SASABANGNGA 14:4 - WUKE SUSI WATTI'U AL᷊AL᷊USASSA

⁴ I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 14:4 Iomraidhean Croise

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

SASABANGNGA 10:2

wuṛṛu tadea'u i'o wotongnge mabbatti'a su ana'a pulunnu ereapa i Ya'u nannalangnga balahannu Mesir ringannu manga al᷊aṛṛindu'a udde. Ne i yamiu sarangkanambone masingkatta manungku ete i Ya'u Mawu.”

SASABANGNGA 10:27

Mawu na'ola'a ratu naungnge maattikka na'oman sara i tou maddiri mamalan balahannu Israel inai mapul᷊e.

SASABANGNGA 12:28

Ana see i mangitou inaite wuṛṛu na'ola'a apa apan nirolokku Mawu si Musa wuṛṛu si Harun.

SASABANGNGA 14:23

Taumata Mesir ringannu anambon awal᷊o, kereta wuṛṛu samasa'ene sidutu mangngenggenna wuṛṛu nanantuṛṛutta taumatan Israel watukku tangngan tahal᷊oangnga.

SASABANGNGA 14:25

I Tou na'ola'a manga bolan kereta mangitou tawe tumiri, na'oman sara ringannu masahadda i mangitou umamatta. Unnu taumata Mesir, “Mawu mannahekku taumatan Israel mandoappa si ite. Weete i ite tumal᷊angke wua isindi!”

SASABANGNGA 14:3

Ratu Mesir sarun massunna manungku taumatan Israel tantal᷊anna mammal᷊intaddu wanua indi wuṛṛu nilamammiṛṛante su wadda'a lol᷊okka.

SASABANGNGA 14:5

Napawe ratu Mesir naaringikka manungku balahannu Israel tinumal᷊angke, i tou wuṛṛu manga mammamanaran araratuanne sinumassilla wuṛṛu nabbisara, “Apate sarun olaanni ite? Anio i ite namalan manga taumatan Israel udde napul᷊e na'oman sara i ite niawul᷊iannu manga allangnga?”

SASABANGNGA 14:8

Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 7:17

Ana waugu udde, Mawu nabbisara arendi, ‘Wuassu sarangkanambone apan Ta'u olaanna sal᷊immurine, i'o sarun maasingkatta manungku ete i Ya'u Mawu. Ringannu ta'inna indi ya'u sarun mamuulla ua'en sal᷊ukka, wuṛṛu ua'ene sarun mabbal᷊i daṛṛa.

SASABANGNGA 7:3

Arawe i Ya'u sarun mapaattikku naungngu ratu. I tou sarun tawe maddaringikka si'o, salaiwe i Ya'u mapaarantan manambo silaka su Mesir.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

YEHEZKIEL 28:22

Pasingkata'e su tumanangnge manungku i Ya'u Mawu Apan Atanggaṛṛanne mabbisara si mangitou, ‘I Ya'u indi seennu, ei Sidon. Manga taumata sarun maddalo si Ya'u ana waugu inolaang-Ku su saruannu. Sutempo i Ya'u nakkuumannu tumanangngu, i mangitou sarun maasingkatta manungku ete i Ya'u Mawu apan na'ukkassa.

YEHEZKIEL 32:15

Napawe Mesir Ta'u olaanna wadda'u anne apan mal᷊annabba, see Ta'u pateanna sarangkanambone apan utana'a isudde, i mangitou sarun maasingkatta manungku ete i Ya'u Mawu.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

YEHEZKIEL 39:13

Anambon tumana'u wanua sarun massumbala manara pallal᷊abinga udde; wuṛṛu ringannu udde i mangitou sarun manengkamma lal᷊antakke su allo sutempo i Ya'u naauntunga. I Ya'u, Mawu Apan Atanggaṛṛanne buatte nabbisara.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

ROMA 11:8

Ana waugu sulal᷊ummu Wuke Susi uawoṛṛetta arendi, “Ruata na'ola'a naungnga wuṛṛu ṛingiddi mangitou nabbal᷊i maattika; wuṛṛu na'oman sara orassa indi mata mangitou tawe maasilo wuṛṛu tal᷊inga mangitou tawe maaringikka.”

ROMA 9:17

Ana waugu sulal᷊ummu Wuke Susi uawoṛṛetta, “Ruata nabbisara su Ratu Mesir, ‘I Ya'u ma'ola'a si'o ratu ana waugu sambau pandumanna indi, eteudde tadea'u ringannu ririnu i Ya'u mapaal᷊iatta'u araratuang-Ku wuṛṛu ma'ola'a arang-Ku asingkatannu lal᷊oṛṛon runia.’ ”

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

YOSUA 11:20

Mawu napaattiku naungngi mangitou ana see sidutu mapapangalon taumatan Israel, tadea'u i mangitou insueanna, wuṛṛu pateanna abbi ringannu tawe ampunge ere buatte nirolokku Mawu si Musa.

MAL᷊AṚṚUUNGNGA 4:7

Paṛaddote si Ya'u mandolokki Sisera, tembonannu tantaran Yabin, rumanta ringanni yamiu su Sal᷊ukku Kison ringannu tantarane wuṛṛu manga keretan pangalone mamangalo si yamiu. Arawe i Ya'u sarun mangonggolu auntunganna si yamiu sulal᷊ummu pangalo udde.’ ”