SASABANGNGA 15:10 - WUKE SUSI WATTI'U AL᷊AL᷊USASSA

¹⁰ Arawe Mawu ringannu paassa sumangngo nandantan allo ma'asusa su Mesir. I mangitou nilumakkuba naal᷊ihidda tima apan mawakkata sulal᷊ummu lua'a apan matandi'a.

SASABANGNGA 15:10 Iomraidhean Croise

PANDARIADDI 8:1

Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.

2 SAMUEL 18:8

Pangalo nilumewessa su ahewallu leta'a udde, wuṛṛu mannamboanna taumata apan nate niaṛapatanna su mahurangnge wuassu tampan papangalonna.

NEHEMIA 9:11

Su ipa'ola'a lal᷊anna hunan uman-Nu, tahal᷊oangnga niwaa-Nu; I'o nal᷊ium mangitou niapaamattu wantan tahal᷊oangnga apan masabbu. Manga mangangenggene nawul᷊ussa sulal᷊umme, ua'e apan mal᷊al᷊umma, naal᷊ihidda watu apan nawontolla su tahal᷊oangnga apan maata'utta.

DARALO 135:7

Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

DARALO 147:18

Ana see wuassu parenta-Ne eisse udde nonossa; i Tou naniuppu anginna, ne ua'e nangelekke.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

SASABANGNGA 15:5

I mangitou niallupu tahal᷊oangnga apan mal᷊al᷊umma, wuṛṛu naal᷊ihidda watu niwontolla su wantane.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.

YEREMIA 46:17

Onggol᷊eten aranna wakku su ratu Mesir; ‘Itaṛṛa hahio apan namalan tempo mapia.’

AMOS 4:13

Wowone wuṛṛu anginna, ete Mawu apan mandariaddine; ṛiin-Ne niapasingkan-Ne su taumata. I Tou na'ola'a aallo wuṛṛu ṛabbi su wowon manga puiddu runia i Tou u'amatta. Mawu Ruata Apan Lembontaṛṛino, uddewe aran-Ne.

MATIUS 8:27

Manga mallal᷊aṛṛenggennu Mawu Yesus naherangnga. I mangitou nabbisara, “Taumata ereapa i Tou indi, na'oman sara anginna wuṛṛu lua'a tinumuṛṛutta apulu-Ne!”

TAHIUL᷊E 11:4

I yamiu naasilo ereapa Mawu namate tantaran Mesir suadio'a ringannu anambon awal᷊o wuṛṛu keretan pangalone. I mangitou sarangkanambone niwontolla su Tahal᷊oangngu Gelagah su tempo ta'e mangngenggenna si yamiu.