SASABANGNGA 14:22 - WUKE SUSI WATTI'U AL᷊AL᷊USASSA

²² Ua'e natahia darua, wuṛṛu taumatan Israel tinumumbete tahal᷊oangnga, i mangitou u'amatta su wantane apan mamara, wuṛṛu ua'e su aikatanna wuṛṛu aiṛṛi naal᷊ihidda darandungnga.

SASABANGNGA 14:22 Iomraidhean Croise

2 MARARATU 2:14

ana see juban Elia udde niwal᷊atta su ua'e lapiddu nabbisara, “Suapate Mawu, Ruatan Elia udde?” Napawe i tou buatte namal᷊attu juba su ua'en sal᷊ukka udde, ua'e udde natahia darua wuṛṛu i tou niumamatte su samba'a.

2 MARARATU 2:8

I Elia namallossu jubane, ana see nilul᷊unna wuṛṛu niwal᷊atta su ua'en sal᷊ukka udde. Ne ua'en sal᷊ukka udde natahia darua, na'oman sara itaruan Elisa wotongnge naamatta su mamaranne.

NEHEMIA 9:11

Su ipa'ola'a lal᷊anna hunan uman-Nu, tahal᷊oangnga niwaa-Nu; I'o nal᷊ium mangitou niapaamattu wantan tahal᷊oangnga apan masabbu. Manga mangangenggene nawul᷊ussa sulal᷊umme, ua'e apan mal᷊al᷊umma, naal᷊ihidda watu apan nawontolla su tahal᷊oangnga apan maata'utta.

DARALO 106:9

Wuassu parenta-Ne Tahal᷊oangngu Gelagah namara, i Tou nangapiddu al᷊aṛṛanang-Nge niumamatta su tahal᷊oangnga, ere u'amatta su wadda'a.

DARALO 136:13

Tahal᷊oangngu Gelagah niwa'a-Ne; darangngu-Ne tawe panguddusanne;

DARALO 136:14

Israel al᷊aṛṛanang-Nge nilliu-Ne su samba'a; darangngu-Ne tawe panguddusanne.

DARALO 66:6

Tahal᷊oanga niwal᷊u-Ne nabbal᷊i leta'a mamara, al᷊amonan kami nilumewessa ringannu u'amattu ledda. Ne i yami lulluassa ana waugu inolaan-Ne.

DARALO 74:15

I'o napa'elekku al᷊imatan kua'e wuṛṛu sal᷊ukka; sal᷊ukka apan wahewalla niapamara-Nu.

DARALO 78:13

I Tou nama'a tahal᷊oangnga, ana see napal᷊ewessi mangitou; ua'e naipattaalla ere niṛṛappinganna.

SASABANGNGA 14:29

Arawe su tempo taumatan Israel malliu tahal᷊oangnga, i mangitou u'amatta su wantane apan mamara, wuṛṛu ua'e naola'a darandungnga su aikkatanna wuṛṛu su aiṛṛine.

SASABANGNGA 15:19

Su tempo taumatan Israel namare tahal᷊oangnga, i mangitou niumamatta su wantane apan mamara. Arawe su tempo manga kereta wuassu Mesir ringannu awal᷊o wuṛṛu sumasa'ene nasutta sulal᷊ummu tahal᷊oangnga, Mawu na'ola'a uaene nangelekka apia na'oman sara i mangitou nilumakkubba.

SASABANGNGA 15:8

I'o nattiuppa tahal᷊oangnga, ua'e mallul᷊unna matanggakka, uarisikka matul᷊idda naal᷊ihidda darandungnga, na'oman sara wantan tahal᷊oangnga wotongnge amatanna.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 11:16

Su uman-Ne lambene sarun pia dal᷊anna mal᷊oangnga tadea'u maasabbangnga wuassu Asyur, naal᷊ihidda sutempo Israel sinumabbangnga wuassu Mesir.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 63:13

Suapate Mawu apan nangehetta si mangitou u'amatta su ua'e apan mal᷊al᷊umma? Naal᷊ihidda awal᷊o u'amatta su wadda'u anne, i mangitou tawe saran paassa natara.”

ZAKARIA 2:5

Mawu buatte naddiandi manungku i Tou sassane sarun maola'a darandungnga putungnga apan uapal᷊iwutta soa udde tadea'u mallu'adda wuṛṛu i Tou sarun matana'a poiaroddi sulal᷊ummu al᷊awo'u taṛṛino wuṛṛu awawantu-Ne.”

REENGANNA 33:8

Wua'udde i mangitou nanantangke Pi-Hahirot, nilumiu tahal᷊oangnga wuṛṛu sinumutta su wadda'u Etam; napawe tallute allo u'amatta, i mangitou naddasanna su Mara.

1 KORINTUS 10:1

Manga tuṛṛangnga! Ṛinone tuṛṛangnga mannaungnga apa apan buatte nariaddi su iupungngu al᷊amonan kite su tempo i mangitou uatantalongnga si Musa. I mangitou sarangkanambone nial᷊indumannu winabbawa wuṛṛu ringannu sal᷊amatta tinumumbe su Tahal᷊oangnga Maṛṛamu.

IBRANI 11:29

Ana waugu mangngimanna, ne manga taumatan Israel wotongnge tumumbe Tahal᷊oangnga Maṛṛamu, paṛṛimaunnapa i mangitou u'amatta su leta'a mamara, arawe manga taumatan Mesir niallupu tahal᷊oangnga udde, su tempo i mangitou maannamma tumumbe lai.

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

YOSUA 4:22

pasingkataa si mangitou manungku ṛuangannu Israel tinumumbe Sal᷊ukku Yordan indi niumamatta su leta'a mamara.

1 SAMUEL 25:16

Allo ṛabbi i mangitou ual᷊u'adda si yami su al᷊annune yami uariaga domba ambinga maranin mangitou.