i Tou iaata'utti yamiu.

TAHIUL᷊E 1:30

Mawu Ruatanu sarun mamiaṛṛa'i yamiu wuṛṛu mangehetta si yamiu ere lai buatte niapendamanni yamiu sassane su Mesir,

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

SONDAPPA 13:4

Wuṛṛu i mangitou maddalo naga udde ana waugu i tou suete nangonggolu taṛṛinone su winatangnga udde. Wuṛṛu i mangitou massubba winatangnga udde lai. I mangitou nabbisara, “Tawe sul᷊ungnge winatangnga indi! Tawedu wotongnge mamangalo lumawanna si tou!”

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.